ارجوكوم طمنوني

[Dr.yoyo]

السلام عليكم ورحمة الله وبركاته انا طالبة مستجدة في الجامعة واتمنى دخول الطب ولكن انا متخوفة جدا من نضام السنة التحضيرية وهل هي فعلا تعجزية وشديده الصعوبة كما سمعت علما بان نسبتي في التانوية العامة مرتفعة والحمدلله ونسبتي في القدرات مرتفعة ولكن مازال الخوف ينتابني ارجوكوم طمنوني

[soma al7elwa]

لا تخافي

اللي يقولك صعبة كداب

واللي يقولك سهلة كداااااااب وستين كداب

بس هي يحتاج مجهود منك

والحضور مررررررا مهم

والمزاكرة اول بأول

الله يوفقك يارب

[دحوومي جدة]

راح تجي وتشوفي سهلة ولا صعبة :)


موفقة ،،

[Samso0m]

لا تحكمي على الشي غير لما تجربيه بنفسك ..

ممكن أقوولك سهلة وتكوون صعبة وممكن أقوولك صعبة وأحبطك وتكوون سهلة ..

السنة التحضيرية ومدى صعوبتهاا شي رااجع للشخص نفسوو .. إزا كنتي تحضري المحاضرات كلهاا وترجعي البيت

تزااكري أول بأول أو على الأقل تقري المحااضرة بتركيز إن شالله مح تحسي ولا بشي وحتشووفيها سهلة ..

لكن اللي يجي يووم الإختبااار مو عاارف ايش اللي أخدو وإيش اللي ما أخدوو .. ويكوون أول مررا يفتح فيها الكتب

حيحس بالصعوووبة ..

انتي أبذلي كل جهدك وان شاللللله تدخلي اللي تبغيه ولا تسمعي كلام أحــــــــــــد ..

وأعيد .. أحكمي على الشي بعد ما تجربيه بنفســــــــــك

[Under The Sea]

عيدي كل كتاب 5 مرات ومابيكون صعب بالذات الاحصاء ههههه

[mzat kau]

لا هيا تقريبا سهل ممتنع<<< تعبت على بال ماجبت الكلمه هههههه
يعني سهله بالمزاكرة وتافهه كمااااان

[M!ss Mojy]

مثل ماقالت سمسوم كل شخص راح يحكم على السنه التحضيرية من تجربته الشخصية ومستواه وقدراته

يعني كل شي بيكون سهل بالمذاكرة والاجتهاد والعزيمة والارادة

بالتوفيــــــــــــــــق

[ااااه يا جامعة الملك سعود]

والله شوفي .... بالنسبة لي كانت متوسطه او اقل من المتوسطه بعد بس شوفي نصيحه القاموس الالكتروني لا يفارقك ابدااا علشان مشكلة اللغه واصلا كل المواد معادة من الثانوي والمتوسط بس بلنجليزي يمكن الجديد عليكي بتكون مادة الاحصاء بس ترينها جدااااااااااا تافهه تشبة الرياضيات بالتوفيق ان شاء الله...