مشروع خريجة ,,

[الليدي دلال]

بسم الله الرحمن الرحيم ...

السلام عليكم ورحمة الله وبركاته..
مبروك للخرجيين و عقبال الوظائف يارب و يرزقكم الاحسن

انا مثلكم متخرجة الترم الاول , وان شاءالله ربي يكب لي الخير
بصراحة ابغى اعمل مشروع كوفي شوب للصبايا حيكون بالرياض قريب من جامعة الاميرة نورة

مشكلتي اني متخوفة من المشروع اخاف ما يكون عليه اقبال من البنات
ف حابه اشوف الصبايا يأيدون الكوفي

فكرة المشروع جاتني بصراحه . لمن اشوف كوفي شوب للاولاد يضم الاصحاب و الوناسة وتمنيت يكون كدا للبنات,
و خاصة لمن يكون عوائل اغلب البنات ما يخدوا راحتهم . اذا ضحكتي بصوت او طالعتي بالغلط اكلوك العوائل و حطوا فيك مليون عله و ادوك النظرة الاستحقارية

الكوفي شوب فكرتو انو نرتاح مع صحباتنا نفك العبايات شوي و اشوف لبس صحباتي ,

طبعا المشروع راح يضم كونتر للعبايات , و جلسات هادية و راقية و بار, مطعم وحيكون فيه قسم للبلياردوا و الهوكي و العاب فيديو
و حيكون فيه انترنت , فكرة الانترنت بتكون مبتكرة بتكون الكمبيوتر داخل غرفة صغيرة وبسيطة و هادية عشان الخصوصية و بعيدة عن الضوضاء وكمان تهيئ جو للدراسة و المراجعة للطالبات

وكمان حيكون بين الغرف مكتبة تضم العديد من الكتب المفيدة , للي تبغى تقرأ كتاب تحبو و تستقل بنفسها شوي

يعني ادخل الفايدة و الرقي فيه . لانو الوحدا واللهي محتاجة تستقل بنفسها و مع صحباتها تبي تفكر و تنبسط شوي و ترتاح و تبعد شوي عن ضغوط العمل و الجامعة وعن اجواء البيت ولو لدقائق معدودة

ما حأطول عليكم , بس اتمنى انو تشاركوني الموضوع و هل هو مشروع مربح ؟ و تأيدوني فيه واللي فاضي او فاضية تعملي دراسة جدوى وكمان الافكار و الابداع منكم احتاجه

وشكرا مرا مقدما

[beto5311]

انا ايدك على الفكررره الجميله هذه والاشياءء الي ذكرتيها مررررره حلوه

مممممم بس في شي يعني بسيط

بعض العائلات ماتسمح لبناتهم الخرروج مع صحباتهمم وكذا الا اذا كان الشغل حريمي جوا يعني ادخل بامي وجماعتي ههههههه

كذا بيكون تمممام وجميل وانا احمسك على الفككرره

و زي ما في عائلات ماتسمح للبنات الخروجج في ككككككثثثير عايلات بتسمح


وكمان في شي ماني عارفه اذا هو صح ولالا

احس الرياض مدينه متشدده شوي يعني اخاف ماتلقي اقبال

لو كان فجده حيكون في اقبال وخصوصا لو كان جنب الجامعه الله الله البنات بينبسطو ههههههههههههه


الله يوفقققك ويرزقك بكل الي تحلمي فيه

[مهاووي]

اسعد الله أوقاتهم حبايبي
فكررره جميييييييله جدا
انا لو ألقى احد يشاركني هنا بجده راح يكون عليه إقبال رهيب
والرياض كمان عليه إقبال لآني عشت فيها فتره فاعرف ان هذا النوع من الأماكن
يجذب وله إقبال وهناك أيضاً بالرياض أسواق ومحلات تجاريه خاصه بالسيدات ومغلقه
يعني الفكرة ماهي غريبه عليهم
الله يوفقك عزيزتي وتوكلي على الله

[مهاووي]

انا واللي قبلي تجمعنا صوره الرمزية
صدفه جميله ههههههههه

[R.M.B]

فكره رائعه نتمنى في جدة زي كدا نأخذ راحتنا
بالتوفيق لك عزيزتي

[beto5311]

انتي الاجممل

[الليدي دلال]

الله يسعدكم بنات منجد رفعتوا معنوياتي اكثر ,
المشروع تحت الدراسة
وارحب بافكاركم

مهاوي ... انا اقبل الشراكة واحب احد يشاركني هالشي مرا حلو. كلميني خااااص
وان شاءالله جدة بتكون محل دراستي كمان

وان اشاء الله دعمكم بيكون سبب نجاح المشروع بس ابغى اشوف في اقبال من البنات
ياليت يشاركون كل البنات