يا شباب موضوع يبغالو كلمتين

[دافئ الإحساس]

سلملم ياشباب وبنات كلية الطب

والله سؤالي بسيط
وانا صراحه مدووووش منو فأبا حل او جواب واضح عنو اوكي

السؤال هوا؟؟

دحين إن شاء الله ازا ربنا قدرني ووفقني اني اجيب النسبة اللي يبغوها في االطب

أبى اعرف من ناحية الانجليزي كيف يعني

راح اوصل لي السنة التانية وانا في الانجليزي توب ما يحتاج لانو زي ما تعرفو الطب لازم من الانجليزي

فأبى أعرف اذا انتهيت من السنة التحضيري

أكون في الانجليزي تمام ولا كيف

عشان بس اخاف اتعب من دي الناحية

ولا لازم ااخد دورات واقوي نفسي

انا دحين قدمت على دورة وقريب راح ابدأ فيها بس

أبى اتأكد زي ما قلت انو اوكي راح اصير من بعد السنة دي

ولا في كمان كورسات غير اللي موجودة في السنة التحضرية يعني كورسات اضافية في السنة التانية؟؟؟؟؟؟؟؟؟؟؟

فمحتار في امري

والتعليم مدري عنو كيف عندكم في الانجليزي هل يجعل الواحد توب في الانجليزي من خلال سنة وحدة؟؟؟؟

وأبا أتأكد من شئ تاني انو اول ما انتهي من السنة التحضيرية حيكون في اختبار يعني مقابلة شخصية لمن ادخل كلية الطب ولا قبول فورري ما في لا اختبار ولاشئ؟

[حبي للوطن]

والله ياخوك انا مستجد بعد مثلك

بس اعتقد الانجليزي مش ولابد بعد السنة التحضيرية

يعني لابد من الدورة

[mzat kau]

انا احس انو الانجليزي راح يكون زي حقت التحضيري يعني يبالو مزاكرة اول باول وترجمه اول باول غير كدا احسو حيكون مرة سهل
يعني ان شا الله مايشكل عقبه لينا
لانو في كتير بيدخلو طب وهما مش ولا بد بالانجليش لاكن يجتازو بالاجتهاد سوو ربنا يوفق الجميع

[مايلي]

اخوي من ناحية الانقلش لاتخاف ان شاء الله التحضيري حتخليك تقرى الكتب وتذاكر عادي بس اصبر اسبوعين وان شاء الله حتسير توب ومين قال انو الطب يحتاج انقلش مره لا عادي اهم شي تعرف تذاكر وتقرا لانه فيه بنات كتير على قولهم يتكلموا انقلش ومره توب بس ماجابو معدل يعني كله يعتمد على اجتهادك وانت كمان طور نفسك ولاتشيل هم كله يجي بسهوله وبالتوفيق ان شاء الله في التحضيري

[M!ss Mojy]

كلو يعتمد عليك انت

يعني انت ممكن تطور من نفسك في الانجليزي خلال مرحلة التحضيري يعني تحاول تستفيد من مناهج الانجليزي حق التحضيري قد ماتقدر

وممكن لاااا تاخذها مجرد ماده دراسية وتخلص تحضيري وانت مااتطورت في الانجليزي ولا تحسنت لغتك

يعني حاول انت كمان تشتغل على نفسك ماتعتمد اعتماد كلي على التحضيري

وبالتوفيــــــــــق

[surgeon]

دافئ الاحساس اخوي

صدقني اللغة ماهي مشكله بالطب...كلنا دخلنا الطب ولغتنا سيئه مرة

بس مع الوقت تتحسن.....لكن مايمنع انك تاخذ دورات عشان تطور من لغتك

بس صدقني الطب شئ واللغة شئ ثاني

تقبل مروري