استفسار عن افضل معاهد اللغة الانجليزية ؟!. [عنوان مبهم]

[batbot]

السلام عليكم....
اخواتي و اخواني....
حابة اسأل عن افضل معاهد اللغة بجده
و كيف نظام الدورات عندهم مستويات ولا مهارات
لانو حاليا ابغى دوره تركز على المحادثة
و كم مده الدوره واسعارها ؟

شاكره لكم حسن تعاونكم......

[ثناء الغامدي]

وعليكم السلااام

والله انا مسجله بمعهد الثقافي السعودي واخذت مستويين عندهم وطبعا بدات مبتدئ علشان اتاسس صح بالانجليزي

بدات بمعهد بسيط والمستويات الثانيه باخذها من ول استريت لانه افضل معهد انجليزي بالمحادثات

الثقافي مااعرفه بس انا توي بدات فيه حلوووو لكن ول ستريت يركز على المحادثات

والله يوفق الجميع لما فيه خير وصلاح
السلام عليكم

[batbot]

شكرا لك اخت ثناء
طيب انا ابغى اسأل
اي من دي المعهدين افضل
اكسفورد & الثقافي البريطاني؟
و كم مده الدوره عندهم؟؟

[احساس روحي]

مساء الخير

البريطاني المستوي عندهم 3أسابيع وسعرهم بالفيين وشي ع المستوي

انا والله مسجله في الابداع الكنـدي وشآيفه الدراسه مره بيرفكت عندهم الاستاذات أجانب
ومن مستوي لمستوي المحادثه دايركت عندك تطور
انا بدات من المستوي الاول والحمدلله مررره استفد كثييير

عندهم الدراسه عباره عن 8 مستويات وتتأهلي لتوفل مع العلم ان اغلب المعاهد تكون 12 مستوى
المستوي الواحد سعره 1600
وحاليا مسوين عروض مررررهـ روعه اذا حابه تسجلي الحقي العروض

عندي صحبات واصلين للمستوي 7 ومررررره ماشاء الله الانقليزيه عندهم ممتازه

حبيت افيدك والله يسخر لك الخير..

[batbot]

احساس روحي

شكرا ع الافاده
طيب وين موقع الابداع الكندي
و ممكن ارقامهم

[banoota mnkoosha]

اكسفورد جيد الليفل عبارة عن كورسين كل كورس لمدة شهر .. تروحي اي يوم تعملك اختبار مستوى و تنتظري شوية تعطيكي نتيجة مستواكي وبعدين تشوفي انتي في اي كورس بالضبط ..

بالنسبة لـ وول ستريت .. اخويا دخله زمان ما استفاد ولا شي يقول زي المدرسة و حتى صحبتي ما مدحت فيه ! بس احتياط روحي جربي بنفسك امكن يعجبك :)

البرتش كونسل كويس بس تعرفي كيف الاكسنت البريطاني شوية غلس !!

والله يوفقك يارب

[batbot]

بنوته منكوشه
شكرا للافادتك
و بانتظار الباقي

[احساس روحي]

ممكن أكيد حبيبتي .

المعهد في التحليه بالضبط وراء بيتزآ هآآآآت

وحبيت اقول لك معلومه مره مفيده لو حابه تعيدي المستوي عادي تعيدينه بدون ماتدفعي شي

هذآآ رقمهم كلميهم وبآذن الله ماراح تندمي ..

6924562

وبغيت اسئلك انتي مررره مستواكي داوون في الانقلش ولا نص نص؟؟

[batbot]

احساس روحي
مرررره شكرا
انا مستواي الحمدلله يعتبر متوسط
بس حابة اطور نفسي زياده

طيب عندك فكره ايش هي العروض اللي عاملينها

[batbot]

و كمان حابة اسأل مده المستوى الواحد كم اسبوع؟