تجمّــع طلاب وَ طَالبــات قـسـمــ الفـيـ Physics ـــزياء||~

[LeLou]

بسم الله الرحمن الرحيم.. السلام عليكم و رحمة الله و بركاته.. إن شاء الله راح يكون هنا التجمع الجديد لطلاب و طالبات قسم الفيزياء.. أتمنى من الجميع المشاركة بآراءكم و خبراتكم،، و طرح استفساراتكم هنا و إن شاء الله ما راح نقصر معاكم.. عشان نفيد و نستفيد.. و أتمنى أيضًا أنه يكون فيه تفاعل لأنه بصراحة التجمع القديم كان نايم جدًا.. خلينا نبدأ من جديد مع بداية العام الجديد بهمة عالية.. و أتوجه بالشكر الجزيل لمشرفتنا الغالية نيران لإتاحتها لي فرصة فتح الموضوع ^^ اللهم انفع بنا و بعلمنا الأمة الإسلامية.. اللهم ما كان صوابًا فمنك و ما كان خطأً فمني و من الشيطان.. و بالتوفيق للجميع||~ تحياتي:~ LeLou..

[BlackX]

يعطيكي العافيه اختي
بس حبيت استفسر لو ماعندك مانع او اي احد عندو خبره
لاني مستجده وبفكر في الفيزياء
هل ليه فروع زي الاحياء وغيرو ولابس فيزياء !!
وايش ممكن الواحد يكمل فيزياء ماجستير هنا او في الخارج
سمعت عن الفيزياء الطبيه حقت اشعه للاورام وكدا ..
هل هادا القسم موجود عندنا هنا ولا بس في الخارج ؟
وايش في اقسام اخرى غير هادا القسم !!
وبالنسبه للعمل بعد البكالوريوس ايش ممكن يكون غير(مدرسه) ؟
جزاكي الله خير معليش على كثره الاستفسارات ..

[LeLou]

^^

أهلا يا عسل..

أول شي الله يعافيكي..

ثاني شي:~
خلال دراستك في مرحلة البكالوريوس الفيزياء ما فيها أقسام..
فيزياء عامة بس..
لكن تقدري تحضري دراسات عليا بعد كذا في تخصصات أخرى..
زي مثلاً الفيزياء الطبية،، الفيزياء النووية،، هندسة الكهرباء،، فيزياء مواد مكثفة،، فيزياء جوامد،، ميكانيكا الكم أو الفيزياء الكمية،، تقنية النانو..
و غيرها الكثير..
أعتقد على حسب ما سمعت أنه في بعض الفروع هذي تدرس في جامعة الملك سعود زي الفيزياء الطبية و النووية،، و إنتي برضو اتأكدي..
لكن بالنسبة لجامعة الملك عبد العزيز ما عندي خلفية بصراحة فما أبغى أفتي..
انتي استفسري أو دوري في النت و أكيد راح تلقي..
معليش بس هذا اللي أقدر أقول لك هو،، أنا ما أبغى أقول كلام من غير علم..

بالنسبة للمجالات العمل ادخلي على هذا الرابط و شوفيها:~


و إذا عندك أي استفسار ثاني ما يردك إلا لسانك..

[picasso]

شسمه عندي استفساار فيزياء فلك هي الفيزياء ؟؟

[cup!d G!rl]

المشاركة الأصلية كتبت بواسطة picasso شسمه عندي استفساار فيزياء فلك هي الفيزياء ؟؟

بالنسبة لكم انتو الاولاد في كلية علوم فلكية كامله لكم , روح اسأل عن تخصصاتها اكيد في فيزياء فلكية. وممكن تتخصص فيزياء عامة وبعدها تاخد الماجستير في الفيزياء الفلكية :). تقدر تسأل دكتور حسن باصرة هو اعتقد رئيس القسم وبتلقى رقمه في موقع الكلية .

[picasso]

المشاركة الأصلية كتبت بواسطة cup!d g!rl بالنسبة لكم انتو الاولاد في كلية علوم فلكية كامله لكم , روح اسأل عن تخصصاتها اكيد في فيزياء فلكية. وممكن تتخصص فيزياء عامة وبعدها تاخد الماجستير في الفيزياء الفلكية :). تقدر تسأل دكتور حسن باصرة هو اعتقد رئيس القسم وبتلقى رقمه في موقع الكلية .

ثأنكس ع المعلومآت المفيده وطبعآ رحت لهم وسئلت وآستفسرت .
وانا كنت اسئل بس
وانا اللحين فيزيائي وقابلني يا نيوتن ويا ارخميدس ويآ آلبرت آينشتين

[LeLou]

^
^

ما أعرف صراحة احنا البنات عندنا فيزياء و بس..
ما في فيزياء فلك..

إن شاء الله يفيدوك الشباب..

[picasso]

المشاركة الأصلية كتبت بواسطة lelou ^ ^ ما أعرف صراحة احنا البنات عندنا فيزياء و بس.. ما في فيزياء فلك.. إن شاء الله يفيدوك الشباب..

متشكر لك , يعطيك آلعافيه . . .

[cup!d G!rl]

أحم سار عندنا تجمع جديد =^.^= ياسلام ...

[LeLou]

المشاركة الأصلية كتبت بواسطة cup!d G!rl أحم سار عندنا تجمع جديد =^.^= ياسلام ...

هلا يا عسل n_n..
و إن شاء الله يكون فيه حماس في التجمع دا أكثر من التجمع القديم..
و يعطيكي العافية||~
و بالمناسبة عجبتني صورة Sebastian & Ciel ،، تدنن

المشاركة الأصلية كتبت بواسطة بنووتة كيوت السلام عليكــم .. انا دوبي تخصصت فيزيا الحمدلله بس انا بدرس ترم وبحول تربية خاصة ان شاالله .. ايش المواد اللي اخذها ذا الترم ..؟؟ ايش المواد السهلة اللي ترفع المعدل ..؟؟ اانا فرع الفيصلية ياليت تقولو لي عن افضل الدكاترة ..

و عليكم السلام و رحمة الله و بركاته..
إذا إنتي تبغي تحولي أنصحك تاخذي مواد عامة و حرة..
عشان ترفعي معدلك و تتعادل لك لأنه بصراحة مواد الفيزياء مو سهلة كثير و ما أظن إنها راح تتعادل لك في التربية الخاصة..

أما إذا ناوية تكملي فيزياء لو ما مداكي تحولي القصة أخرى..
هو إنتي ما عندك مواد تخصص في المستوى الثالث غير فيزياء 202 و 203 و ماث 202..
و معمل 281 و معمل كيمياء 281 و أمن و سلامة مختبرات..
و كلها إن شاء الله سهلة بس يبغالها تركيز و فهم..
إنتي ممكن تاخذي فيزياء 203 لأنها أسهل و أمن و سلامة و ماث 202 سهلة و الباقي عامة و حرة..
أما فيزياء 202 هي تفتح لك مواد أكثر من 203..
بالنسبة للدكاترة للأسف أنا درست في السليمانية مو في الفيصلية..
ادخلي على كلية العلوم للبنات ممكن تلاقي معلومات هناك..

بالتوفيق||~