كيف الية القبول في كلية الطب ؟؟

[ابوسعد الغامدي]

السلام عليكم ورحمة الله وبركاته

ياجماعه اللي يعرف كيف الية القبول ؟؟

هل تعتمد على gpa ??

ماهي المعايير مرتبة ؟؟

يعني اللي يعرف يعطينا شرح ممل ويكون حق هذي السنه وله منا خالص الدعوات

[dracula20100]

الموضوع متكرر

[اتحادي منتظم]

الرآقل يبا يستفيد وانتا تقلو مكرر

[3bade]

من جد

[3bade]

اعتقد انها تعتمد بشكل أساسي ع المنافسة

[makdom]

up :)

[fi9]

زيها زي باقي الكليات , لها نسبة خاصة (كيمياء فيزياء احياء انجليزي ) ولازم معدلك الموزون في دي المواد ما يقل عن 85% عشان تقدر تترشح للمنافسة على مقعد في الكلية . والمنافسة تكون بناء على نسبتك الموزونة العامة(يعني كل المواد) و على طاقة الكلية الاستيعابية(حوالي 150 طالب).
فحياخدو كل اللي نسبتهم الخاصة 85% ويرتبوهم تنازليا حسب نسبتهم الموزونة العامة وياخدو اول 150 طالب

طبعا دا الشي في كل الكليات اللي تتطلب نسبة خاصة زي الطب الاسنان الهندسة الحاسب الخ

الخلاصة : ركز على كل المواد ولا تسحب على اي مادة مهما كنت تظن انها سهلة زي الاتصال ولا الحاسب , وحاول تجيب درجات عالية عشان تدخل الكلية اللي تبغاها . نظام المواد في الجامعة بالساعات . وكل ما كانت المادة ساعاتها عالية كل ما كانت مؤثرة في نسبتك الموزونة ومعدلك. ومن حسن حظكم في التحضيري كل المواد بـ3 ساعات ما عدا الانجليزي بساعتين . يعني تقدرو تجيبو نسبة موزونة و معدل حلو بسهولة . فحتى لو خبصت في مادة تقدر تعوض الدرجات في مادة تانية .

جيبو نسبة موزونة عامة عالية وتدخلو اللي تبغوه بإذن الله , بالتوفيق لكم

[ابوسعد الغامدي]

الله يجزاك خير يا fi9 صراحه افدتني وخصوصا هل العباره
حتى لو خبصت في مادة تقدر تعوض الدرجات في مادة تانية
مشكوور

[Azo18]

حبيبي يعني افهم من كلامك النسبه الخاص مو اهم من العامه !

انا قالو لي ناس اكبر من وكذا يقولو النسب الخاصه هي الي تدخلك التخصص اللي تبغاه وليست العامه العامه مهمه لا شك بس الخاصه هي تحدد طموحك للي تبي وافهمها

[ابوسعد الغامدي]

اهلا اخوي Azo18
انا يوم طرحت هالموضوع قعدت ابحث في المنتدى عن جواب لسؤالي ووجدته في اجابة الاخ fi9
وموضوع الاخت http://www.skaau.ws/vb/showthread.php?t=512421

ولمزيد من التوضيح :(حسب فهمي)
الكلية تبدا في فرز الطلاب حسب النسبة الخاصه للكلية (طريقة حسابها في الرابط ) واذا اكتفت الكلية من الطلاب وكان في طلاب بنفس النسبة الخاصة تتم المفارقه بحسب النسبة العامه..
فلايوجد فرق بين الدرجات الا بعدد الساعات ..