الي خاص جدا مدير الجامعه

[طالبه عائشه]

بسم الله الرحمن الرحيم

السلام عليكم ورحمه الله وبركاتهاما بعد :

مادة لغة الإشاره في السعوديه ضعيفة لأنها مإتدرس في المدارس العاديه لذلك تعامل السعوديه ضعيف جدا ومائعرفو معنى الإعاقة السمعيه ,,، امريكا يدرسو بلغة الإشارة في الجامعة والماجستير و المستوصف و المستشفى مع وجود مترجمين 24 ساعة شيء رائع جدا ..
الحين مافية جامعات الاعاقة السمعية بالمملكة
أنا صماء ودخلت جامعه وخفت مرا لأنه مافي مترجمين واتخصصت قسم لغه عربيه وكنت أروح لرئيسه القسم عشان موضوع الترجمه وتضايقت ومشيت كيف افهم وأنا ماإسمع شي لدرجه قلت ماإبي الجامعه يعني وجودي من عدمه وكلمت ماما دكتور في قسم التربيه الخاصه وكتبنا ورقه انه نحتاج مترجمين وأعطيناها لدكتور وكانت متفهمه والحين انتهت السنه ولاحياة لمن تنادي والبنات الصم جالسين في بيوتهم وهم بأمس الحاجه للدراسه والوظايف ....
اواجه صعوبات كثيره في دراستي في الكليه من ناحية المحاضرات و اسئلة الاختبارات و المذاكره وطريقة التواصل مع الدكتورات وزميلاتي من الطالبات وايضا ما ااعانيه من ضغوط نفسيه
الاعاقه السمعيه لان هو المكان المناسب لمن هم في حالتي ووضعي وهو المكان الذي ترتاح له نفسيتي واستطيع التواصل فيه مع من هم مثلي.
الصم لا يسمعون ولا يتكلمون لذلك يصعب عليهم فهم الكلام الا اذا كان بلغة الاشارة آو وجود مترجمه , فَ عدم وجود مترجمين يؤدي الى صعوبه فهم المواد , و المترجم يتعامل مع الصم و السامعين فيعتبر نقطة الوصل بينهم ,,
و اذا لم يوجد طلبه من فئة الصم لا حاجة لوجود المترجمه فلماذا يتعامل المترجم مع السامعين دون التعامل مع الصم ؟!
انا شفت مترجمين في الجامعات السعوديه لكن للاسف بيتعاملو مع السامعين بعضهم نسيو الاشارة وبعضهم اللغة عندهم ضعيفة والله مرا خسارة ومافي مستقبل افضل انو المترجمين يتعاملو مع الصم لانهم اولى وبكدا حيكون لهم مستقبل في التعليم اوموظفين بنوك وفي المستشفيات
والله ولي التوفيق ...

تحياتي : عائشه

[دلوعةالسعودية]

الله يسرلك ويوفقك حبيبتي

[الدموع الحزينة]

يآآرب يتحقق طلبك ومنآلك انتي و كوووول اللي نفس حآآلتك

وربنآ يرفع عنكم إن شاءالله

و من كووول قلبي أتمنى جآمعتنآ و كووول جآمعآت السعودية تهتم بـ دآ الموزوع ..

تحيآآتي ..

[مجرد إنسانة!]

إن شاء الله أحد من المسؤولين في الجامعة يشوف موضوعك ويطلع بحل...لو زميلاتك الي نفس حالتك تكتبون ورقة وترسلوها للمديرممكن يفيدكم...وربي يعينكم ويوفقكم.........

[بن درع]

وعليكم السلام
احيي فيكي هالروح المتفائلة المشعة بالأمل
للاسف إن الإنسان الذي لا يعاني من مشكلات جسمية لا يشعر بهذه النعمة التي ينعم بها إلا عندما يرى أولئك الأفراد من الناس، الذين يعانون من قصور فيها
اضم صوتي معك اختي واتمني من المسؤلين توفير مترجمين لغة الاشارة في الجامعات السعودية ،،

[النور نوري]

, وعليكم السلام\ ارجوا من الله يسر امرك ويفرج همك ويجعل لك من كل ضيق فرج ومن كلهم مخرج

[نوسو]

للاسف تدريس لغة الاشاره ضعيف فالمملكه جدا
اذكر ايام الثانوي سمعت انو في دورات تعلم لغة الاشاره فمركز داون فالهيئه الملكيه بالجبيل
ولما رحت ابي اسجل قالولي لازم يكون عندكم حاله فالبيت
طبعا ماعندنا حاله فرحت بحثت عن مراكز اخرى تعلم هاللغه لاني اتمنى اتعلمها كثير
لاني صادفت كثير ناس مابيسمعو ومتقنين للغة الاشاره ولكن مالقيو احد متعلم هاللغه عشان يفهمهم ويتعامل معاهم
ولما وصلت حاليا للجامعه ودخلت التربيه الخاصه
للاسف انصدمت بعدم وجودمسار الاعاقه السمعيه

[نورا الحاوي]

صوتي معك ..

[coco chanell]

مرررة طيبة انتي

الجامعة مشغولة تتصيد في البنات وفين تخرج ومع مين دا اهم حاجة !! اما الي بتتكلمي عليه ماراح احد يطلع فيه
اهم شي سمعة البنت وفين تروح وفين تجي دا اهم شي في الحيااة ^__^

[الجوهره82]

الله يوفقك اختي وييسر لك أمرك واضم صوتي معك وحاولي تجمعين طالبات بنفس مشكلتك ووصلي صوتك للعميد وان شاء الله توصلين لحل عاجلا غير اجل.