الهااااااااشمي..وربي حيرااانه,,

[SmarT..GirL]

السلام عليكم...

بناااات..ارجوكم ابغا رأيكم..لا تفشلووني...

المهم..

انا مستوى خامس...تخصص علوم حاسبات ..
وخطتي ع الخطه الجديده..بس انا مو ماشيه عليها...

المهم...نزلي بجدولي..جافا 203_وتراكيب متقطعه(1) 222_والهاشمي اكيد تعرفوه او سمعتوا عنه رقم الماده 214_وثقافه مستوى الثالث

وانا بصراحه حيرااااااااااااانه..اخذ ماده الهاشمي او لا..

وكمان اقدر انزل 212 اعتقد اسمها رياضيات تطبيقيه للحوسه..وعدد ساعاتها 4..

بس حسيت انه مررره كتيرعليا ..دي كلها..

حبيت استشيركم....!!!
وانا بصراحه حبيت اشتشيركم من باب ان عالمستويات الجايه حيكون عندي ضغط من مواد التخصص..زي المستوى السادس والسابع كل دي المستويات فيها مواد حااسب لا تقل عن 4 موااااد...

فقلت انزل من دحين الهاشمي عشان ارتاااااااااح وافتك...بس ماني عارفه..

ومررره حيرانه..ياريت الي يقدر يديني رايه..اكون شاااكره له...

انزل من دحين الهاشمي وافتك...وهل المواد الي معه كتيييره عليا..

بلييييييز..الي اخذت معه تديني رايها...
وجزاكم الله كـــــــــل خير...........

[red flower]

وعليكم السلام ورحمة الله وبركاته

اهلين اختي SmarT..GirL

بالنسبه للمواد
جافا 203 .. وتراكيب متقطعه 222 .. و رياضيات تطبيقيه 212


شوفي ..

رياضيات تطبيقه 212 سهله مررررره
انا اخذتها مع أ . نهى
انصحك لو في احد غيرها يعطي الماده خذيه مع غيرها
بس بشكل عام الماده مره سهله وماتحتاج اي مجهود بصراحه ..
نص المنهج معلومات قديمه ومكرره


اما جافا 203

طبعا راح تآخذيها مع أ. اروى لنجاوي
والماده حلوه .. بس مو مره سهله
لأنها برمجه .. تحتاج مجهود ومذاكره وهذا شي طبيعي


وتراكيب متقطعه 222
انا اخذتها مع د. لبنى
الماده مررره حلوه وتعتبر سهله
وممتعه جدا ..


لكن ماده الهاشمي بصراحه حاله استثنائيه
انا اخذتها الترم اللي فات
الماده مو صعبه .. لكن المشكله من نفس الدكتور
بصراحه اسلوبه معقد نوعا ً ما .. واسألته على حسب مزاجه
احيانا يجيبها مررره تافهه ومكرره ..
واحيانا مررره صعبه ومحد يعرف يجاوبها وتكون درجات البنات 4 و5 من 20

بصراحه الماده تحتاج تفرغ تام .. واهتمام خاص


وطبعا لو تبغي نصيحتي خذيها هذا الترم احسن لك
لأني سمعت انو الهاشمي في الاترام القصيره يكون شويه اهون
يقلل المنهج لأنو مافي وقت

وهذا الترم مررره قصير .. ويمر بسرعه
عشان كذا انصحك خذيها .. وان شاءالله تخلصيها وترتاحي منها

لأنك لو مااخذتيها هذا الترم راح تضطري تاخذيها الترم اللي بعده
والترم الثاني طويييييييل وممل ومتعب .. وراح تتعبي معاه


ولو اخذتي 212 و 222 و 203 و 214
تصير 13 ساعه .. يعني عادي مو مره ضغط

بس طبعا مادة الهاشمي مجهودها ووقتها ماكأنها 3 ساعات .. كأنها 10 ساعات
انا ماابغى اخوفك .. بس لازم تكون عندك فكره انو الماده راح يكون لها اهتمام خاص منك
ولازم تذاكري اول بأول وتتابعي معاه كل شي
وان شاءالله يعدي الترم على خير وتفتكي من الماده



بالتوفيق

[SmarT..GirL]

الله يسعدك ويبارك فيك..ولا يحرمك يارب الاجر....

من جد ما ادري كيف اشكرا..........يارب يوفقك ويفتح عليكي كل ابواب الخير وييسر طريقك ياااااااارب

بس الله يسعدك...ابغا عرف هل فيه احد اخذ معاه ممتاز او جيد جدا....ولا مستحيل اني اجيبها معاه..

لأن انا كل خوفي من معدلي انه ينزل....

وبجد جزاكي الله كـــــــل خير ولا يحرمك ربي من كل حرف كتبتيه.......

اختك smart girl

[التوليب]

بصراحه شفت سؤالك الاخير وابغى اتلقف واجاوب بالنسبه لل د.الهاشمي اغلب اللي عنده لوكان توب مستواها مايتعدى c يعطيها نهاية الترم, وحبيت انصحك لاتسمعين ولاشي من البنات عن الهاشمي ترى مو على قد شكاويهم عليه واهم حاجه النماذج حقت السنوات السابقه ثم النماذج ثم النماذج لان اختبارته ماتطلع عنها وترى الماده ماتحتاج كل هالخوف........ وبالتوفيق

[red flower]

الله يسعدك ويبارك فيك..ولا يحرمك يارب الاجر.... من جد ما ادري كيف اشكرا..........يارب يوفقك ويفتح عليكي كل ابواب الخير وييسر طريقك ياااااااارب بس الله يسعدك...ابغا عرف هل فيه احد اخذ معاه ممتاز او جيد جدا....ولا مستحيل اني اجيبها معاه.. لأن انا كل خوفي من معدلي انه ينزل.... وبجد جزاكي الله كـــــــل خير ولا يحرمك ربي من كل حرف كتبتيه....... اختك smart girl

لا شكر على واجب

طبعا فيه ناس أخذوا معاه ممتاز وجيد جدا
بالنسبه لدفعتي فيه بنتين بس من الدفعه اخذوا ممتاز
وطبعا في مجموعه اخذوا جيد جدا ..
لكن الغالبيه C او D+

لكن لاتخافي .. ترى الماده زي ماقلت لك في ردي الاول مو صعبه
المشكله من نفس الدكتور
يعني ان شاءالله لو شديتي حيلك شويه وفهمتي اسلوبه من البدايه راح تمشي فيها بسهوله


وفعلا ً زي ماقالت اختي التوليب
لاتسمعي كلام البنات والتخويف المبالغ فيه
ترى لو سمعتي كلامهم راح تتعبي

انا كنت اسمع انه مستحيل احد ينجح عنده .. واللي تنجح عنده تعتبر عبقريه
وانو ثلاث ارباع البنات راسبين
ومن هذا الكلام


لكن ترى كل هذا الكلام مبالغ فيه
وماكان في احد راسب الا بنات ينعدوا على الاصابع



بالتوفيق

[SmarT..GirL]

...................
التوليب
الله يسعدك ياااااااااااارب... بالعكس لا لقافه ولا حاجه...ويشرفني ردكــــ...

بس حبيت برضوا اسألكم...سمعت انه ظاااالم في الدرجات...

يعني ممكن تخرجي من الاختبار وتحسي انك حليتي بس تنصدمي من النتيجه...

هل هذا الشي موجود فيه.... وهو الظلم في اعطاء الدرجه المستحقه للطالب....

وبجد الله لايحرمكم الاجر....اسعدني ردودكم......

[SmarT..GirL]

red flower

بجد بجد بجد احرجيني بذووقك.,,,,,..وربــي حمستيني....

وان شاء الله حستخير ربنا..وربي يكتب لي ولكم كل خير يااااااااااارب..

وينور عليكم ويفتح لكم كــل ابواب الخير...

بجد ماراح انسى معرفكم لي....

اختكم...SmaT..GirL

[red flower]

بس حبيت برضوا اسألكم...سمعت انه ظاااالم في الدرجات... يعني ممكن تخرجي من الاختبار وتحسي انك حليتي بس تنصدمي من النتيجه... هل هذا الشي موجود فيه.... وهو الظلم في اعطاء الدرجه المستحقه للطالب.... وبجد الله لايحرمكم الاجر....اسعدني ردودكم......

بصراحه لأ ..

اساسا ً بعد مايصحح الاختبار وينزل الدرجات يرسل اوراق الاختبار لقسم البنات
عشان كل وحده تشوف ورقتها وتشوف اخطائها
وهذا دليل انه كل وحده ماراح تآخذ الا حقها
واذا ظلمها في التصحيح راح تشوف هذا الشي بعينها

:

لا تسمعي اللي ينقال
بصراحه الدكتور مو سيئ لهذه الدرجه
لكن اللي كان مو عاجبني فيه شرحه
بصراحه اسلوبه في الشرح مو حلو ومعقد ..
من اول المحاضره لآخرها ممكن تطلعي منتي فاهمه شي
ولاتستغربي :)
راح تتعودي على هذا الشي مع الايام
يعني الماده تعتمد اعتماد كبير على مجهود الطالبه

انصحك انتي وصحباتك نهاية كل اسبوع تقعدوا مع بعض وتتناقشوا وكل وحده تشرح اللي فهمته
وبكذا مايتراكم عليكم شي

انا وصحباتي كنا كذا نعمل
والحمدلله ماحسينا بتعب ايام الاختبارت
لأن اي شي يكون غامض او مو فاهمينه كنا من البدايه نسأل بعض ونساعد بعض

:


لاتشيلي هم ياعسل

وموفقه ان شاءالله

[SmarT..GirL]

ياشـــيـــخـــه.....الله يكثر من امثاااااااااااالك يارب...

بجد وربي كلك خير...وحماس وطيبه....

ياريت كل الناس مثلكــــ

ياااااااااااااااااااااااارب ياred flower

تتخرجي بتفووووق وامتيااااااااز ياااااااااااااارب...

ويارب يبارك فيكي ويحميكي ويسعدك في الدارين...

وبصراحه الدعوه هذي من قـــــــــلــــبي....
وتسلمين...

[BluexBlue]

الدكتور الهاشمي قد يكون أفضل دكتور سعودي في الكلية علماً وخبرةً ..

مشكلته شديد شوي عالطلاب متعود عالاجتهاد اللي في دول برة :)