ممكن رأيكم يا اكسبريس وماي نانا وام حمدان ونور العمر ومن له خبره

[ميرال عسيري]

مساء الخير للجميع انا يااخوان عندي الجدول ريدينق1 واستماع1 ورايتنق 1 وفرنسي 2 وعربي 2 المهم ايش رأيكم لو مانزلت مواد التخصص ونزلت بدلها مواد العربيه وفرنسي اي المواد الحره كلها عشان ارفع معدلي مو احسن وهل ذلك مسموح اتمنى وصلت المعلومه والعذر مره مسخن فلونزا اسبوع ودمتم بخير

[my-nana]

اهلا
اولا ماأقدر اشير عليك بشي اكيد ومضمون
لأني ماأعرف مستواك +ماأعرف كم معدلك الآن +مواد التخصص سبق وأخذتها وإلا لآ
بس إذا أنت شايف نفسك ماتقدر تاخذ مواد التخصص كلها فجرب مادتين ترتاح لها وتعتقد انك بتعديه بدرجات حلوه بس لازم تشد حيلك واضيف معاها العربي +الثقافه +حره أو الإداره بس الإداره شوي يبالها تركيز لأن مواضيعها متداخله مع بعض ومتشابهه
اكرر شد حيلك لحد الآن مااني مستوعبه انك توك تسأل وش تاخذ وش ماتاخذ (متأخر في الإستشاره مره)
والله يوفقك

[LAURA H]

أنا من رايي بغض النظر ادا كان مستواك عالي أو لا,, تقدر تاخد المواد الحرة ومعها ثقافة اسلامية وليسننغ,, هذه المواد سهلة مع بعض واغلب الطلاب يعدوها بدون اي مشاكل..
اتمنى اني اكون افدتك..

[nour al3mr]

و مسّـاك الرحمن بالفرح و السعــادة ..

وعافاك الرحمن و طهور إن شـاء الله ..

بخصوص استفسـارك ..~

الأفضل برأيي عدم أخذ جميع المواد السهله في ترم واحد..
إذ أن باقي الأترام الدراسيه سيتبقى لك فقط مواد التخصص ..
ولن يصبح لك متسع و حرية للتنويع بين مواد التخصص و المواد العامة ..
إذ من الأفضل دراسة كم مادة تخصص مع مادة عامة ..
للتخفيف من عبأ المواد..

يمكنك دراسة ماذكرته من مواد عامه و تضيفي لهـــا الريدنق و الاستمـاع و التحدث ..
إن كنت تجد في نفسك الإحتياج لمزيد من الوقت من أجل التدرب على الكتــــابة ..
يمكنك تأجيل الرايتنج ..

لكـــن ضع نصب عينيك أن مواد التخصص مهمه إذ أنها متطلب لما يليها من مواد في الخطـــــة..

أعـانك الرحمن و يسـر لك كل أمر ..
و عجّل لك بالشفــــاء العاجل ..

دمت في حفظ الكـريم ..~

[عبدالله بن عبدالرحمن]

اقول يا غالى تراها فيك فيك سواء الترم هذا او الترم القادم
يعنى بتخليها الى الترم القادم وبعدين ؟؟ بترجع تنزلها

خلك مثل العالم وبقية الزملاء وتوكل على ربك

واحلا سلام لاهل تبوك المتثيقلين
وترى السفينة ماشية ماشية ومى منتضرة احد يمشيها

[ميرال عسيري]

شكرا لكم على تجاوبكم معي ويااخ عبدالله وربي مو ثقل بس قوة شغل هههههه انا داري هي فيني فيني بس احس الوقت ضيق ومابعد بديت هذا هو القصد وبعدين ابغى معدل فوق خاصة فرصتنا في اول ترمين للتخصص وشكرا مره اخرى

[ام حمدان]

ماشالله ماقصروا معك بالردود بس حبيت اقولك على معلومه مجربه

المعدل يطلع وينزل مثل التحضيري فقط في المستوى الثالث اما من الرابع ومافوق لا يطلع ببطء
يعني فرصتك الحقيقه في رفع المعدل هي الترم هذا ممكن تبلغ نسبه الارتفاع في معدلك الى 1 صحيح
اما في المستويات الي بعده يطلع شي بسيط الارقام الي بعد الفاصله هي الي ترتفع او تنخفض على حسب درجاتك طبعا

بالتوفيق

[The Ambition]

ماشالله ماقصروا معك بالردود بس حبيت اقولك على معلومه مجربه المعدل يطلع وينزل مثل التحضيري فقط في المستوى الثالث اما من الرابع ومافوق لا يطلع ببطء يعني فرصتك الحقيقه في رفع المعدل هي الترم هذا ممكن تبلغ نسبه الارتفاع في معدلك الى 1 صحيح اما في المستويات الي بعده يطلع شي بسيط الارقام الي بعد الفاصله هي الي ترتفع او تنخفض على حسب درجاتك طبعا بالتوفيق

وش قصدك يا أم حمدان هل تشيرين عليه ( وعليا طبعا ) بأن نتجه لما ذكره الأخ في إستفساره أم نتبع الخطه ونضاعف الجهد في المذاكره والله المستعان.

[ام حمدان]

انا ماقصدت غير اني اعطيه معلومه ماكان يعرفها

لكن تدري برجع بقولكم رايي في الاستفسار

اخ ميرال
من حيث الامكانيه نعم تقدر تضيف فقط مواد عامه وحره وماتاخذ شي من التخصص
والترم القادم تاخذ مواد التخصص
لكن حط في بالك انه هالشي ممكن يأخر تخرجك الا في حال اخذ ترم او ترمين صيفي عشان تلحق دفعتك وتتخرج في اربع سنوات
وايضا مثل ماذكرت اختي نور العمر ممكن يصيبك الملل في المستويات القادمه لانك بتكون خلصت اغلب المواد العامه والحره السهله والي تبقى كله انقلش في انقلش
اذا ماعندك مشكله من هالناحيه
اذا لاتضيف شي من التخصص وخذ مواد عامه وحره فقط
بس الي ابي افهمه انت ليش فكرت في هالشي من الاساس
يعني لو لغتك ضعيفه جدا بعذرك وبقول اوكي سوي كذا وقوي نفسك من الان الى الترم القادم
لكن لو لغتك كويسه
ليش الغلبه ذي كلها
على الاقل خذ استماع وتحدث لانها اسهل شي فالتخصص وكمان الفرنسي
يعني اخلص على الاقل من ماده او مادتين

وشد حيلك فيها وفي موادك الباقيه وارفع معدلك لاعلى حد ممكن حتى لو كان عالي --زياده الخير خيرين
لانه بالعاده تنخسف معدلاتنا في التخصص بنسب متفاوته ممكن ينخسف 5 نقاط او 10 او 20 يعني يختلف على حسب درجات كل طالب في مواده
وممكن ماينخسف يثبت على ماهو عليه او يرتفع شي بسيط

ولاصدقك القول

انا لو مايهني اني اتخرج بسرعه كنت اخذت المواد براحتي وكنت اخذت اول ترم فالتخصص فقط فرنسي واستماع ومواد عامه وحره فقط
لكن انا ماابغى ازيد اكثر من ترم وابغى اتخرج مع دفعتي


عموما هذرت عليكم سامحوني بس نقلت لكم وجهة نظري وانتوا احرار في قراراتكم

وخلاصة الكلام
مستواك كويس فاللغه ---امشي عالخطه افضل وخذ موادك السته كامله
مستواك مش ولا بد ---خذ استماع وتحدث وفرنسي وثقافه وعربي واداره عامه وكورس حر

موفقين

[abad700i]

شاي ربيع اكسبريس هو
الاستاذ اسمه اكسبيرت والباقين صح