استفسارات طالب محول مـــــــــــــــــــــــــهـــــــــــــــــــــــ م

[مهندس المدينة]

سلام عليكم اخواني طلاب جامعة الملك عبدالعزيز
عندي شوية استفسارات ممكن تساعدوني باجوبتها
1-كيف جامعة هل هي ممتازة من ناحية التنظيم والمباني وهل الدكاترة كويسين وهل يشرحوا كويس ولاتحتاج مدرسين خصوصين لانو صعب علي احضارهم بسبب الظرووف المالية
2-هل تعانون من ضغوط نفسية بسبب الجامعة او متهظين من قبلها ولا مرتاحين ومبسوطين
3-كيف سكن الجامعة ممتاز زلا نص ونص ولا مشي حالك
4-اهم سؤال عندي واتمنى الاجابة عليه بصراحة تامة ودقة عالية:هل تستاهل جامعة الملك عبدالعزيز
ان اقوم بترك مدينتي واصرفد نفسي واعيش عزابي لسنين واتبهدل بسبب عناء السفر...
لانو خايف احول واندم بعدين ؟؟؟؟؟الله يخليكم مساعدة مستعجلة

[برشلوني]

من اي جامعه محول

[صقرر]

المشاركة الأصلية كتبت بواسطة مهندس المدينة سلام عليكم اخواني طلاب جامعة الملك عبدالعزيز عندي شوية استفسارات ممكن تساعدوني باجوبتها 1-كيف جامعة هل هي ممتازة من ناحية التنظيم والمباني وهل الدكاترة كويسين وهل يشرحوا كويس ولاتحتاج مدرسين خصوصين لانو صعب علي احضارهم بسبب الظرووف المالية المباني ممتازة لا بأس بها بس المسافة بين مبنى والاخر بعيد شوي خصوصا انه فيه زحمة في المواقف والتنقل بالسيارة صعب شوي ... الدكاترة البعض شرحه ف القمة والاخر في القاع فعشان كذا مو لازم تاخذ مدرسين خصوصين ذاكر من مذكرات المدرس او اشتري الملخصات من المكتبات بالقرب من الجامعة او تواعد من اي طالب اخذ المادة قبلك وخذ ملخصاته ... 2-هل تعانون من ضغوط نفسية بسبب الجامعة او متهظين من قبلها ولا مرتاحين ومبسوطين شوف اخوي الضغوط النفسية في كل مكان وعلى حسب الشخص نفسه ... يعني بالربي اذا ذاكرت اول بأول راح يجي النهائي وانت مرتاح ولا عليك اي ضغوط ... لكن اذا تكاسلت وصار النهائي مع نهائي مادة اخرى في نفس اليوم او يوم بعده اكيد راح تجيك ضغوط نفسية قوية جدا ... فالمسألة تعتمد على الشخص نفسه ... ولله الحمد النفسية طيبة جدا والمستويات عالية ولله المنة والفضل 3-كيف سكن الجامعة ممتاز زلا نص ونص ولا مشي حالك بصراحة السكن انا دخلته عدة مرات بخصوص الاجتماعات وكذا ... بصراحة الطلاب مظلومين جدا ...قبل سنة هالكلام الان ما ادري هل الوضع اختلف ولا لا .... الموية تنقطع من فترة لأخرى خصوصا في الصيف ... انترنت مافي الا عن طريق شرائك لوصلة موبايلي اواي وصلات اخرى .... الغرفة ضيقة جدا جدا ... الخدمات في السكن سيئة من ناحية الكافتيريا او المغاسل وانها تقفل بدري احيانا واحيانا اخرى ما تشتغل نهائيا ... فهذا الوضع في السكن وانت الادرى لكن اسأل طلاب وشوف الوضع عندهم كيف ... الله يعين الجميع 4-اهم سؤال عندي واتمنى الاجابة عليه بصراحة تامة ودقة عالية:هل تستاهل جامعة الملك عبدالعزيز ان اقوم بترك مدينتي واصرفد نفسي واعيش عزابي لسنين واتبهدل بسبب عناء السفر... لانو خايف احول واندم بعدين ؟؟؟؟؟الله يخليكم مساعدة مستعجلة صدقني تستاهل اكثر واكثر ... انت بتتخرج شهادة بكالوريوس معترفة دوليا من هيئة الـ abet العالمية ايش تبغى اكثر من كذا يعني اي جامعة تقبلك لو تبغى تدرس ماجستير اهم شي معدلك والمذاكرة بجد ولا تخلي درس يفوت عليك الا وانت فاهمه الله يعينك ويوفقك

الله يعينك ويوفقك

[مهندس المدينة]

جامعة طيبة

[مهندس المدينة]

شكرا اخوي صقور والله يرحيك زي ما ريحتني
بس اخوي انت مافهمتني من ناحية الضغوطات النفسية والاضطهاد مثلا في جامعتي يدخل الدكتور قرفان وضغط مرتفع انو جاي يدرس فيصرخ ويلعن ولمن تجيب واجب والله امكن قاعد اسوي فيه ساعتين يرميه في وجهك ويقولك زي وجهك
ولما لمن دكتور يدخل يشوف وجيه الطلاب ويقول شكلوا في نسبة رسووب عاليه ولا لمن مايكون في شخص ترجع لمن تحصلك مشكلة في مادة مثل المرشد الاكاديمي او غيره والله لو لقيته انك ماتاخذ منه لاحق ولاباطل
سؤال اخر توزيع التخصصات على الاقسام مثل الكهربائية او المكنيكا او الطيران وغيرها يكون بحسب رغبت الطالب
اوتكون عن طريق الكلية ماالطريقة المعتمدة في التقسيم؟
يعني اتوكل على الله واحول

[Baf]

اولا .. جامعة طيبة في المدينة المنورة وقريبة من جدة كلها 3 ساعات
ثانيا .. جماعة الملك عبدالعزيز من اقوى جامعات المملكة في الهندسة وتستحق انك تتعب حتى تتخرج منها
ثالثا .. دكاترة جامعة الملك عبدالعزيز اغلبهم ممتازين في شرح
رابعا .. السكن سمعت انه سيء لكن ايضا سمعت انه راح ينقلو الطلاب الى مباني جديدة
خامسا .. التخصصات تتم على حسب معدلك , اذا كان عالي راح تتخصص التخصص الي انت تبغاه , اذا كان منخفض فهم راح يخصصوك

[الكريم ابن الكرام]

الله يوفقك

[مهندس المدينة]

شكرا للاخ Baf على مروره الجميل
بس اخوي لو تقدر تتأكدلي لوحتى بسؤال الطلاب السكن هل راح يتنقلوا الى مباني جديدة لانو صراحة صعب عليا اسال خصوصا وانا بعيد وما اعرف احد فيها رجاءا بنتظر ردك
الشي الاخر انا سمعت انو كلية الهندسة (اظن السنة الاولى) انتقلت لمبنى مؤقت خارج الجامعة
صحيح الكلام دا؟

وشكرا للاخ الكريم ابن الكرام
على كلمة الله يوفقك
ان شالله ربنا يوفق الجميع

[طالب سنة تحضيرية]

بس اخوي لو تقدر تتأكدلي لوحتى بسؤال الطلاب السكن هل راح يتنقلوا الى مباني جديدة لانو صراحة صعب عليا اسال خصوصا وانا بعيد وما اعرف احد فيها رجاءا بنتظر ردك

على حسب ما اسمع و أرى يمكن المباني جديده تتسلم في نص هذا الترم أو بداية الترم الثاني بالكثير هي الآن شبه جاهزه

[مهندس المدينة]

مشكوور اخوي طالب سنة تحضيرية على خبرك الجيد