استفسار عن الأنتساب ؟ ارجوا الجواب من الخبراء

[بلجيكي]

بسم الله الرحمن الرحيم

يا أخوان انا اكملت تسجيلي في الأنتساب والأن برسل اوراقي عن

طريق البريد السريع بس سؤالي هو كيف اعرف اني في خطة

( أ) او( ب) هل انا اختارها ام هم يختارون لي؟ ومتى بعد

التسجيل؟ والكتب اشتريها او على cd ؟ والي عنده خبره في

السنة التحظيرية انتساب نصائح وتجارب يخبرنا عنها وله جزيل

الشكر والأجر والثواب من رب العالمين

[احلى هبوش]

لااا هم يختارون لك الخطه مو انت تختارها وتشتري الكتب على حسب الخطه حقك والمواد اللي تنزل لك في الاودس حقك ...الله يوفقك

[مـــاجد]

هم يحددون لك في اي خطة
ثانيا الدراسة صعبة جدا ونسبة الرسوب عالية بين الطلاب يعني لا تتهاون وانا اخوك
الملخصات امرها بسيط تلقاها في اي مدينة
الله يوفقك

[ع ـبث طـفلهـ]

احلى هبوشه ماقصرت

وان شاء الله موفق اخوي شد حيلك وربي يوفقك

:)

[thamir to.to]

بتوفيق بلجيكي والخطه طبعا تطلع لك في الخدمات الاكاديميه طلاب (الاودس ) بالنسبه للكتب في موضوع مثبت عن المواد والملخصات وشد حيلك من البدايه ترتاح

[رسمي]

أخوي بلجيكي اول شي الله يحييك بيننا .. اول مشاركة لك وإن شاء الله توصل الف .. حط في بالك شي واحد .. يا تنجح بامتياز يابلاش تتخسر .. واذا ماجبت ممتاز لا تتنازل عن جيد جداً .. الدراسة مافيه صعوبة مره لكن يبي لها فضاوة قبل الاختبار بشهر على الأقل وبجد وتفرغ .. بالنسبة للكتب بتجيك اعلانات مكتبات طنشها .. اصبر شوي لحد ماينزل الدكاترة مناهجهم على موقع الجامعة (مفردات المواد) اهم شي تابع المنتدى وراح تستفيد من الملخصات أكثر من الكتب .. الله يوفقك ويوفقنا إن شاء الله .. تحياتي للجميع

[مشاري بن سعود]

اخوي الملخصات ابعد عنها خلها عشان المراجعه بس واهم شي تشتري الكتب بدرري طبعا اذا حددوا لك الخطه وماتغير المنهج واعتقد ماراح يتغير والخطه زي مااقالوا الاخوان هم اللي بيحددونها لك
والدراسه اخالف اخوي ماجد اعتقد انها مو صعبه كثير والدليل تصفح في المنتدى وشوف الدرجات بعينك اغلبها عاليه

اخوي ماجد ههههههه تبي الرجال ينسحب انت خوفته من الدراسه

واهم شي خلي في جيبك 3000 ريال لانهم بيرسلون لك رساله سدد خلال فتره 15 يوم بس

بس دامك توك ماارسلت اوراقك بعد ماترسلها عمليه قبولك راح تمر بمراحل من تدقيق وغيرها يعني تاخذ شهر ونص شهرين عشان تنقبل بصفه رسميه إن شاء الله وبالتوفيق

[ٌm!ss p!nk ksa]

اخ مشاري ابيك بسؤال ممكن

[مشاري بن سعود]

المشاركة الأصلية كتبت بواسطة ٌm!ss p!nk ksa اخ مشاري ابيك بسؤال ممكن

تفضلي اختي

[البدر_15]

افادوك الاخوان وماقصروا ..

اذا احتجت اي شئ انا بالخدمة ..

بالتوفيق ان شاء الله ..