جدولك مو مزبوط ؟؟موادك قليلة ؟؟محتاج مادة ؟؟ هنا الحل إن شاء الله

[خافي الأحزان]

السلام عليكم ورحمة الله وبركاته



كما هو معلوم الشعب مقفلة وكله أحمر

وأغلب الشباب مو عاجبه جدوله وفيه ناس كثير جداولهم مافيها غير مادة مادتين

والسبب يرجع لنا نحن الطلاب!! نعم نحن

للأسف شباب كثير ضايفين مواد مايبغوها لدرجة إنه البعض معبي جدوله فل 18 ساعة كاملة وهو مستحيل يتركه كذا لكن بس كذا بيحجز مواد على الفاضي

والمشكلة 90% منهم محتاج مادة مو موجودة عنده

طيب بالله عليكم لو كل واحد عبى جدوله على الفاضي كيف بنترك لبعضنا ما نحتاج من مواد

واحد أضاف 18 ساعة على جدوله ومن ضمن المواد رياضيات مو محتاجها وهو نفسه ينزل استاتيك مثلا

والثاني كمان أضاف 18 ساعة على جدوله عنده استاتيك مو محتاجها وهو نفسه ينزل رياضيات

طيب لو كل واحد حذف اللي مايبغاه كان كل واحد زبط جدوله زي مايبغى

واللي يقهر تجي بعد إنتهاء الحذف والاضافة من الجامعة بأسبوع تلقى الشعب كلها انفتحت ومقاعد بالهبل !!



شباب في هذا الموضوع نبغى كل واحد يذكر المواد اللي يحتاجها واللي يبغى يحذفها لعل وعسى ما نكون زي الاثنين اللي فوق


واللي عنده مواد إضافية مو محتاجها ياليت يتقي الله في الطلاب اللي جداولهم فاضية ويتذكر قول الرسول (من فرج عن مسلم كربة من كرب الدنيا فرج الله عنه كربة من كرب يوم القيامة)



بالتوفيق للجميع

[ماكل مطب]

جزاك الله خير


وموضوع رائع ..


ان شاء الله تعم الفائده للجميع .. مع ان في موضوع مشابه له بس ماكان في تنظيم ..



انا الحمد لله امس حاولت وبالقوه عدلت المواد اللي احتاجها ..



الله يكون في عونكم ....

[خافي الأحزان]

مشكور أخوي على الرد

الفرق بين هذا الموضوع وموضوع طلبات الحذف والاضافة هو توضيح غلط يقع فيه أغلب الطلاب ويضرنا جميعا

الله يعين

[صقرر]

بارك الله فيك اخوي نتمنى التاعل

[خافي الأحزان]

مشكور صقر على الرد

[samo5611]

الموضوع ممتاز ونتمى تطبيقه بصورة مجدية ونطلب من المشرفين تثبيته

[خافي الأحزان]

المشاركة الأصلية كتبت بواسطة samo5611 الموضوع ممتاز ونتمى تطبيقه بصورة مجدية ونطلب من المشرفين تثبيته

تسلم أخوي على الرد

[moied]

انا ابغا ce 333 وعندي ce 381 احد وثلاثاء وانا ماابغاها بس حاطها احتيااااط

[خافي الأحزان]

المشاركة الأصلية كتبت بواسطة moied انا ابغا ce 333 وعندي ce 381 احد وثلاثاء وانا ماابغاها بس حاطها احتيااااط

بالتوفيق

[برشلوني]

عندي mep 290 ba وابغى che 210 ba شعبه ba