الدراسات العليا والتعقيد ..الله موجود

[هدوٍء~]

لو سمحتو لاتحذفو موضوعي :)

ايش التعقيد اللي صاير في التقديم للدراسات العليا قالو جيد جدا قلنا اوكي واجتهدنا وتعبنا ودرسنا وسهرنا وبعدين نتفاجأ انه ياخذو 40% في قدرات الجامعيين يعني تعب سنين طويله في الدراسه يوازي اختبار 3 ساعات وقلنا معليش واختبرنا وجبنا الدرجه
طالبين منا ستيب واحنا من اولى ابتدائي لين تخرج الجامعة ندرس عربي وضغطنا على انفسنا وذاكرنا وتعبنا وجبنا الدرجه

لكن حجب التخصصات
والخبره والمواد التكميليه لبعض التخصصات هذي كلها تعقيدات ؟
ليه مو كل واحد يدخل التخصص اللي يبغاه زي الجامعات العالميه ؟؟؟؟

ليه برا مانشوف طالبين خبره وقدرات وهذا الكلام ؟ لهذي الدرجه انتو مو واثقين في مخرجات التعليم حقتكم ؟؟؟؟؟؟؟؟؟؟؟
طيب انتو مو واثقين من تعليمكم طورو كتبكم مدارسكم جامعاتكم بس ماتضيعو مستقبلنا وتقتلو احلامنا

انا زيي زي اي خريجه تبغا تكمل ماجستير ادارة اعمال وطلع لي عائق شرط الخبره
مع العلم اني خريجة تعليم عن بعد وكنت اشتغل في سنوات الجامعه وقبلها ليش تساووني بطالبات الانتظام اللي ماعندهم وقت يشتغلو ؟؟؟؟؟؟؟

ليش اصلا تبغو خبره ؟؟؟؟؟؟؟ ليه محسسينا ان الواحد اول مايتخرج يلاقي وظيفه اصلا والا احد يعطيه وجه في ناس متخرجين من 5 سنوات بس ماعندهم خبره لان مالقو وظائف اصلا ليش تحدو الناس عالتزوير ودفع الفلوس للواسطات والتحايل على الأنظمه عشان يسجل بالجامعه

وليه مافي رد على الاستفسارات الدكتور يرد عاللي يبغاه واللي ماعنده اجابه مايرد عليه

طيب احنا سعوديين من اهل البلد كل اللي بالجامعه الحكومه حاطتكم عشان تخدمونا ماتقعدو تنفخو علينا انتو قاعدين تأدو واجبكم

في اي مكان برا مايطلبو الا التقدير ودرجة التوفل والجيمات اللي هي تعادل الستيب والقدرات هنا ليه خبره وماخبره وكلام ماله داعي ؟؟؟

وانا متأكده انه في ناس كثير راح تدخل وتنقبل لان لها احد في الجامعه ليه الواحد لازم يسلك الطرق الملتويه دايما عشان يوصل لمبتغاه
خافو الله فينا لاوظائف ولا اكمال دراسه
تضيعو الشباب بيدكم وبعدين تقولو ضاعو انحرفو ادمنو
من ايش هذا كله من الضغط والتحطيم اللي صاير هنا

والله والله اني ماأسامح احد ولا اي موظف في الجامعه ولا اللي حط نظام القبول ان ضاع علي التسجيل وبين وبينكم الله على كل السهر والتعب والتفحيط اللي فحطته عشان اجيب التقدير واجيب درجات القدرات والستيب وبعدين تقولولي خبره


حسبي الله ونعم الوكيل على كل من له يد في تحطيم وضياع الشباب