استفسار هام عن ساعات التخصص + وقت انقطاع المكافأة [عنوان معدل]

[بنت عتيبة]

انا مستجد اعمال.. هل لازم اخلص كل مواد السنة والنص عشان اتخصص

وسمعت انه لو طولت في الجامعة اكثر من 4 سنوات تنقطع المكافئة صح ولا لا..

[girl.k.s.a]

المشاركة الأصلية كتبت بواسطة بنت عتيبة انا مستجد اعمال.. هل لازم اخلص كل مواد السنة والنص عشان اتخصص وسمعت انه لو طولت في الجامعة اكثر من 4 سنوات تنقطع المكافئة صح ولا لا..

أهلا وسهلا
على وقت ما أتخصصنا كانو حاطين ليمت للساعات
أظن 71 ساعة بس مو محددين المواد
فأتوقع إنتوا حتكونوا كدا كمان
مو شرط كل المواد بس على الأقل 3 أرباعها
أقل شي ساعاتك تكون في حدود 65 إلى 71 كدا ممكن يمشوها بس أقل ما اعرف !

+

إذا انتهت مدة الخطة الدراسية تتوقف المكافأة
نحنا 4 سنوات ونص يعني المفروض يعطونا كمان على آخر سمستر
أنا بطاقتي تنتهي شهر 10 من 2013 يعني آخر شهر راح يكون شهر 10
ما اعرف اذا راح يخلونا نطلع بطاقة جديدة لآخر سمستر والا راح يسحبو علينا

[بنت عتيبة]

الله يجزاك خير ع الرد .. والله يعيننا

[battota]

مدري بس اظن يعطونا مكافاه اخر سمستر لانو عدد سنوات التخصص 4 سنين ونص

[باور هورس]

المكافئة مستمرة لمدة 9 فصول دراسية

والبطاقة اذا انتهت يعطوك بطاقة جديدة ( طبعا مدتها سنتين كل بطاقة ) حتى لو كان باقي لــك مكافئة وحدة وتخلص 9 فصول دراسية مثلا

[battota]

^^

متاكد سنتين تستمر ؟؟

انا بطاقتي حتنتهي شهر 10 من 2013 لسه باقيلها بس نسيت متى غيرناها ...

متى غيرناها لو تذكر ؟؟؟عشان ابغا اعرف

[ҳҲҳŔỜŔỜҳҲҳ]

يب سنتين لانو انا غيرتها الترم اللي راح وراح تنتهي 2014

[بنت عتيبة]

طيب لو وقفت سنة وكملت ..

[باور هورس]

لو وقفتي ما ادري بالضبط

بس اللي متأكد منه ان الحكومة عمرها ما رح تزيدك

يعني لو وقفتي سنة ممكن تتوقف المكافئة لين ما ترجعي مره ثانيه
او انها تستمر وقت ما وقفتي لكن ياخذوها في الاخير بمعنى اخر سنة تكون بدون مكافئة لأنك وقفتي سنة والمكافئة مستمرة


الحكومة ما تعطيك ريال واحد زيادة
مهما حوال الشخص التحايل
وتمام اذا ما خصموا منها بحجة رسوم مثلا او اي شي ثاني

[iSimzZz]

المشاركة الأصلية كتبت بواسطة بنت عتيبة طيب لو وقفت سنة وكملت ..

لو اعتذرت عن ترم قبل ما يبدأ ماينزل لك مكافآة في هذا الترم لكن اذا رجعت تكمل ترجع تنزلك حسب المدة المقررة وكأن الترم هذا مو محسوب

اما لو بدأ الترم ونزلت جدول وسحبت ماينزل مكافآة لهذا الترم وتعتبر كانها نزلت ويدخل ضمن المدة المقررة

واعتقد نفس الفكرة لسحب سنة