شهادة التعليم عن بعد ! الحـق نفسك وادخل ..

[ana0jaikm]

السلام عليكم ورحمه الله وبركاته ،

ماراح اطول عليكم اخواني انا سجلت بالمنتدى عشان اكتب هالموضوع واتمنى انه ماينحذف لأن فيه مصلحة لكثير من الطلاب انا طالب متخرج السنة اللي راحت بمعدل 4.70 مع مرتبة الشرف الثانية بنظام التعليم عن بعد تخصص موارد بشرية

رحت للخدمة المدنية ورحت لهيئة التخصصات الطبية وللإسف نظام التعليم عن بعد للحين ماتصنف من قبل وزارة الخدمة المدنية يعني بالعررربي محد معترف بالتعليم عن بعد الا جامعة الملك عبد العزيز ، المشكلة الخدمة المدنية يقولون لو إن شهادتك

انتساب راح تتصنف الشهادة وتدخل بالمفاضلة الوظيفية القادمة ومع هالمعدل راح تتوظف خلال ست شهور ..وزيادة على كذا تم قبولي مبدئياً لماجستير في جامعة الملك سعود يوم رحت اقدم الشهادة قالولي تعليم عن بعد للإسف مانقدر القبول فقط للإنتظام والإنتساب .

مالكم بالطويلة والله اني كاتب هالموضوع نصيحة لكم انا راحت علي وماباليد حيلة الخلاصه " انت طالب تعليم عن بعد " حول انتساب اذا تقدر

وعشان ابري ذمتي من الحين ممكن بعد شهر شهرين سنة مية سنة يجي تصنيف شهادة التعليم عن بعد لكن الآن الشهادات المقبولة فقط الانتظآم والانتساب التقليدي او الانتساب المطور .


واتمنى من ادارة المنتدى ماتحذف الموضوع لأن فيه طلاب للحين يقدرون يلحقون على انفسهم ويحولون انتساب .

مع امنياتي للجميع بالتوفيق ..

[المهنا2010]

قالوا جاء فيها حكم من ديوان المظالم بقبول شهادة الانتساب والتعليم عن بعد يعني نقول ان ديوان الخدمة المدنية والجهات الاخرى ضربة حكم ديوان المظالم في الحائط يالله حسبي الله ونعم الوكيل بس الشعوب تتطورت وحنا في قاع الوادي

[ربنا يسهل]

الله يجزاك خير ويوفقك ويرزقك ويسعدك دنيا وآخره

[sa2013]

مشكور اخوي على هذه المعلومة الرائعة
طيب ومن الاساس ليه يفتحون تعليم عن بعد
ما نقول الا حسبي الله ونعم الوكيل