إستفسار وأتمنى تفيدوني ..

[MERoOo]

السلام عليكم ورحمة الله وبركاته ..
كل عام وإنتوا بخير وبصحة وسلامة وعافية ..
عندي إستفسار بسيط وأتمنى تجاوبوا عليا ..
أنا أجنبية ومقيمة بجدة وقدمت إنتساب و جاتني الموافقة وكان لازم أسدد قبل يوم 28 - 9 وإذا ماسددت قبل دا اليوم هيتلغي قبولي .. أنا رحت عشان أسدد قالتلي الموظفة إنوا رقم الطلب خطأ ولازم أراجع الجامعة وكانت الجامعة مقفلة في دا الوقت ..
ووحدة قالتلي إنوا المقيمين لازم يراجعوا الجامعة عشان يفعلوا رقم الطلب عشان أقدر أسدد ..
فهل قبلولي هيتلغي ولا لأ ؟؟ وهل ضروري أروح الجامعة عشان أفعل رقم الطلب إذا كان الطلب ما إتلغى طبعا ..

أتمنى تعطوني نصيحتكم ..

[حماده909]

انشاء الله ماراح يتلغى تسجيلك وعليكى من تفتح الجامعه تروحي لهم وتشوفي كيف طريقة التفعيل وتلحقى بالطالبات
والله يوفقك

[*Mimi-Chan*]

أختي

أنا كنت زيك

نصييييييييييحة حنسإل عنها يوم الدين

روحي ألحقي نفسك لا يلغوا طلبك

أنا صارلي زيك و طلبي أنلغى و أضطريت أسحب أوراقي و أقدم مرة تانية

روحي بسرررررررررررعة

يفضل هذا الأسبوع أو إلي بعده

[طالبه جامعيه]

روحي الجامعه افضل ويارب تكوني من المقبولين بالتوفيق

[MERoOo]

أخوي : حمادة 909 ..
شكراعلى مرورك ونصيحتك ..وإن شاء الله بس الجامعة تفتح وأروح أسأل ..

أختي : *Mimi-Chan* ..
تسلمي على ردك بس كنت أبغا أسألك .. إنتي لمن صار لك كدا مارحتي الجامعة عشان كدا أتلغى قبولك ولا طنتشتي ومارحتي ؟؟

أختي : طالبة جامعية ..
مشكورة على ردك و إن شاء الله هروح الجامعة ..

دعواتكم ربي ييسر اللي فيه الخير ..

[أم ليان9000]

أختي طالبة جامعية وش الفرق بين إداري إنساني وسنة تحضيرية؟وجزيت خير

[خاطري مجروح]

وانا اخوك روحي الحين جربي
انا اول ما طلعت لي الرسالة
رحت اسدد قالو لي خطأ في رقم الطلب
وسألت ناس بالجامعة
قالو اصبر اسبوع بعدين سدد
وصلحتها وضبطت معي
حاولي انك تسددين وانشالله يقبل معك
تحياتي
اخوكـ خاطري مجروح

[MERoOo]

أخوي : خاطري مجروح ..
تسلم على نصيحتك .. وإن شاء الله بروح أحاول أسدد ويارب ينفع معايا ..
دعواتكم ..

[طالبه جامعيه]

الله يوفقك ويوفقنا جميعا دعواتك ليه اني احول من انتساب لانتظام

[MERoOo]

أختي : طالبة جامعية ..
الله يستجيب دعواتك وإن شاء الله يارب تحولي إنتظام .. أدعيلي أنا كمان يقبلوني إنتظام لأنوا الأجانب في الجامعة ما يتقبلوا إنتظام إلا الترم التاني وإذا كانوا جايبين نسبة عالية ..
الله يوفقك ويوفقني ..