طلبات التخصص في الهندسة

[_Ahmad_]

السلام عليكم ورحمة الله وبركاته




انا الحمدلله تم قبولي بكلية الهندسة .........يعني بع ما كملت السنة التحضيرية

بس عندي سؤال منزلين لي في الاوديوس ((طلبات التخصص)) بس مادري متى تنتهي


يالي عارف شي عن الموضوع هادا يقول .


تحياتي

[heso]

تخصص هندسة كان اول تخلص سنة بعدين تقدم
الآن يمكن غيرو النضام بسبب السنة التحضيرية و اخدت مواد عامة مشتركة المفروض تاخدها بهندسة زي
math 101
phys 101
chem 101
بالاضافة الي المواد العامة زي ثقافة و عربي .
قدم تخصص لو شايف معدلك عالي و ان شاء الله تنقبل فيه .

[_Ahmad_]

المشاركة الأصلية كتبت بواسطة heso تخصص هندسة كان اول تخلص سنة بعدين تقدم الآن يمكن غيرو النضام بسبب السنة التحضيرية و اخدت مواد عامة مشتركة المفروض تاخدها بهندسة زي math 101 phys 101 chem 101 بالاضافة الي المواد العامة زي ثقافة و عربي . قدم تخصص لو شايف معدلك عالي و ان شاء الله تنقبل فيه .

لا ما فهمتني انا خلصت السنة التحضيرية وتم قبووولي ................ بس طلع عندي في الاوديوس ((طلب تخصص)) ابغى اعرف امتى ينتهي وشكرا

[heso]

ما ينتهي الطلب قدامك سنتين تقدر تخصص فيهم أو تقدر تقدم الترم الجاي حسب اللي تشوفه مناسب..
لكن اخر ترم في اول سنتين لو ما قدمت رغباتك يحطوك من عندهم اللي يبغوه .

و زي ما قلتلك أول كانت سنتين تقدر تقدم تخصص .. [ وقتنا يعني بدون سنة تحضيري ]
لكن دحين تقريبا حيخلوها سنة زيادة مع التحضيرية يمكن و بس
و زي ما قلتلك قدم من بدري عشان تضمن لأنه دحين في البداية ما في منافسة عالتخصصات اللي بينقبلو هندسة قليل لا تتورط زينا ما قدمت من بدري و دحين ابغا اغير تخصص ..

[DeleT]

اخوي اذا كان طلب تخصص في الهندسة فنصيحتي لك لا تقدم الحين

وقدم نهاية السنه الجديده بحيث تكون عرفت اغلب التخصصات وكونت فكره عنها وشفت اللي يناسبك منها ولا تستعجل


ومن ناحية انهم هم يخصصونك فهذا كلااام فاضي

هم ما يخصصونك مهما كان اذا ما طلبت انت تخصص

وهذي ما اقوله من كلاااام لاني اعرف واحد ما تخصص الا الترم هذا وهو من دفعه 07

ولا خصصوه

وانا قلت لك نصيحتي والقرار بيدك

[ابداع]

لازم تعدي اكثر من 30 ساعه

وتعدي مستويين انجليزي هندسه


عشان تطلب تخصص

ولا بيتم رفض طلبك

[heso]

اللي اعرف 36 ساعة المفروض تكون مخلص ..

[السراج]

ايش هادا وربي انا اتلخبطت

انا كمان تم قبولي في كلية الهندسه

وقدمة اول رغبه صناعي وبعدين رتبتهم وحفظت الرغبات وانا نفسي في الصناعي

يعني ايش حيسير دحين حخش صناعي ولا حدرس سنه تانيه من غير تخصص

[heso]

مدري بنضامكم الجديد ايش حيسوو
يمكن تتم عملية الفرز خلال الصيف و يقولولك ايش اتخصصت و تبدأ دراسة في التخصص ببداية السنة القادمة .

[السراج]

طيب انا شايف الشباب هنا ما حبو يتخصصو بدري

يعني يضر لو قدمت تخصص من بدري