إستفسار مهم

[Nadooe]

السلام عليكم ورحمة الله وبركاتة
أنا طالبة سنة تحضيرية وحابة أستفسر عن طريقة التسكين في كلية العلوم الطبية التطبيقية
يعني كم كلية تختارونها في التسكين؟؟
والأقسام الي داخل الكلية كم قسم ممكن تختارو؟؟
وعلى أي أساس يدخلون الطالب داخل القسم الي يبغاه (عشان أنا نفسي أدخل تغذية)
ومشكوووووووووورين مقدما

[do0ody-do]

اهلا هلا حبيبي ..

اولا دحين فكري بالتحضيري وشيلي التسكين من بالك الا اخر السنه

بس ع العموم راح أفيدك .. يا ستي أنا تغذية اكلينيكيه ..

التسكين راح تكون كل كليات الجامعه الفرع و لا السليمانيه و لا رابغ ..

انتي رتبي الي تبغيه اول و بعده و بعده بحسب الرغبه ..

بعد كدا هنا يجي يصنفوك في اي كليه بحسب معدلك .. و كل معدل قبول في الكليه بحسب طلاب كل سنه ..

يعني مافي معدل يحكمك غير شطارة دفعتك ..

بعدين بحسب الكليه الي انقبلتي فيها ..

عندنا اول يوم جوله تعريفية .. بعدين تسلمينهم استبيان برغباتك فالتخصصات فالكليه ..

الاستبيان ينزل في موقع الكليه ..

وع اساس معدلك يحطوك .. فالقسم ..

يعني الشغله كلها معدلات * معدلات .. " النسبة الموزونه بالأصح " الي هيا من مية ..

و الله يوفقك .. لا تخافي ترا كل الي أعرفهم دخلوا تخصصات داخل كليتنا برغباااااتهم ^^

[Nadooe]

مشكوووووووووورة يا عسل على الرد
وإن شاء الله أنقبل تغذية لأنو الأقسام الثانية ما أشوف نفسي فيها (مهي عاجبتني)
بس نفسي أعرف تقريبا المعدل الي لازم أجيبو كم ؟ يعني فوق ال 5و4 ؟

[do0ody-do]

يب يب جيبي فوق ال٤.٥ اضمنلك عشان الدخول