افضل طريقه لمذاكرة العربي

[خواطر مظلومة]

اخواني انا من عمري ما احب العربي ولاا الرياضيات بس الرياضيات عندي ارحم من العربي بمليون مره وقدرالله وشاء اني ارسب في العربي طبعا كذا ماده بس العربي ماينبلع وانا ابصراحه ابغي اتحدى نفسي واجيب فيه درجه حلوة ع القليله ترفع معدلي وتحببني فيذا الماده لاانه راح يكون فيه عربي ثاني راح ندرسه

اخواني ابغيكم تعلموني اشلون اذاكره المشكله اختي تذاكره لي تقول لي سهل وانا والله اشوفه صعب والمشكله علي التاسيس انا ما تأسست فيه صح يومكنت ادرسه طول فتره دراستي
تكفون اشلون اذاكره انا الحين بديت اذاكر الفصل الاول لاانه جا منه سؤال في الاختبار

واخواني الي يعرف ملخصات استفاد منها واسئله اختبار ينزلها

والله يعطيكم العافيه وبالتوفيق للجميع ودعواتكم اني اعدي هذي الماده بالصيفي وبدرجه حلوة واعدي باقي المواد

[خواطر مظلومة]

اشدعوى محد عبرني

[candy 1989]

حبيبتي انا زيك مااطيق العرربي بس لو قرأتي القااعده رااح تفهمي ان شاءالله

شووفي القااعده افهميهاا و حااولي تطبقي على الامثله..

لان الشرح كلوو موجود في القاااعده ...

[مهدي الساهر]

والله يا خواطر ... أنا ما أطيق العربي أبدا ..

وفي ثالث ثانوي ... أخذت أقل درجه في النحو ... (( أكره هالماده كره ))
بس تبين نصيحتي ... (( خلي أحد يحب العربي .. يذاكر لك .. )))

لا تذاكرين بلحالك أبدا ... علشان تراجعين معاه ..

والمسأله .. حفظ ... وإن شاء الله تعدي .. والله يوفقك ..

[ألف باء تاء]

الله يعوضك خير..

بالنسبه للعربي.. أنا ذاكرته من الكتاب..

وكان واضح لأبعد الحدود.. تقرأي القاعده وتركزي على الإعرابات..

لأن هي إللي جت في الإختبارات..

وتجمعي الإعرابات كلها في جدول واحد..

يعني تحطي جدول من فوق تحطي إسم القاعده جمع مذكر سالم, جمع مؤنث سالم, جمع تكسير, مثنى, ....

وتحطي على الجانب الأيمن رفع, نصب جزم..


وإعراب كل واحد منهم.. وبتشوفي إن بيسهل عليك الموضوع..

بالنسبه للأفعال نفس الشيء سوي لهم جدول مختلف بأنواع الأفعال.. وعلى اليمين نفس الطريقه في حالة الرفع والنصب و الجزم..


تراني مو مره في المواد الأدبيه.. بس لما ذاكرت بهالطريقه..

جبت درجه مره كويسه الحمد لله..


والله يوفقك يارب..

[مسرعة بشويش]

والله نفس معناااتي

مااطيقه واكرهه

وابشرك ماذاكرتــه قبل الاختبااار بساعه قريت اسئله اختبار للسنه الماضيه

والحمد نجحت جبت جبت جبت جبت <<تستحي تقول الدرجه تفشل

الله يوفقــــــــــــــــــــك ياارب

[ابو ولاء]

أـفضل و أسهل طريقه هي انك تبدأ تذاكر القاعده النحويه لكل درس و تحفظها و بينبي و بينك ترى نصف الاسئله اللي جاتك في الاختبار يحلها اللي قراء القاعده و خلك من الايضاح و الامثال اللي بتوهك زياده اهم شئ ركز 95 في الميه على القاعده

و هذا الكلام اخذته نصيحه حلوه من الدكتور سعيد المالكي الله يجزاه خير

[A.S]

السلام عليكم أخواني وأخواتي
نصيحه لكي ولغيرك انا مثلك ماأحب الغة العربية نصيحتي لكي تحاولي تشوفي مدرسه خصوصى واذا ازمت مالقيتي
أوماتقدري لاتذاكري من الكتاب لأنه يدوخ ذاكري من الملخصات لان في أخرها أسئلة وأجوبة بتساعدك بعد الله ,, وبالتوفيق للجميع

[مشعل أبوتركي]

سـراحه العربي سم على كبدي خخخخخخخخخ

رسبـت فيـه مع مرتبت الشرف

واتحدى اذا فيـه اجابه صحيحه اخذت صفر من صفر

مدري وش الحل

[خواطر مظلومة]

والله ماشاءالله نصايحكم وطريقه مذاكرتكم للها الماده الغثيثه حلوة
وعن المدرسه الخصوصيه والله السمستر هذا حطيت لي مدرسه ولاا فلحت فيها مشكلتي ما احب هذي الماده وانا اليوم والله بديت ادخل الباب الثاني الافعال والفصل الاول الي جاء منه سؤال في الاختبار قلت ابذاكره بعدين وانا ابجرب طريقتكم وبشوف لي مدرسه تعطيني اياه بعدين وقت المراجعه عشان يركز وان شاءالله اعدي منها وبدرجه حلوة والي تعثر منها بعض الاخوان وربي هذي الماده هم علي قلبي

والله يوفق الجميع يارب ودعواتكم ان ربي يشرح لي صدري وييسر لي امر ويوفقني في الصيفي وربي اني اعيش هذي الفتره بهم مايعلمه الا الله والرسوب اثر فيني وعلي نفسيتي
والله يوفق الجميع ان شاءالله