جدولي الجديد نزل ومشاركة الأعضاء ببعض المعلومات

[slkfaisal]

السلام عليكم

كيفكم ياشباب وشابات

طبعاً بعد ما يأسنا من تأجيل الدراسة للجامعيين يعني دارسين دارسين مافيها كلام << جاي إن شاء الله بالكمام الأخضر ههههه

عاد دخلت على الاودوس وحصلت الجدول الطيب وبداية طيبة إن شاء الله بس ياليت أحد يشرح لنا الجدول عشان نستفيد كلنا وهي أسئلة شاملة عن الجدول وهذا جدولي المصون



1- في مادة موجودة في الخطة مانزلت في الجدول وهي نظرية احتمالات stat 210 اش السبب؟
2- ياليت شرح للأيام لأني ضيعت فيها وكيف افرق بين اس السبت واس الأحد << ودي أفهم عليك هههه
3- اش معنى DEP << يعني متين ههههه ظريف شكلك حتاكل بلوك
4- اش معنى النوع L في نهاية الجدول
5- هل اقدر اضيف او أحذف مادة وكيف اعرف دكتور المادة

وحسب فهمي من الجدول إنه الأربعاء off فإذا كان كذا والله مررره وناسة << اروح عند أمي

وهذا أحلى شكر مقدم

shOoOoOkran

سي يو

[قــاســي !]

1- في مادة موجودة في الخطة مانزلت في الجدول وهي نظرية احتمالات stat 210 اش السبب؟

اذا انت لسا على الخطه ولا قد حملت اي ماده من المفروض انها تنزل .. طبعاً مثل ماهو باين انت مجموع الساعات اللي نزلت لك 10 ساعات .. اذا كان معدلك أكثر من 2.75 تقدر تنزل أكثر من 15 ساعه .. أما اذا اقل ما تقدر تنزل اكثر من 15 ساعه .. لما يبدأ الحذف والاضافه أنت اضيف الماده اللي تبغاها مع مراعاة عددا الساعات المتاحه لك .

2- ياليت شرح للأيام لأني ضيعت فيها وكيف افرق بين اس السبت واس الأحد << ودي أفهم عليك هههه


خذها بالترتيب انت ايام الاسبوع الدراسيه
Saturday
Sunday
Monday
Tuesday
Wednesday

يعني اختصاراً لأيام الاسبوع يكون هذا الترتيب من اليسار الى اليمين SSMTW

اذا جاء S في الأول وما قبله اي نقطه يعني هذا يوم السبت .. انا اذا جاء S وقبله نقطه يعني هذا يوم الاحد " لأن النقطه قبل الحرف يبين لك انه فيه شي هنا ولكن غير مطلوب منك "


3- اش معنى DEP << يعني متين ههههه ظريف شكلك حتاكل بلوك

بالظبط شكلك متين بقوه

المقصد يا طويل العمر ان هذي الماده راح تكون في الكليه .. وطبعاً الكليه تقريباً مع ثاني اسبوع راح تنزل اعلان تبين اماكن المحاضرات الموجوده داخلها مع رقم الماده ورقم الغرفه .. يعني لا تشيل هم من ناحيتها بس انت خلك متابع لأعلانات الكليه وغالباً تكون على جميع ابواب الكلاسات ..

4- اش معنى النوع L في نهاية الجدول
والله بعض الاسئله مدري وش تبي طبعاً هذا والله مدري بس اذا تبيني افتيلك من راسي ومن كيسي اتوقع تبين لك هل الماده اجباريه ولا اختياريه ولا حره

5- هل اقدر اضيف او أحذف مادة وكيف اعرف دكتور المادة

اكييد يمديك تحذف وتضيف .. اول ماراح يبدأ الحف والاضافه على الأودز انت شوف شغلك ولا تتأخر .. بالنسبه للدكتور روح للشعب الدراسيه في الأودز وادخل على رمز الماده وشوف انت الدكتور اللي في شعبتك .. بس غالباً يعملون تمويه للطلاب لأن بعض الدكاتره كل الطلاب يبغون يدخلون عندهم فيغيرو الاسماء او ماينزلونها الا بعد انتهاء الحذف والاضافه " قمة النذاله " !!

وحسب فهمي من الجدول إنه الأربعاء off فإذا كان كذا والله مررره وناسة << اروح عند أمي

ايه انت عندك الاربعاء اووف بس لسا انت ماتبغى تنزل مواد كمان ؟!! لأن ساعاتك قليله جداً وحرام تضيع ترم كامل على 10 ساعات !


ان شاء الله تكون المعلومات وصلت لك .. واي خدمه تحت امرك .. سي يو

[الـجـلادMaLeK]

وازيدك من الشعر بيت

يا عسل عندك تعارض يوم الاثنين بين برمجة 1 ومقدمة الحوسبة كلها الساعة 1

يعني اقسم نفسك نصين وروح هههههههه احضرها الاثنين

ما عليك بتتعدل الجداول ان شاء الله او يخلوك تضيف وتحذف

انا نفس الحكاية عندي تعارض في يومين

[slkfaisal]

:) :) :) :)

يعطيك ربي ألف عافية أخوي (قاسي!) وبصراحة أفدتني كثير ما قصرت كفيت ووفيت، وتكييس محترم P:

عندي سؤال :

ليه في مادة البرمجة في شعبة GB ومقدمة الحوسبة HB ووأساليب الكتابة BA والثقافة CA (ساعتين)
هل لازم تكون كلها تبدأ بـC ولا مافي مشكلة واش المواد اللي لازم تكون C وليه الثقافة ساعتين مو ثلاث وايش المطالب فيه أنا...

----------

والله ياخوي مالك ابي اضيف مادة stat 210 وارتب الجدول وإن شاء الله يكون الأربعاء off لأني محتاج أسافر.. وإن شاء الله نتقابل ونتعرف وعلى فكرة ترى ما أعرف ألعب بلوت (اللعبة المفضلة لدى طلاب الجامعة)