اتبهذل انا وزوجي وعيالي من القصيم لجدة وهم يختارولي التخصص

[روابي نجد]

بالله ماهو حرام مشاوير مايعلمها الا الله واجار شقة واجار حضانة باليوم 120 هذا مو مشكلة اذا انا اختار التخصص بس من جد قهر اذا هم يخصصون ارجو ممن لديه معرفة يفيدني لاوالي يزيدهمي ان اختباراتي كله حلوة يعني اتوقع انجح بس ما اضمن المعدل

[د.القلوووب]

والله اذا تعرفي احد مهم يمكن يمكن تحولي

تحياتي

[أحمد الحربي]

من بغى الدح ما يقول أح <<< حلووه المثل ذا

المهم ياعزيزتي
البنات مفتوح لهم الانتساب في القصيم في جامعات عنيزه وبريده ليش ما دخلتي هناك وريحتي بالك من المشاوير وجع الراس ..!
وهي ماوقفت على الدراسه دامك متزوجه ومستوره الحال ... والله كثير بنات دارسات وجالسات لا شغل ولا شي يعني توظيف مافيه ..!

بالتوفيق أختي وإن شاء الله تحققين مرادك وعلمك

[ريــــم]

المشاركة الأصلية كتبت بواسطة أحمد الحربي من بغى الدح ما يقول أح <<< حلووه المثل ذا المهم ياعزيزتي البنات مفتوح لهم الانتساب في القصيم في جامعات عنيزه وبريده ليش ما دخلتي هناك وريحتي بالك من المشاوير وجع الراس ..! وهي ماوقفت على الدراسه دامك متزوجه ومستوره الحال ... والله كثير بنات دارسات وجالسات لا شغل ولا شي يعني توظيف مافيه ..! بالتوفيق أختي وإن شاء الله تحققين مرادك وعلمك

يعني اذا متزوجة مافيه داعي لطلب العلم

وبعدين ترى تخصصات الانتساب والانتظام في كليات البنات سيئه جدااااااااا في عنيزة وغيرها يعني تختار بين جغرافيا وتاريخ ولغه عربيه ودراسات

وبالنسبه للبنات اللي جالسات بالبيوت ماخسروا شيء يكفي انهم متعلمات ومعاهم شهادات واذا تزوجوا يعرفوا يربوا عيالهم بوعي ويفهمنهم يقدرون العلم لاجل العلم مو عشان الوظيفه بس مثل بعض الناس----

الكل يتمنى الوظيفه بس العلم اهم واذا معاة وظيفه زيادة الخير خيرين

[mass]

اخوي احمد الحربي العلم ماهو مخصص للشباب فقط واعتقد كل واحد حر في طموحه متزوج ولا ولا

[بنت العلم]

المشاركة الأصلية كتبت بواسطة mass اخوي احمد الحربي العلم ماهو مخصص للشباب فقط واعتقد كل واحد حر في طموحه متزوج ولا ولا

ايه والله صدقتي

[أحمد الحربي]

المشاركة الأصلية كتبت بواسطة mass اخوي احمد الحربي العلم ماهو مخصص للشباب فقط واعتقد كل واحد حر في طموحه متزوج ولا ولا

وأنا قايل مخصص لنا فقط .. بس هل البنت مثل الولد بالتحمل والغثاء ألي راح يصير لها بالغربه بدراسة الانتساب في الجامعة ..؟

وأطمحي على كيفك ما أحد ما سك بس لا تقولين أح وأي وقرف وزجي أشغلني بالدراسة وزوجي يقول ليش تسوين كذا .. ..!


روابي نجد ما عليش يمكن طلعنا من المحور بس المفهوم معروف ودامك واثقه لا تشيلين هم وإذا ما تخصصتي بالمطلوب الله يكون بعونك ..!

[روابي نجد]

انتم ما فهمتو قصدي انا مو مشكلة اتحمل اذا كنت انا احدد اتخصص سؤالي مين يختار التخصص وعلى اساس المعدل او لا يا اخ احمد الشهادة مطلب شخصي واجتماعي

[student4ever]

المشاركة الأصلية كتبت بواسطة روابي نجد انتم ما فهمتو قصدي انا مو مشكلة اتحمل اذا كنت انا احدد اتخصص سؤالي مين يختار التخصص وعلى اساس المعدل او لا يا اخ احمد الشهادة مطلب شخصي واجتماعي

اذا كنت طالبة سنة تحضيرية سيأتيك الجواب في نهاية الفصل الثاني ويعتمد على معدلك العام وعلى معدلك في المواد الكمية..ويمكنك الحصول على الاجابة القاطعة من عمادة القبول والتسجيل
أما في كلية الاقتصاد والادارة فالتخصص أنت تختارينه (ويستحسن تحديد أولويات -رغبة أولى ، ثانية، الخ)..هناك قيود (لست متأكد في حالة الطالبات) قيود على تخصص ادارة الاعمال في قسم البنين في الانتظام نظرا للعدد الكبير والقيود معظمها ترتبط بالمعدل العام ومعدل مواد ادارة العمال..وأقترح عليك الاستفسار لدى مكتب الشؤون التعليمية ف الكلية .
وبالتوفيق ان شاء الله.

[اضاءات]

الي فهمته ان انت تختاري التخصصات الي تبغينها .. الرغبة الاولى والثانية ... الخ

بعد كذا ينظرون الى معدلك ..

وانت تقولين انك مجاوبة كويس فما له داعي كل هالخوف والقلق

وابشري بكل خير