موقف حصل لي في اختبار الحاسب اليوم قسم بالله (يندى له الجبين)

[invisible hand]

بسم الله الرحمن الرحيم
اولا السلام عليكم ورحمة الله وبركاته
طبعا كلكم تتسألون وش الموقف اللي خلاني انزل موضوع على شانه بالمنتدى
بعد دخولي للقاعة وجلست على كرسيي سمعت صوت فتاه صغيره تقرا قران انا طبعا قلت يمكن واحد حاط نغمة لجواله كذا ودق جواله
راحت دقيقه ولسا الصوت موجود ومره يعلى ومره ينزل واللي جالسين خلفي بالضبط قاعدين يضحكون انا صراحه مافهمت وش الموضع بالبدايه ولا حبيت اتدخل
بس لما الموضوع زاد عن حده بالضحك قلت خلني اشوف وش عندهم,
طلعوا 3 شباب واحد منهم يشغل مقاطع صوتيه ويضحك عليها على باله انه اظرف واحد بالقاعه لا المشكله يضحك على قراءة قران يعني ياليته يضحك على حاجه تشرف, واللي زاد الطين بله اني انا قلت يمكن دقيقه ويست ويبطل حركات وراعين لكن للأسف بدا يشغل اصوات حيوانات مثل حمير اعزكم الله والمراقبين يقولون كل واحد يسكر جواله المشكله الاصوات يسمعونها القاعه كلها
تخيلوا على مدار 20 دقيقه والرجال يشغل اصوات بالجوال حيوانات واصوات حريم وبنات ومقاطع شعريه
يعني للدرجه هذي وصل الانحطاط فينا الناس جالسه تختبر وهو يضحك على صوت بنت صغيره تقرا قران
انا حبيت انقلكم هالموقف الغريب اللي سواها شخص عمره يناهز ال28 سنه
مانقول الا حسبنا الله ونعم الوكيل
تحياتي لكم

[777]

اعوذ بالله الله يهديه ونلتمس له العذر كونه غايب ماندري يمكن يحس بمرض اوشي

[وآثـق آلخطـوهــ]

أستغفر الله
أحمد ربك على العقل والعقل نعمه وأنا أخوك . . ولا يهمك المتخلفين اللي ماخذينا الدنيا لعب

وبالتوفيق لك في الإمتحاان ولنآ كمآآآآآآآآآن

[لك عمري هديه]

الله يهديه بس ؛؛

اكره ماعلي السخافات وقت الجد ؛؛ لنو من جد خربطه الواحد يقدر الي حوله ؛؛
انا عن نفسي لما يطيح بس القلم اخاف انو يكون ازعجت احد ؛؛ويدعي علي ؛؛
بس ناس عقولهم ناقصه ؛؛
والله حتى احنا اخوي الوحده في القاعه تبي التركيز في الاسئله والاصوات الي برا تزعج ضحك وسواليف عند الممرات ؛؛

الله يعين بس ؛؛ ويهدي الجميييييييييييع ؛؛

بالتوفيق ؛؛

[حسين العتيبي]

ياسيدي طيب وش نقول عن طلاب ابتدائي ...كيف هذا رجال عمره 28

اجسام.....واحلام العصافير

[منبع الرياض]

ناس ماتخاف الله ويبي اللي حوله يضيعون في الاختبار لكن قاعدة خذها طنش تعش
ولا كل كبير عاقل يما نشوفهم بالشوارع ضايعين وانتم ابخص بالشئ هاذا
هاذا كل تعليقي لا اكثر ولا اقل
والسلام عليكم

[الوثلاني]

فعلا تشوف اشكال ناس تستخف دمها ويفكر الناس تضحك منه وهم يضحكون عليه

وفي موقف مشابه اليوم بعد ما مضى ساعة من الاختبار دق جوال واحد بجنبي

وكانت النغمه اعتقد اليسا بس مو متاكد والمشكلة النغمة كانت (( ما تعرفش ليه))

الي في القاعه ضحكو عليه شكله غبي !!

[مالدينا]

حسبي الله ما لقى الى القران يضحك عليه
ما يدري انه اعظم كلام
مع الاسف هذولا يقول عنهم احفاد الصحابه الله يحمي الصحابه عنهم

اذا يبغى يستضرف هو ووجه مو على القران ولا هوه مكانه

الله يعينك بس على اشكال مثل هذي

استغفر الله العظيم
اللهم لا تأخذنا بما فعل السفهاء منا

[كهرباء220]

ياخوي الحين الواحد يشوف مثل هالاشكال ويقول الحمد الله ع العقل

[نودي بخاري]

ولييييييييييييييييييييييييييييه ؟؟؟

مايصير تغتاااااب الشخص وتنقل الي سواه فهذا معناه انك فضحت الادمي
والله حرااااااااااااااااام

بس بالعقل كان قلت له باسلوب يعني روحت لعنده وكلمته بدل ماتجلس تتكلم فيه عند الناس