كيف نجعل من هــــــــــــذا المنتدى الأفضل ؟؟؟؟؟

[نبع الوفااء]

السلام عليكم ورحمة الله وبركاته


* ماهو المنتدى ..!!
المنتدى هو بيتك الثاني وفية اصدقائك واخوانك يشاركون معك في المعرفة وفي المزح ويزعلون لزعلك ويفرحون لفرحك

وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصداقائه بهذا الشئ

فكيفك نجعل منتدانا هو الأفضل ؟؟

الحل بسيط

* اولاً : (( تشجيع الأعضاء الجدد ))
هذي هي البداية وأنت أكيد تتذكر أول يوم جيت فية للمنتدى وكتبت موضوع وكم تمنيت يرد علية الكل ،، وبتشجيعنا للأعضاء الجدد فنحن نحثهم على الأبداع فمنهم سيخرج لنا كتاب رائعين في الأدب والشعر وكتاب متميزين في الصرقعه أو في أي مجالات آخرى
والعضو الي دايم يكون الأول في الترحيب ،، حبيب وقلبه طيب



* ثانياً : (( قبل أن تكتب أي موضوع في أي قسم معين يجب أن ترد على موضوعين اوثلاث او اكثر ))

وهذا شئ مهم جداً ،، لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الأبداع أكثر فاكثر وأنت أذا رديت على موضيعهم الكل بيرد على موضوعك إذا كان يستحق .
والعضو الي دايم يرد على المواضيع يسمى ،، محبوب الكل



* ثالثاً : (( تشجيع المواضيع التي يكتبها اصحابها ))

أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره في كل المنتديات ،، أكتب فكره أو معلومه أو انقل من كتاب او مجلة مايستحق النشر
والعضو الي دايم يكتب مواضيعه بنفسه ،، هذا نشيط ومتميز



رابعاً : (( الكلمة السحرية ))

وهي أن تكتب كلمة ( شكرا على هذا الموضوع ) كلمات قليله مراح تتعبك او تنقص من قدرك او كبريئك المزيف ،، كثير مانشوف مواضع عدد قرائها فوق السبعين او الثمانين ومن هولاء فقد يرد على صاحب الموضوع واحد او ثنين وأكثر الأحيان تجد الموضوع خالي من أي رد ..!!
يعني أنت تبي الكل يرد على موضوعك وأنت ماتكلف على عمرك وتجامل صاحب الموضوع .. اجل وشوله تشارك وتتعب عمرك
ويسمى العضو الي دايم يشارك ويحث الاعضاء على المشاركه ،، ياحبنيلك



خامساً : (( محاربة الشليلة ))

وهذا أكبر خطر يهدد أي منتدى وكثير من المنتديات هرب منها اعضائه لهذا اسبب ،، وشليلة هي أن يتفق الأعضاء ويقولون ( احنا والله شله ارتحنا لبعض ومانبي واحد جديد يخش بينا ،، والاتفاق هو ترد على موضوعي ارد على موضوعك ) ويروح فيها الضعيف ( العضو الجديد ) مايعطونه وجه لين يمل وينسحب من المنتدى ،، لا ومن زين الطبايع بعدها بفتره يقلبون على بعض ويصير كل واحد يكتب موضوع ولا يرد على الثاني ،، وخلاص انتهاء المنتدى وصار ممل والاصرف انه يتقفل.



سادساً : (( التواصل بين الأعضاء ))

التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريض او مسافر حتى أهلك مادروا عنك ،، وتجي للمنتدى ولكل مشتاقين لك ويسألون عنك ،، أكيد بتشقق من الفرحه ومحد قدك )
ويسمى العضو الي دايم يسأل عن الاعضاء ،، ياطيب القلب وينك



سابعاً : (( التقليل من المواضيع المنقولة ))

بعض الموضيع مهمه ويجب أن تنقل وتنتشر في كل المنتديات ،، لكن مسألة انك تشوف اي موضوع يعجبك وتنقله لا ويمكن يكتب عشر مواضيع في اليوم ( تخصص قص ولصق ) هذي شئ يطفش ويجب العمى ( وشوله اشترك في منتدى !! .. اجل اقراء صحيفه او مجله او اتابع الاخبار في التلفزيون اصرف )
ويسمى هذ العضو ،،، مخربها



ثامناً : (( لاتصير خفيف وثقل ))

يجيك عضو يكتب كل يوم عشر مواضيع وفي كل قسم يمحط له ست مواضيع من زود الفضاوه ،، ويالله يالله نرد على نص مواضيعه ولا نلحق .




تاسعاً : (( التقليل من المشاكل وحوادث السيارات ))

يعني ثنين مقاريد تهاوشوا وقلبوا المنتدى فوق حدر ونقسم المنتدى الى حزبين وكل واحد معه عجرا وجيب الفزعه
( ياخي بينك وبين اي عضو مشكله او رده ماعجبك او لك ملاحظة ،، ارسله على الخاص وتفاهم أنت وياه بدون مايدرون الأعضاء )
ويسمى العضو المشكلجي .


عاشراً : (( خلك ذرب ))

يجي عضو ويتعب ويكتب موضوع جاد ومهم ويتوقع ان بيرد علية ويناقشة الكل ثمن يجيك ذك العضو الي مايدري وين الله حذفه ويرد رد زي وجهه ،، الموضوع في شمال وهو يرد بالجنوب ،، ويخرب الموضوع او يقلبه تشات
( المواضيع الجاده والمهمه تحتاج الى رد جاد وبعكسها المواضيع الساخره او المصرقعه يرد عليها برد ساخر او مهبول )
ويسمى العضو الي يرد برد في جهه والموضوع في جهه .حووول.



* وأخيراً *

المنتدى ليس بعدد اعضائه ،، بل بترابط اعضائه كلأسرة الواحده وكما قال رسول الله علية افضل الصلاة وسلام (( مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى )) وقولة علية السلام (( المؤمن للمؤمن كالبنيان يشد بعضه بعضا))


عذار على الإطالة واتمنى وصول المفهوم وشكراً ....





تحياتي لكم .....
نبع الوفـــــــــــااء ...

[دلـــــــ53ـــع]

السلام عليكم ورحمة الله وبركاته
مشكوره اختي نبع الوفا على الموضوع....
والله الموضوع حلو...
وياليت اخواني الاعضا يسمعون الكلام...

[سيبويه الصغير]

السلام عليكم ورحمة الله وبركاته
هاهو المنتدى : تعريف جميل وأحب اظيف انه نوع من نقل المعلومات وطرح المواضيع ومناقشتها انتقادها انتقاد بناء وأتمنى انه يكون كذلك
تشجيع الأعضاء الجدد : الترحيب والتشجيع مهم ومن حديث الرسول صلى الله عليه وسلم (الابتسامة في وجهة أخيك المسلم صدقة)
وكل إنسان له امكانياتة في الإبداع و يحتاج من يساعدة فا المنتدى وسيلة للمساعدة في طرح الموضوع وثم عرض الآراء والاقتراحات من قبل الاعظاء والمشاركين وإبداء الرأي
قبل أن تكتب أي موضوع في أي قسم معين يجب أن ترد على موضوعين اوثلاث أو أكثر
اقتراح جيد لكن اذا حس الإنسان أنه رد على الموضوع مجرد مجاملة وغسل ماء الوجة... اعتقد لم نصل إلى النتيجة المطلوبة
بس أريد أقول وجهة نظري أن المشارك أنة يعمل لله سوف يكون التواصل أفضل من الشي الإلزامي أو المشروط
والنسخ والصق شعلة مريحة جدا جدا .
لا يوجد مانع إذا كان هناك نوع من الفكاهة أو الصور أو الاقتباس وأكيد الإنسان يتميز بقلمة ويكون له درجة أعلى بين المشاركين و الدنيا هزة اخذ وأعطى
وبالنسبة لمنتدانا نحن فاهمين وإن شاء الله نكون أفضل ونرحب با الضيوف تراحيب المطر والسيل
جميع إلي سبق تواصل معلومات .
والتواصل الاجتماعي يتردد العضو أو المشارك في التواصل بسبب بعض من التريقة والاستخفاف والتجريح ولكن يمكن هذا على الخاص وهذا واجب أن نفعلة
خفيف ثقيل فعلا الفاض يعمل قاضي
والمفروض الرد الجميل المنسق ولكن نحن في مختلف الأعمار و أكثر الشباب والشابات خجول محرج ليس لسن تنقصة الخبرة والأسلوب ولكن هنا فية تناقض أهم شي التشجيع والانتقاد البناء بس أحب اظيف انه أكيد مراح نشجع أو نتعاون مع الرد الساخر أو الشين إلي فية تجريح واستهزاء بحق الإنسان ،،،،،

[ttotti20]

السلام عليكم ورحمة الله وبركاته.....

بصراحه أختي العزيزه (نبع الوفا)صدقتي بكل شي قلتيه وأظن أنك رسمتي صوره واضحه لكل الأعضاء عن كيفيه جعل هذا المنتدى من أفضل المنتديات العربيه أن شاء الله . وكلنا نتمنى هذا الشي لأنه بيكون فخر لكل عضو معنا هنا .......

فأتنتى من كل عضو أنه يعمل بالخطوات اللي ذكرتها اختنا نبع الوفاء وصدقوني راح تحسون بالفرق اللي بيصير في المنتدى ....

أكرر شكري وتقديري لكي أختي الفاضله وتقبلي تحياتي.....

مشـــرف المـــنتدى العـــــــام
ttotti20

[نبع الوفااء]

شاكرة لكم اخواني مروركم الكريم وردودكم الرائعة
والله لا يحرمنا من طلتكم ....





تحياتي لكم ....
نبع الوفااء .....

[faith]

سابعاً : (( التقليل من المواضيع المنقولة ))

هذي شئ يطفش ويجب العمى
اعتقد انو من الامانه في كتابة موضوع منقول الاشاره لذلك مع كتابة المصدر
وانا بصراحه ماارد على مواضيع اعرف انها منقوله
نبع الوفااء ................................. فاقد الشي لايعطيه
احب اشكرك على موضوع الكسوف والخسوف في رمضان



تحياتي

[جامعي نت]

ا

ختي نبع الوفاء
*
*
*
بارك الله فيك اوخيتي نبع الحنان


وموضوعك هذه يستحق ان يكون المرشح


للجائزة الاسبوعية ... هذه وجهة نظري


وللادارة الاحقية في اختيار الافضل


شوفيني رديت على موضوعك زي ماقلتي


انتظر الردمنك على مواضيعي


امزح تريني

*

*

تحياتي

[نبع الوفااء]

faith ....
جامعي نت ...
مشكورين اخواني على ردودكم اما انت ياجامعي
صدقني تراني ارد على كل موضوع القى فيه
فايدة لنفسي ولغيري ....





تحياتي لكم ....
نبع الوفااء .....