بنات نصيحة لوجه الله بالنسبة إلي بينتظروا إختبار ستيب

[بنت جدة المنكوبة]

بنات نصيحة لوجه الله بالنسبة إلي بينتظروا إختبار ستيب....لا تجلسوا تنتظروا الإختبار ...جربوا إختبار الأيلتس إلي في المعهد البريطاني .........ترا يقولوا مرااااااا الإختبار سهل لأن مطلوب مننا في الماستر درجة قليلة جدا وهي 3 من 9........روحوا المعهد البريطاني واختبروا تحديد مستوا
وإذا طلع مستواكم الخامس يعني تاني مستوا في الelementary ........سجلوا في إمتحان الأيلتس.......وتجهزولوا وإدخلوا على بركة الله......
وحدة أمس اختبرت speaking من المستوى الخامس تقول مرا تمااااااام
وهي مطلوب منها 4 لأن من جامعة الملك سعود طالبين في الدكتوراة 4 في الأيلتس
بس 3 مراااااااا سهل تجيبوها إسألوا الريسيبشن في المعهد البريطاني وهما ينصحوكم
وبالتوفيق للجميع

[شتاء يختزن الرعود]

بارك الله فيك بنت جده ومشكوره

ممكن تعطينا رقم المعهد لو سمحتي

[طموحه@@]

وكيف طريقة الاختبار لان انا لغتي ضعيفه

[ولهانة]

مشكور بنت جدة على نصايحك الحلوة بس انا سالت الرسيبشن والاختبار قالتلي على حسب الجامعة تقبله او لا؟ وانا مدري اذا الجامعة تعتمده وقيمة الاختبار 800 احسها كثيرة خصوصا لو ما اجتزته ايش تنصحيني

[عماد الحسن]

معلومات ممتازة ... شكراً لكم عليها وأتمنى أن أجرب حظي في هذا المعهد

ننتظر منكم التفاصيل الكاملة عن هذا الاختبار وفقكم الله.

[طموحهـ ولكنـ]

مشكورة بنت جده ..

أنا عندي دورة المستوى الأول بالأنجليزي فقط . قديمة تقريبا من 4 سنوات بس اللحين كلها تبخرت , وحالياً استرجع معلوماتي عشان أقدر ادخل المستوى الثاني في المعهد .

وسؤالي هو :

في هذا الأختبار كم مستوى لازم اتعلم , عشان أستطيع أجتياز الأختبار ؟؟ يعني ينفع 4 مستويات مدتها 4 أشهر ولا لا ؟؟

وشكراً لــكـ ,,

[co3]

جزاك الله خير

لكن سعره مرررررررررره مبالغ فيه .......لو اظمن اني اجيب الدرجة المطلوبة بسجل فيه لكن ادفع 800ريال على اختبار وبالاخير نفس حكاية اختبار(step) وحاول مرره اخرى

هل الاسئلة اختياري

[دارين العنزي]

بنت جده لو سمحتِ رقم المعهد .. وتفصيل عن كيفية الاختبار وان أمكن تسألي صاحبتك عن الاسئله كيف يعني نبغى نبذه عنها :)

[بنت جدة المنكوبة]

البنت إلي اختبرت مستواها الخامس.....إختبري تحديد مستوا وشوفوا إنتم مستواكم كم !!!تدفعي بس 50 ريال علشان تحديد المستوى.......وإذا طلع مستواك الخامس إسألي الرسيبشن إنك تبغي تختبر الأيلتس وهي تعطيك نصايح وكتاب تشتريه من نفس المعهد فيلو طريقة الإمتحان.........أما إذا ماطلع المستوى الخامس حاولي تقوي نفسك علين ماتوصلي المستوى المطلوب وتوكلي على الله وإدخلي الإمتحان
المعهد هو المعهد الثقافي البريطاني(british council)
العنوان شارع ولي العهد-مركز الفارسي سنتر -الدور الرابع
تلفون:6576200
تلفون:6576123
ليش إختبار الأيلتس سهل؟؟
لأن الجامعة طالبين بس 3 من 9
فمراااااااا سهل
لأن في أسئلة في الأيلتس تقدري تضمنيها ولازم تجي
يعني مثلا يجيكي سؤال تحدثي عن نفسك؟؟هادا السؤال خلاص إنتي لازم تكوني مجهزتلوا وحافظوا حفظ
فتوكلوا على الله وإدخلوا الإمتحان
والإمتحان دا معتمد في كل الجامعات والكليات
وبالتوفيق للجميع

[بنت جدة المنكوبة]

إن شا الله أجبلكم تفاصيل عن الإختبار
البنت أمس إختبرت speaking
مدة الإختبار كانت ربع ساعة
وطلعت مبسوطة من الإمتحان