تدني درجات طلاب التعليم عن بعد بسبب الايميس والسنترا

[احمد السيف]

السلام عليكم ورحمة الله وبركاته

مساكم وصبحكم الله بالخيـر والرضى والعافيـه

لكل مجتهد نصيب , من جد وجد
عبارات كانت تستخدم للنتائج قبل نظام التعليم عن بعد

والله اني تحسفت على دراستي ومذاكرتي
وطول الوقت على اعصابي ومهموم , لو جلست مع هشام ولارا ( عيالي الله يخليهم لي ويرزق من تمنى )
مع اعتبار اني رسبت , كان افضل لي من هالنتايج

ندخل بالموضوع
بعد طول مذاكره وتعب وتعدد مصادر طلب الدروس , علشان الواحد يلم بكل شي
حتى حسيت اني في بعض المواد عالم وقمت اخترع
وبعض المواد قمت ادرس اخواني اللي بالثانوي عليها من زود شربي لها
وبعدها كل شوي نفتح الاوديس واناظر بنص عين بإنتظار المؤمل
والله انه كان عندي شك 80 % إني راح اخذ 5 من 5
لكن جتنا طامه , الله يعينا

انا متأكد والله اعلم إن درجتي في بعض المواد على ورقة الاختبار لاتقل عن 95 %
ويوم نزلت النتايج تفاجئت إن الدرجه الكليه 75 %

والسبب مثل ماتشوفون , بعض الدكاتره حاط الواجبات والاختبارات بخانة ( ملفات للتحميل )






وبعض الواجبات لم يتم تصحيحها





وبنظام الاوديس أيظاً لم يتم رصد أعمال الفصل ؟ !

وأكثر الدرجات متقاربه بشكل يوحي إنها عشوائيه ؟ !

الله اعلم , كل الدكاتره نجلهم ونحترمهم
ولانظلم منهم احد

ولكن قد يواجهون مثلنا إرهاقات وتعقيدات وصعوبات في برنامج الايميس والسنترا

ملاحظه:. فيه زملاء لي انتساب كنت ادرسهم قبل الاختبارات بسبوعين ( عامل ابضاي )
وكانو كاسرين خاطري , تعب ودافعين فلوس وبالاخير ماراح يحصلون شي
لأني قيمت مستواهم قلت اقل مني بكثير
طلعو أكثر مني بكثييييييير

الله يوفقهم ويعوضنا خير

عز الله اكلناها اكله ماننساها , ونتمنى ان تتعدل في الاترام القادمه


الخلاصـــه:. ماظن يمدينا نحول انتساب .
اللي يعرف طريقه ادخل فيها انتساب يقولي ( احذف ترم مثلا او اي شي )

والا نبي نوصل صوتنا للمسؤول
انا ماعندي خلفيه عن نظام الجامعات

اللي يعرف المسؤول ويقول انا لها وحنا معه روح وكيان
وياليت من اهل جـــــــده
حتى لو انه من دفعات قبلنا , هم اللي يعرفون

نبي تغيير جذري للإيميس والسنترا , ماينفع تعديل
انظمه ارهقتنا , جابت لنا الوسواس


الله المستعان

[ashwag22Na]

مـــــــــــــــــــــــــــــــرة لاتفكر تحول انتساااااااااااااااااااااب نصيحة احنا معاناة معاناة جداااااااااااااااااااااااااااااااا

[ashwag22Na]

حاول تتواصل مادكاترة المادة بخصوص الواجبات واعمال الفصل
هدا حقك لاتسكت عليه

[Alwaleed Bin Omar]

أخوي الله يسلمك ويحفظك

حاول تكلم اساتذة المادة وتراسلهم على الايميلات يمكن تلاقي حل

موفق ان شاء الله

[Last Hope]

بالنسبة لي، يمكن دكتوره وحده نفس الشي ماكانت تصحح الواجبات وتتركها كده
الطريقة السرية في التعامل مع هذا الوضع، اننا كنا نسئلهم وقت المحاضرات
هنا تجي فائدة واحدة من بين فوائد حضور المحاضرات لايف على الهواء مباشرتاً
وهي انك ممكن تسئل اساتذة المواد وتحصل اجابة مباشرة
طبعاً كان ردها انها كانت تصحح الواجبات وتسجل الدرجات عندها في ورقة خارجيه خاصة بها ولكنها بتحسب لنا درجاتنا فيما بعد..
اذا ماكانوا اساتذتك يتبعوا نفس هالاسلوب،، -بعد ماتراسلهم بالايميل وتستفسر-فاتصل علي استاذك وكلمة عشان مايضيع تعبك سدى
واذا تروح له افضل قبل مايعدي اسبوع المراجعة يعني قبل ماينزلوا جدولك للترم الجااااي
و على فكرة! دكاترة التعليم عن بعد مدربين ع استخدام انظمة التعليم عن بعد من سنترا وايميس، وكثيرين منهم شطار، يمكن يجيك واحد او اثنين بس غير كدا..
موفق....

[عبدالله 7z]

للاسف انها حقيقه . . . في محاظرين ما يصححو الواجبات . . وفي بعظهم ما يعطي فرصه كفايه للواجب يعني ينزله يوم ويسحبه من الايميس . . . وفيهم من لا يراعي ظروفك في حال قفل النظام معاك في الاختبار الفصلي . . . وليس الكل فمنهم من يصصح وبانتظام ويعطي فرصه كافيه للواجب ويعطونا تمارين اضافيه لتعويض الدرجات الناقصه ويقدر لك اذا قفل معاك نظام الاختبار قبل ما تخلص وحصلت كثير هالحاله خصوصا مع الاختبار . . . كلمة المحاظر وما قصر نزل لنا اختبار ثاني وقال راح احسب لكم الدرجه الاعلى وفعلا ما قصر نزل اختبار ثاني وحسب لنا الاعلى . . . مشكلة رصد اعمال السنه على الاودس وهذي بعد سالفه ثانيه يعني ايش المشكله لو المحاظر ظغط على نفسه اشوي ونزل درجات اعمال السنه في الاودس عشان كل واحد يعرف حقه . . . النظام يحتاج له تطوير ويحتاج له قواني واضحه لكل من المحاظر والطالب حتى كل منا يلتزم باللي عليه . . . من المفترض انو كل واحد منا يكتب اقتراحاته والمشاكل اللي واجهته ويرسلها لمعادة التعليم عن بعد . . . وبالتوفيق للجميع

[طــاڸــبـہ ٲڷــعـلـ۾]

لا لا توواصل مع الاستااااااذ تبعك ودخل في عينه اذا انت متاكد من حلك. بـــــــــــــــــــــــــــــــــــــــــــــــــ س لاتفكر تحووول انتساااب..

وربي اكثر شي بالنسبه لنا نفعنا خصووصا في الرياضيات والانقلش والحاسب والثقافه الدرجه من 30 رفعت من معدلنا..خصوصا الرياضيات كانوا يقوولوا لنا في اشياء محذووفه وجات في الاختبار.واهو 30 نفعتنا... اما العربي كانت اكــس في الدرجات بس الحمد لله انه نجحنا...

تواصل مع الاستاذ تبعك افــــــــــــــــــــضـــــــــــــــــــــــــــ ــــــــــــــــل..

احنا بعض المواد ماكانت تنزل الدرجه تبع الواجب ولا تبان لنا..,,بس رسلتها لنا بريد بالاجمالي والتفصيل بعد..

يعني افــضل لك تتواصل مع الاستااذ..اما انك تحوول انتسااب شيل الفكره من راسك ولا تفكر فيها وربي يعانوون معااناه مررره لا..احمد ربك وتعوووضها اخوي الترم الثاني..

اما من المسؤول في جده ماعـــرف لي الاسف..بس افضلك روح لي الاستااذ لانه اظن هم ماراح يفيدونك مررره.
على فكره اذا انت متاكد من حلك 100% تقدر تراجع الجامعه وتتطلب انك تشووف اوراقك وحلك في الماده اللي تبيها..

والله يووفقك يااربــــ..

[طيب القلـب]

انا اختلف معك في اللي كتبته احنا تعليم عن بعد وفرق كبير بيننا وبين الانتساب انا معدلي 4.66 وزميلي معدله 4.86 وبعض المواد لو تشوف الايمس تحسب انها ما تصححت ولا تسجلت لكن كل دكتور عارف شغله واذا ما ساعدك ما راح يظلمك لكن ممكن تكون عندك اخطاء في الاجابة او التظليل راجع الدكتور عشان تعرف وين الخلل

[طــاڸــبـہ ٲڷــعـلـ۾]

من جد كلامك فررق كبير بينا وبين الانتساااااب...اسال الانتساااب بس عن الحااسب وش اخذوووا..واحكم..بعدها...؟؟؟!!!!!!!!

وصح كلام خيوو (طيب القلب )) امكن تظليلك فيلوا شي..رااجع والله يووووفقك...

[طيب القلـب]

طالبة علم تسلمي على مداخلتك الجميلة

كم ما شاء الله معدلك احسك دافوره