محتار الوظيفة والجامعة او البعثه تفضل وابدي رأيك

[دوي6666]

السلام عليكم
اخواني طلاب وطالبات حبيت استشيركم انا حصلت على بعثه خارج المملكة لدراسة البكالريوس وصراحة محتار هل اتخلى عن الوظيفة والجامعة انا منتسب بالمستوى الثالث وظيفتي عسكري فرد والا اجلس اكمل انا في انتظاركم
وشكراً

[اسير الاوتار]

سجل في البعثة ولاتشاور فرصة ماراح تتكرار طول عمرك وانصحك تستخير وبالتوفيق.
اخوي عندي سوال بالله بعثتك عن طريق برنامج خادم الحرمين او جهة ثانية وكم نسبتك في الثانوية وشكرا

[اداره عامه]

توكل على الله وروح للبعثه

بس ترى هذي الخطوه تحدد مسار حياتك للابد

[د-فوفه]

البعثه ماتتعوض لاتتركه فتندم طول حياتك

بالتوووفيق

[سـsamiـامي]

أنا أقول كمل وضعك بجامعة الملك عبدالعزيز وأجلس بوضيفتك

ولما تخلص أطلع كمل ماجستير برى

ترا هذا أكبر غلط أنك توقف الجامعة وتستقيل من عملك على شان بعثه

بتضيع من عمرك سنين طويله

البعثه حلوه صحيح لاكن مهو هذا وقت البعثه وقتها للخريج الجديد

هذي وجهة نظري لو كنت محلك بسوي كذا..

[رسمي]

اللي كاتبه الله لك بتاخذه ومن رأيي لو كنت عسكري وفرد مثلك اقدم استقالتي فوراً لأن الراتب اللي بتاخذه او المكافأة توازي راتبك واذا كنت متزوج وبتاخذ المدام معك فهذا يعني انك بتاخذ حول الــعشرة آلاف ريال مكافأة وبعد ماتخلص البكالريوس تقدر تكمل ماستر هناك وعلى حساب الدولة يعني اذا عندك طموح بتكمل دراسات عليا وترجع بشهادة تأهلك لنيل مناصب ممتازة واذا افترضنا انك بتكمل بجامعة الملك عبدالعزيز فما اظن بيزود راتبك إلا شي قليل واذا قلنا تدرجت بالترقيات بتوصل بعد عشرات السنين لراتب قريب من العشرة آلاف والتقاعد قليل لأن نظام العسكري بعد مايتقاعد ياخذ تقاعد محسوب على الاساسي والعسكري الفرد اغلب راتبه بدلات وهذي تروح فور تقاعدك بيصفى لك 6 او 7 آلاف بعد خدمة 35 سنة او 60 سنة عمر ايهما الأولى .. لذلك صل استخارة وربك هو الرزاق ومستقبلك بإذن الله بيصير افضل من العمل العسكري إضافة على الضغوط اللي يعاني منها أغلب الأفراد .. اخوي انا موظف بقطاع عسكري (مدني ) واشوف شلون نفسيات الأفراد تعبانه من رؤساهم والفرق ان الضابط يدخل بواسطة ببكالريوس مقبول حتى ويجي يشخص على الناس وراتبه ضعف راتب الفرد مرتين وثلاث وكل شي موفر له والفرد يعامل بطريقة تتعب .. هذا رأيي وأهم شي يكون عندك طموح وترى محد يجي يهديك نجاح اذا انت ماسعيت وتعبت عشانه .. تحياتي ويالله يارب يوفقنا وياك .

[الرحبي]

البعثه افضلك وانا اخوك هذا مستقبلك بس شد حيلك وانتبه على نفسك من المغريات واستخر الله وربي يوفقك

[تاكسي2005]

تواكل على الله خذا البعث والله بيوفقك اذا كان نيتك العلم وتفيدا مجتمعك والمسلمين فعلم ان الله معك ولوا ارادوى الناس ان يعترضوا على ذهابك فلان يستطيعوا الله يوفقكه الا اذا كنت تمازحنى فالله يرزقك مبتغاك

[نواف نت]

السلام عليكم ورحمة الله وبركاته
اول شي مبروك الف مبروك وماشاء الله
والله العظيم وانا اخوك انا مثلك عسكري
نصيحة اترك العسكرية وكمل مستقبلك اذا كان عندك طموح وفعلا ناوي تكمل دراسة
ولكن بشرط اذا كان عمرك اقل من 25 او حولها

[حمد529]

رح الله يوفقك والشغلة ما يبيلها مشاور توكل على الله ورح البعثة