بخصوص اختبار القانون الدستوري

[ذنبي طيبتي]

والله احس الاسئله مرررررره تقهرررررر كله من الشرح ذاكرت وحفظت وتعبت وهاذي اخرتها والله مرررره ولعتني وهاذا غيراسلوبها اللي من جد نرفزني انا ماني عارفه كيف البنات يمدحوها علشان تنكت وقت المحاضره وفي الاختبار تنكبنا والله حرررررام مو على المذاكره قال ايه قال صبوحه مافي زيها

[Miss.law]

الله يستر بآخذها الترم الجاي

[روووني]

^^^^^^^^^

بالعكس يابختك الترم الجاي نازله مع اكرام مو صباح واكرام اطيب من الصبوحه حقتنا

والاختبار كان لاتعليق وبقوه كمان لدرجه اني ماعندي الجرأه اني افتح الكتاب واراجع من كتر التخبيص اللي سويتو

[f.r.m]

صباح صح انها حقت تكاليف
وتطفش واسئلتها صعبه بس تدي درجات
اما اكرام بصراحه انا ما تعجبني احس بنات معينين الي في بالها تساعدهم

طبعا انا درست مع كل اساتذه الجامعة والحمد لله
ارتحت منهم ومن قرفهم

الله يوفقكم ان شاء الله بس لا تتعبوا نفسكم في المذاكره وتجيبوا معدل
زيي وفي النهايه البطااااااااااله تستناكم

[خلدونة]

طبعا ماقدرت أفتح أراجع في الكتاب لأن وبكل صراحة عارفة إني مارح ألاقي الأجوبة في الكتاب أسئلة غريبة عجيبة مدري صح قالتها أثناء الشرح بس اتوقعت تجيب عددي عرفي عللي يعني.
صراحة خسارة الورق الي تعبت فيه وماجبت منو غير يمكن سؤال ولا اتنين .

[بنت الجامعه ^_^]

حسيت اني خرجت من سبااق مع الوقت مو من اختبار. حشا اسئله مدري وش تبي ؟ نموذجي الثاني وكان فيه كم سؤال غاامض ومو واضح ابدا والله مقهووره مرره لو تخلي النماذج وحده يكون فيها عدل اكثر لانه مستحيل وحده بتغش كلام مقااالي بحت راح يبان انها غشت فلو تخليها نموذج واحد اعدل ووافضل .. مو اصير في لعبه حظ انت وحظك يجيك نموذج واضح ولا وغامض في كم سؤال
تعبت نفسيتي جداا غير ان الوقت ابداااااااااا مايكفي لحل كللللل هالاسئله

الله يهديها ويسامحها وترتنــــــي جدا جدا بالاختبار لمن تصرخ على البنات والله الموضوع مايستحق كل ذا العصبيه استغربت حسيته مو طبعها كذا ا مدري ليش سوت فينا كذا

بس الوقت لاازم نكلمها فيه ياتجيب اسئله تناسب وقت الاختبار ياتشوفلها صرفه تزود وقت الامتحان

الله يحنن قلبها علينا ياارب انا لسه عندي امل بالله انها راح ترحمنا وتيسر الاختبار المره الجايه

[violllet]

صراحه بالنسبه ليه حسيت الاسئلة واضحة بإستثناء السؤال اللي عن نظام الحكم بجد كان لخبطيشن و الوقت اللي ما يساعد نحل كل الاسئلة

مع الوقت راح نتعود على الاسئله المقاليه اللي زي كذا

و الله يوفقكم اجمعين يارب..

[الجمانة]

لا تعليق ذذذ

لكن قهرني أسلوبها يوم تصارخ علينا ليش بهايم مثلا

و حسيتها مزاجية بقوووة

احنا متوترين و تزيدنا توتر

[مجرد حلــــم]

الله يعينكم يابنات
بس حبيت اسأل انتو بتذاركو من الكتاب ولا عندكم ملخصات
انا نزلت الماده عند دكتور مدحو فيه وقالو مره شرحو اوك واسئلتو اختياريه والمقرر علينا ملزمه هوا مسويها
المهم بدا الترم وحضرت عندو وشرحو وتعاملو كان صح زي ما قالو الشباب
بس انصدمت من الاختبار الدوري الاول
صح اختيارات ,,,,,وصح وخطأ
بس الاسئله مره مي واضحه ومتاهات
وفيه سؤال دوخني
مسوي مقارنه بين اساليب وضع الدستور في الكتاب المقارنه بين اتنين اتنين
اللي هوا اسلوب المنحه واسلوب العقد واش الافضل دي اول مقارنه
التانيه بين اسلوب الاستفتاء الدستوري و اسلوب الجميعه المنتخبه
الدكتور الفاضل جاب السؤال عام مقارنه بين الاربعه وايش الاسلوب الافضل!!!!!
يعني بالعربي جبت العيد مع اني حبيت الماده واذاكرها اول بأول
بس الاختبار من جد حطمني

[خلدونة]

لا الحمد لله دكتورة صباح أهون مو للدرجة هذي مستحيل تجيب سؤال زي كذه وأحس إنو يهمها إننا مانكره المادة وهذا شي كويس