ليش ما يكون في جامعتنا بازار للكتب المستخدمه

[Eng:da7moon]

سلام عليكم جميعا
شباب ليش ما يكون عندنا بازار للكتب المستخدمة يعني اذا طالب خلص من الكتب حقتو يكون في مكان مخصص توضع فيها الكتب او الملخصات او يعني يكون في مكان في وقت معين يعني زي مثلا في بداية السنه توضع فيها الكتب وتعرض على جميع الطلبه وتباع بنصف القيمه مثلا . يعني ليش ما يكون عندنا في جامعة الملك عبدالعزيز حاجه زي كده بدل ما ترمى الكتب ولا تخرن في البيت بدون فايده ليش ما تعم الفايده على الجميع . ترى الحركه فيها بركه . حبيت اطرح دي الفكره لا اكثر ولا اقل . شكرااااااااااا
ا

[ezgerti]

فكره حلوه ومشروع تجاي ناجح ( do it)


تحيتـــــــــي ,

[Eng:da7moon]

بس يد لوحدها ما تصفق ولا ايش لازم المكان يتوفر واذن من مدير الجامعه بس يا ريت صوتي يوصل للمدير بس

[eih]

احنا في كليتنا يعملوا زي كذا بداية الترم

[Eng:da7moon]

والله مرره حلو يا ريت نحنا يسوو كمان

[* تركي *]

أَغلبْ الطُلآب يَحتَفظون بـِ كُتُبهمـ.. كَـ مَرجع لَهُم لآحِقــاً ... / وَ خاصة الِي يشتروهآ بَدل المُذكرآتْ ... ،

يَعنِي أَنـآ مَثلاً ، أَحب أَشتري الكتآب وَ ادرس مِنه ، بَدل المُذكرآت وَ المُلخصـآت ، لأنهآ رآح تفيدني بَعدين ..

..،

،..

حَقيقة فِكرة مُمــتآزة

[ساكنه في بيتنا]

المشاركة الأصلية كتبت بواسطة * تركي * أَغلبْ الطُلآب يَحتَفظون بـِ كُتُبهمـ.. كَـ مَرجع لَهُم لآحِقــاً ... / وَ خاصة الِي يشتروهآ بَدل المُذكرآتْ ... ، يَعنِي أَنـآ مَثلاً ، أَحب أَشتري الكتآب وَ ادرس مِنه ، بَدل المُذكرآت وَ المُلخصـآت ، لأنهآ رآح تفيدني بَعدين .. ..، ،.. حَقيقة فِكرة مُمــتآزة

انا كمان زيك ,, أحب أشتري الكتاب بكبره ..

0
0

سوي الفكره بيبك و بين أصحابك و أولاد قسمك و ريح بالك من موضوع مدير الجامعة ,, ..

[IT girl]

السلام عليكم..

ترى مررة حلوة الفكرة احنا فكليتنا (الحاسبات وتقنية المعلومات) يعملونها فبداية كل ترم(خصوصا كتبنا مررة غاالية ب100 و200 وتوصل احيانا ل300)
المهم انهم يسوون اعلانات ويخلون اسبوع يستلقبون فيه الكتب من البنات ويسجلون بياناتهم ويسعرون الكتب من موقع خاص
وبعدين يبدا اسبوع البيع والكتاب اللي ينباع يعطون فلوسه لصاحبته واللي ما انباع يرجعونه لصاحبته..

وبس
صراحة مررة مفيد الله يعطيهم العافية خصوصا انها ترخص طبعا وتكون محددة ومترجمة احيانا وبعضها يخلص من المكتبات ونلقاه عندهم

اقترحوا عالمسؤليين فكلياتكم..

[talia]

والله فكرة مررررة حلوة
بس أنا اقترح انه ماتكون الكتب بس كتب الدراسة
يعني قصدي اللي عندو كتب مفيدة وحلوة وخلاص مايبغاها
يجي يبيع واحنا نشتري لان كلنا عندنا كتب حلوة بس خلاص طفشنا منها
اتمنى انه الفكرة تتنفذ عند البنات والاولاد لانها مرة حلوة بالنسبة لهواة الكتب
اللي زيي

[Eng:da7moon]

ان شاء الله بس المشكله كيف نقدر نطبقها