كيف تشحنو طاقتكم من جديد ؟؟:)

[M!SS Lara]

السلام عليكم


احيانا ومع ضغط الدراسه المتواصله ، تجلي لحظات للواحد تخليه ماله نفس يدرس وماله خلق يفتح الكتاب..

فكل واحد/ة يخبرنا الاستراتجية الي يتبعها في شحن حماسه وطاقته للدراسه .

يالله نبي تفاعل وخاصه انو الاختبارات ع الابواب

[noonz]

ههه لآرا جبتيها ع الجرح
منجد ياريت تفيدونا لأن التناحة مو طبيعية !
مامسكت لا كيميا ولا احياء ولا انقلش
بس شوية إحصاء
يارب وفقنا

[M!SS Lara]

انا عني ليا يومين اتكاسلت شوي ..
بس منجد أكتر شئ يصبرني ع الدراسه اني اتخيل نفسي لحظة ماافتح الاوديس واسوف تخصصي الي احلم فيه مكتوب ..

وبعدها ع طووول اروح امسك الكتاب وادرس :)

[محمد الداود]

د لارا ، رب همة أحيت أمـة ..

[M!SS Lara]

^^^^^^^^^^^
د. داوود فسر عباراتك جزاك الله خير:)
الله يوفقك

[يَآربْ.غفرآنكْ]

منجد بنات .. و رب البيت أحتاج لدا الشي
مالي خلق لا أدرس و لآ افك ولا كتاب ... صرت أصدع من الكتب الخبلة دي ورقها بيجيب العمآ ..>>>. كفانا الله واياكم


لسى ما فتحت ولا مادة .. بالرغم اني قلت لنفسي انو حبدآ من اليوم مذاكرة .. وللكني اتكاسلت كتير

يآرب سهل سهلْ ..

[dr.ro0ody]

انا برضوا اوقات زيكم مررة مالي نفس ازاكر
بس أصلي ركعتين اقرأ صفحتين من القران الكريم اشرب كوب نسكافيه اتزكر كمان درجاتي في الاختبارات الحمدالله عاليه اتزكر ماما وبابا يموتوا عشان ادخل صيدله
وقتها خلاااااص اشد العزيمه وازاكر بنفس وحماس

[Amjad BaHusayn]

السلام عليكم ورحمة الله وبركاته ,,

اول شي النوووم مرة مهم ,, عشان نكون مصحصحين ,,

تاني شي ,, اكل شي خفيف عشان ما نحس بخمول ,, تالت شي لازم نطلع من المكان اللي احنا ننام فيه ,,

اي مكان تاني ,, نمسك المادة اللي بتكون في وسط الاسبوع تمام؟؟ ,, بعدين نمسك كل الشابترز اللي ما اختبرنا فيها ,, اوك؟؟ .. وشي مررة مهم انه لما نذاكر ما نقعد نقلب في الصفحات نشوف كم باقي ,,

نرسل رسائل ايجابية .. نكافئ نفسنا باي شي نحبه ,,


نخلص لازم ناخد راحة ,, عشان اذا كان ورا بعض .. راح يكون فيه ضغط وراح نوصل مرة تانية للحال اللي احنا فيه دحين ,,

وبين الشابترز راحة ما تزيد عن نص ساعة ,,ونحاول انه ننتظم ونمشي على الوقت ,,

نمسك الباقي من المادة .. الين السبت ,,حتى اذا ما خلصنا نتركها بكدا ماراح نفرط في المادة اللي بعدها ,, بعدين نمسك المادة اللي بتكون اخر الاسبوع ,,

نمسكها الين الثلاثاااء ونخلصها بنفس الطريقة بعدين مادة السبت ,, وبالنسبه للانجليش في ايام الاختبارات كل يوم وحدتين ,, لانه في ايام الاختبارات بيكون مراجعة لانه احنا مذاكرين ,,

وترى الانجليزي والله سههل مررة ,, لاتعقدوها ,,

الله يوفقنا لما يحبه ويرضاه ,,

وحاجة مهمممة جدا ,, نكتب في ورقة .. او في الجوال .. او اي مكان يكون قدامنا اغلب الوقت ..

الاسم الرباعي .. ووو الكلية اللي نبغااها ,, وو التخصص ,, وو تحتها عبارة ايجابية ,,

جربتها والله كل ما تشوف/ي انه الاسم وتحته الكلية يعطيك داااافع ,,

وزي ما قالو الاخوات ,, نفكر انه التخصصات اللي نبغاها ما يجي بسهولة .. وباذن الله مأجورين على طلب العلم ,,

اسال الله ان ينور دروبنا ويشرح صدورنا ويوفقنا ويرضى علينا ,,

[سملّق :)]

والله يا أختي أنا أستعمل بطارية ( 12 فولت ) .. أشحن طاقتي فيها اذا ( خلصت البطارية ) !

في بعض الاعضاء ،متطورين يستعملوا الشاحن الكهرباء ماشاء الله تبارك الله .. اللهم لاحسـد .. ههههههه


أما انا باقي نظامي قديم مره ع البطارية :(


............

على فكرة : نصح ب بطاريـة ( فالكون ) فهي تدوم طويلاً ههههههههههه


وبالتوفيق ..

[سآآره الشريف]

انا عن نفسي والله بامكاني اختم الكتب
لكن للاسف وضعي ابدا ما يسمح تقفلت بوجهي من كل مكان حتى جيت بأعتذر ما قبلووو :(