سؤال

[so0so022]

السلام عليكم ورحمة الله وبركاته

حابه اسألكم وياريت تردوا بأقرب وقت
انا سجلت انتساب وانقبلت بس باقي ادفع الفلوس
انا محتارة لانو مرة قرأت عن الانتساب لقيت انو المسار الي فيه ادراي انساني
وانا متخرجة من قسم علمي ومابا ادخل مسار اداري انساني
الي ابا اسألو انو هل لما لدخل الانتساب اقدر احول لمسار علمي بعدين ولا مايمديني لانو سمعت انو الي يدخل مسار ادبي انساني وهو علمي مايقدر يغير صح؟
والسؤال التاني في ناس قالولي انو في حاسب في للادبي صح ولا لا؟
انا ماصدقت لانو مافي كلية حاسب في الانتساب وانا حابة ادخل حاسب عشان كدا مابا انتساب....

ادري طولت عليكم ^^

[دمعة وفآ]

يا اختي انتي مادام سجلتي وانقبلتي
توكلي على الله و سددي الرسوم
وطبعآ اول سنة تأهيلي مافي فرق بين العلمي والادبي
وشدي حيلك عدل وجيبي معدل فوق 3,75
واطلبي انك تتحولي انتظام وادخلي اي قسم من الاقسام العلمية اللي انتي نفسك تدرسيها
موفقة إن شاء الله

[بنوته...]

صدقة اختي دمعة وفا
بس ممكن ما يقبلوها دامها اختاري مسار ادبي

[أبوريــان]

أختي أكثري من الإستغفار بنية القبول في القسم الذي تريدينه مع الجد والمثابرة والله يوفقك

[dode999]

الحل يا اختي

ادخلي مسار اداري وانساني

وشدي حيلك جيبي معدل لا يقل عن 4


وحولي انتظام


ساعتها تقدري تحولي من كلية الادارة مثلا الى اي كلية علميه .. بشرط انك تدرسي مادة انجلش تقريبا و مادة رياضيات و فيزياء وتجيبي فيها 75 من 100

وتحافظي على معدلك والله يوفقك


و ترى كلية الادارة طيبه ولها مستقبل جميل ..

استخيري ربك .. و توكلي على الله

[أم ردينة]

الله يوفقك ومثل ماقالت إخت دمعة وفا مافي فرق أظن ماني متأكدة
بس أهم شي المعدل شدي حيلك عشان تدخلي إلي تبغيه

[so0so022]

الله يعطيكم العافية
شكراً لكم
الحمدلله انا صليت الإستخارة وربي اختار الي فيه الخير وانا من اول مو مرتاحه للأنتساب عشان المسار ادراي انساني وخايفة لما ادخل مااقدر احول لمسار علمي..

[ام حمدان]

المشاركة الأصلية كتبت بواسطة dode999 الحل يا اختي ادخلي مسار اداري وانساني وشدي حيلك جيبي معدل لا يقل عن 4 وحولي انتظام ساعتها تقدري تحولي من كلية الادارة مثلا الى اي كلية علميه .. بشرط انك تدرسي مادة انجلش تقريبا و مادة رياضيات و فيزياء وتجيبي فيها 75 من 100 وتحافظي على معدلك والله يوفقك و ترى كلية الادارة طيبه ولها مستقبل جميل .. استخيري ربك .. و توكلي على الله

اخوي انت متأكد من كلامك لأن انا حلمي اتخصص احياء وقالولي البنات ماينفع لأن انا اداري انساني والاحياء في المسار العلمي حتى لو حولت انتظام برضو قالولي ماينفع تكفى اخوي ياريت تقولي من قالك هالكلام يعني مثلاً هل سألت بنفسك احد المسؤلين فالجامعه ولا بس سمعته من الطلاب ؟؟؟

[so0so022]

اختي ام حمدان انصحك لاتتسرعي انا زيك خايفة عشان كدا مادخلت والانتساب مافي غير مسار ادراي انساني مجبورين ندخله وانا الي سمعته ومعروف دا الكلام انو الي يكون علمي ويدخل مسار ادبي مايقدر يحول بعدين للمسار العلمي....
وابا اسأل دحين انا واتأكد مرة ثانية بالرغم من انو خلصت فترة سداد الرسوم ليا

[ام حمدان]

[quote=so0so022;1018960]اختي ام حمدان انصحك لاتتسرعي انا زيك خايفة عشان كدا مادخلت والانتساب مافي غير مسار ادراي انساني مجبورين ندخله وانا الي سمعته ومعروف دا الكلام انو الي يكون علمي ويدخل مسار ادبي مايقدر يحول بعدين للمسار العلمي....
وابا اسأل دحين انا واتأكد مرة ثانية بالرغم من انو خلصت فترة سداد الرسوم ليا[/quote

عزيزتي شوشو اشكرك عالنصيحه بس انا خلاص درست السنه التحضيريه وتخصصت ادب انجليزي يعني ماأقدر اضيع تعب سنه كامله و ارجع اقدم اوراقي للأنتظام اصلاً مابيقبلوني لاني تخرجت قبل اربع سنوات وهم يقبلوا بالكثير ثلاث سنوات
بس انا قصدي انه اذا فيه امل احول من اداري انساني لعلمي بقدم على تحويل للإنتظام لأن معدلي الحمدلله عالي ويأهلني احول بس الظاهر مافيه حظ الحمدلله على كل حال
موففه ياعزيزتي