لا اله الا الله اذكرو الله وردو وساعدوني

[ابيك ومابيهم]

سلام عليكم




السلام عليكم والرحمه




حبايب قلبي اتمنى لكم التوفيق

انا من عقب البطاله الي حاصله في البلد والخوف من الجلوس في البيت بديت اهوجس واوسوس


زبدة الكلام انا مقبول ابتعاث في برنامج خادم الحرمين
تخصص صحي فارما دي او طب طوارى او علوم صحيه


المهم وانا انقبلت في ارامكو التدرج علما بان رواتبهم
8000 الى 9000 وفي بدل سكن 3 رواتب اساسيه يعني تقريبا 20000 وبعد اربع سنين يعطونك قرض بيت وارض

المهم تنصحوني اكون في ارامكو اجلس في دوامي ولا تنصحوني بس اتوكل على الله ادرس برى
لاني انا احيانا اخاف ادرس برى بسبب صعوبه الدراسه والغربه وحيانا مابي اندم اني ماطلعت وكملت دراستي

واحيانا اخاف اني اترك هالوظيفه بسبب البطاله الي حاصله في البلد والعالم مهي لاقيه تاكل الله يحفظنا هالنعمه

ترى دوام ارامكو انا هناك مشغل وفيه شفتات ودوامي بالظهران فا وش راييكم وش تنصحوني فيه

واذا نصحتوني بالابتعاث اذكرو السبب وش تنصحوني ادرس اي تخصص من الي ذكرتهم علما انا مقبول في امريكا وجاني قبول اللغه والجامعه وطلعت التاشيره يعني جااااهز

بس مابي اتسرع في قراراتي ابي رايكم اخواااني

اذا تعرفون كم رواتب هالتخصصات الي ذكرتها والزيادات ووبدل السكن وهل فيه مميزات اذا كان موضوعي يحتاج للنقل انقلوه وشكرا

[جرح الغلا]

والله يا اخوي لو رحت لما ترجع بتدور وظيفة من جديد

ويمكن تلقى فرصة وممكن لا

طالما لقيت فرصة ممتازة بالبلد استغلها ولا تتركها

وانصحك تستخير قبل ما تقرر نهائيا

والله يرزقنا واياك

[المحامية]

مساء الخير
انا من وجهة نظري وظيفتك ماشاءالله ممتازة
واحنا الان بنعاني من بطاله من حاملي دراسات عليا للاسف،، فما بالك بعد كم سنه لما يرجعوا لنا المبتعثين

[روعة طموح]

اول حاجة استخير الله

انا براي الشخصي خذ الوظيفة وبعدين اطلب ابتعاث من نفس جهة العمل او خذ طلب موافقة انك تبتعث وبكذا ترجع ومكانك محفوظ



والله يوفقك

[حبي لذاتي قمة أولوياتي ~]

ماشاء الله تبارك الرحمن ~

الفرص تمر مرة في العمر

الإبتعاث ممكن يفتح مرة أخرى وتقدر تروح على حسابك أو حساب أرامكو يحب اللي يطور من نفسه ( 3 أحتمالات ونفس النتيجة )

اما الوظيفة فرصة لاتعوض فالذكي من يستغلها ( ماتقدر تلاقي غيرها لو رجعت وتابع موضوع طالبات الماستر والدكتورة بدون عمل !!!! )

الحل = أستخارة بعد أستشارة

[احساس]

طير في اليد خير من عشره فوق الشجره

خليك على الوظيفه واستخير

[طبعي خجولة]

الاستخارة قبل كل شي

حتى لو ماحسيت بشي بس ان شالله التوفيق لك من الله

واستشير اللي حولك حاول تجمع معلومات أكثر عن البعثة هل تناسب تخصصك وميولك وبرضو الوظيفة

هل تناسب ميولك وتخصصك .وان شالله ماانت بنادم على اي شي

وبعدين اذا تثبت في ارامكو انت تقدر تبتعث على حسابها في الخارج

وبكذا ضمنت الوظيفة والبعثة ..

[فجرالعيد*]

الوظيفة ثم الوظيفة اصلا الهدف الاساسي من البعثة هو الحصول على الوظيفة فاذا توفرت ؟؟؟!!!1 من رآي المتواضع لايوجد مبرر لترك فرصة كهذي .توكل على الله وربما الله يبغى يكفيك شر فتن ومصائب انت في غنى عنها .فالابتعاث ليس هو المطلب الاساسي اما الوظيفة هي الغاية التي تبحث عنها عكس الابتعاث ليس الا وسيلة للحصول على الوظيفة .وانت بإمكانك لاحقا طلب الابتعاث من جهة عملك وتكون ظمنت الأثنين.......بالتوفيق

[عبير النسمة]

أخ ( أبيك وما أبيهم )
لو أنا مكانك آخذ الوظيفة .. وأسعى للابتعاث بعدها
خاصة إن وظايف أرامكو رائعة ماشاء الله لاقوة إلا بالله وبها مميزات حلوة .. ومن أهمّها حرصها على تطوير موظفينها ..
فتوكّل على الله وخذها
الله يكتبلك الخير وين ما كان

[seham alwead]

امسك بالوظيفة بيدك واسنانك ... انت شايف الوضع ماراح تلقى وظيفة زيها وبهذى المميزات
وبعدين ممكن تروح بعثة على حساب ارامكوا يعنى لا تشيل هم .. اللى راحوا بعثات تعبانين من اوضاع المعيشة في بلدان الغربة.. هذى نصيحتى لك والله يكتب لنا ولك الخير يارب..