بنات انا فيزياء من جامعه الطائف وبقدم نقل لعبدالعزيز هيلللب مي

[فايزه 555]

السلام عليــــــــكــم ورحمة الله وبركاته

بنات بليز سااعدوني عندي كم سؤال لبنات الفيزياء انا فيزياء من جامعة الطائف طالعه مستوى خامس يعني بقي سنتين واتخرج وعلى الخطه ماحملت شي
المووهيم اني بقدم نقل لجامعتكم الحبيبة الشي الي محيرني اخاف ما يعادلوا لي المواد او يعادلوا شي وشي يخلوني اعيدوه تاني

فالي عنده خبرة بهالخصوص تفييدني الله يسعدها
وبعدين كيف القسم عندكم عموما من اعضاء هيئة التدريس الى المناهج صعب سهل معقد !!!

وووبس الله يسعدكم ...

[امــــــــيــرة]

تدرسيه بِ آلعربي ولأ بآلإنقلش ؟

عندنآ بآلإنقلش ، رح يعآدلولك بعض آلموآد
لو درستيه بآلعربي رح تلآقي صعوبة

ليه بتحولي عندنآ خليك مكآنك مرتآحة ^_^
مآبقي شي ع آلتخرج لآ تتمرمطي ف جآمعتنآ ^_^

بنآت آلفيزيآء حيفيدوكِ أكثر ،
موفقة :)

[فايزه 555]

مشكوووورة على المرور يا بعدي ,,
ايه إحنا ندرس تقريبا بالعربي ..
الله يستــــــــــــــــــــــر

[LeLou]

و عليكم السلام و رحمة الله و بركاته..

هلا يا عسل..
أول حاجة شرط معادلة المواد إنك تكوني درست نفس المادة بنفس المنهج نفس الكتاب..
أو تكوني أخذتي مادة أعلى منها في المستوى..

أنا أعرف واحد بنت معانا في القسم حولت من مكة على عزوز و في مواد اتعادلت لها و مواد لا..
يعني مثلا زي تفاضل وتكامل 2 أخذته بالعربي و خلوها تعيده..
و أخذت كهرو و عادلوا لها هي بفيزياء 202..
لأنه بصراحة على حسب ما قالت إللي درسته هي في كهرو احنا درسناه في فيزياء 202 إللي هي فيزياء عامة 2..
فأكيد في كهرباء و مغناطيسية راح ناخذ أشياء أكبر..
إنتي لازم تجي الجامعة بنفسك و تسأليهم و تعرفي أيش إللي راح يعادلوا لك هو أنا ما أقدر أفتي لك بس قلت لك إللي أعرفه..
//

بالنسبة للقسم بصراحة قسم الفيزياء شبه منقرض ما فيه بنات كثير فـ راح تنبسطي إن شاء الله لما تكون الدفعة قليلة تكونوا مع بعض و متصاحبين و الدكتورة تقدر تلم بجميع أسئلة الطالبات في المحاضرة..
و أنا أشوف القسم رايق جدًا..
و الدكاترة عندنا بصراحة قليلين كل مادة يفتحوا شعبة واحدة و دكتورة واحدة تدرسها لأنه مافي طالبات كثير..
و الدكاترة عمومًا كويسين،، و ما أقول لك كلهم..
راح يعدوا عليك دكتورات ما يشرحوا كويس و هذا شي طبيعي و موجود في كل التخصصات و الأقسام و الجامعات..

بالنسبة للمناهج،، الدراسة عمومًا إنجليش بس الدكتورات يشرحوا عربي و المصطلحات إنجليش..
و الدراسة أشوفها لا صعبة و لا سهلة يعني يبغالها شد حيل،، أما إذا أهملتي راح تضيعي و هذا شي طبيعي..

إنتي استخيري و ربنا يقدم لك إللي فيه الخير..
و بصراحة أنصحك روحي للجامعة بنفسك عشان تعرفي الخبر اليقين و تكوني في الصورة لأنه الكلام كدا ما ينفع..

و بالتوفيق||~

[فايزه 555]

الله يعطيـــــــك ألف الف عـــــــــافية
مشكووورة بارك الله فيك ..