سؤال مهم يا بنااااااااااااااااات

[همسات دافئة]

مساء/صباح الخير !!!

بنااااات حبيت اسألكم فيه احد راح الجامعه اليوم بغرض استلام وثائق التخرج؟؟

لاني مارحت اليوووم فـ ابغى اعرف اذا بدأ تسليم الوثائق ولا لا!!

انا بيتي في المحمديه ومواصلاتي صعبه ومافيا اضرب مشوااار ع الفاضي
وفي النهايه يقولوا لسا التسليم مو دحيين لاني اعرف البرود اللي في شطر الطالبات

واذا قالو لكم الموعد ياريت تقولو لي هنا بلييييييييز

استناااكم ياحلواااات

[loves.me.not]

انا شوفت صحبتي راحت تاخذ وثيقتها

كان في يدها ورقة تأخذ تواقيع

واعتقد خلاص اخذتها اليوم


والف مبرووووك التخرج

[همسات دافئة]

اهلين ياقمر الله يبارك فيكي وعقبالك ان شاء الله

انا اتوقعت كدا برضو

مشكووره على ردك :-)

استنى الباقييييين .....



ونسيت اسأل عن شي مهم ...

ايش مطلوووب عشان استلم الوثيقة

يعني بس بطاقتي الجامعيه ؟ ولا لازم هويتي وبطاقة العائله ووو ...

[أمل جديد]

بدا اليوم تسليم الوثائق 13 - 3 - 1431

اول شي تاخدي من الموظفة في المركز الشامل اللي في العمادة استمارة اخلاء طرف

وتروحي تختميها في المكتبة وعند وكيلة الكلية وعند شئون الطالبات

بعدين ترجعي تسلميها لهم وتستني الموظفة تنادي اسمك, بعدين تسلميها بطاقتك الجامعية وتديكي ملفك اللي فيه الوثيقة وكشف الدرجات وحسن سيرة وسلوك

لا تنسي تصوري اشيائك وتصوريها كم نسخة وتختميها طبق الأصل

وبالتوفيق للجميع و مبروك التخرج لنا جميعا

[همسات دافئة]

اهلين امل جديد

طيب يبغو فلوس ولا لا ؟؟؟ خخخخخخخخخ

اكيد عشان يعطوني كشف الدرجات يبغوا ال 10 اللي فرحانين فيها دي

ومايبغونا نصرفها الا في البنك المشكله

ابغى اعرف لاني ابغى اعمل حسابي راح اوقف في البنك ولا لا اهئ


طيب ايش يعني صورة طبق الاصل؟

يعني البطاقه الجامعيه اصورها نسخه وحده ؟

وبطاقت هويتي اصورها كمان نسخه ؟؟؟

فهميني بلييز مافيا اتمرمط بكررره

[أمل جديد]

هلا همسات دافئة


ما طلبوا مني اي فلوس عزيزتي


صورة طبق الاصل يعني تصوري وثيقتك وكشف درجاتك وشهادة حسن السيرة, تصوريها كم صورة خمسة او ستة وترجعي للمركز الشامل وتقولي للموظفة تختملك هيا طبق الأصل يعني ختم مكتوب عليه طبق الأصل , وهذا يكون افضل من صورة الوثيقة بدون ختم

وبطاقتك الجامعية ما تحتاجي منها اي صورة ولا شي لانهم حياخدوها خلاص


اما بالنسبة لبطاقة الهوية ما طلبوها


يعني باختصار ما طلبوا غير نموذج اخلاء الطرف وبطاقة الجامعة


واذا حسيتي انك قلقانة خدي بطاقة الهوية احتياط


اتمنى اكون اجبت على اسئلتك

[همسات دافئة]

مشكوورة ياقلبي كفيتي ووفيتي

كدا اروووح وانا متطمنه وعارفه ايش اعمل

الله يسعدك ياااارب

دمتي بود