تساؤلات عن التخصص

[أيام الفرح]

السلام عليكم ورحمة الله وبركاته
اول شئ كل عام وانتم بخير بمناسبة الشهر الفضيل
ثاني شئ حابة أنكم تساعدوني في اشياء كثير ماني فاهمتها
انا درست السنة التحضيرية وخلصت منها ونتيجة التسكين حقتي كانت كلية العلوم فرع الفيصلية
1) اول شئ أقدر أغير من كلية العلوم فرع الفيصلية إلى كلية علوم طبية تطبيقية من بداية الترم الجاي ولالا لانه بعضهم بيقولو ينفع من بداية الترم وبعضهم بيقولو بعد ماادرس ترم في الكلية اللي طلعلتي ؟ وايش شروطها ؟
2) ثاني شئ سمعت بنات بيقولو احنا نروح نحدد التخصص من العمادة ؟ ايش قصدهم بده الشئ
3)متى وقت الحذف والإضافة وكيف الطريقة ؟
اتمنى انكم تفيدووني بأسرع وقت لانه مو عارفة شئ

[ǮறooЯ]

1) اول شئ أقدر أغير من كلية العلوم فرع الفيصلية إلى كلية علوم طبية تطبيقية من بداية الترم الجاي ولالا لانه بعضهم بيقولو ينفع من بداية الترم وبعضهم بيقولو بعد ماادرس ترم في الكلية اللي طلعلتي ؟

تتيح جامعة الملك عبدالعزيز للطلاب والطالبات فرصة التحويل بين الكليات
حسب الشروط الخاصة بكل كلية محول اليها وذلك بعد مرور فصلين دراسيين في الكلية المحول منها.

>>>> يعني بعد سنة

بس انتي حاولي تروحي من اول يوم في الدوام او الاسبوع اللي قبل الدوام
وروحي العمادة وان شاء الله يجيكي تحويل بسرعه وما تنتظري سنة

وأيش شروطها؟

أولاً: شروط التحويل بين الكليات (عام)

أجتياز جميع متطلبات السنة التحضيرية الأولى بنجاح.
الأفضلية للمعدل النسبي الأعلى وحسب الطاقة الاستيعابية للكلية.

ثانياً: شروط خاصة بالتحويل الى كلية الهندسة

أجتياز جميع متطلبات السنة الأولى بنجاح.
الحصول على تقديرجيدجداً (80) بحد أدنى في جميع المواد التالية إنجليزي ( Elcs102 - Elcs101 ) - رياضيات - فيزياء.
الأفضلية للمعدل النسبي الأعلى و حسب الطاقة الاستيعابية للكلية .

ثالثاً: شروط خاصة بالتحويل إلى الكليات الصحية (كليات الطب،طب الاسنان أو الصيدلة)

أجتياز جميع متطلبات السنة التحضيرية الأولى بنجاح.
الحصول على تقدير جيدجداً مرتفع (+B) بحد أدنى في جميع المواد التالية إنجليزي ( Elcs102 - Elcs101 ) -أحياء - كيمياء - فيزياء.
الأفضلية للمعدل النسبي الأعلى وحسب الطاقة الاستيعابية للكلية.

رابعاً: شروط خاصة بالتحويل من كلية لأخرى (طلاب الانتساب)

أن يكون مستوفياً لشروط القبول في الكلية المحول اليها.
أن يكون التحويل لمرة واحدة فقط.
أن لا يكون قد درس في الكلية الحالية ما يزيد على نصف متطلبات التخرج.

خامساً: آلية التحويل

يتقدم الطالب بتعبئة الطلب على الانترنت.
متابعة الطلب حسب المواعيد الموضحة في تذكرة المراجعة.

>>>> يفتح طلب التحويل من الكليات في تاريخ 3/1/1434 الى 3/2/1434
عن طريق الاوديس

هذا الرابط حق التحويل
http://admission.kau.edu.sa/AccessPa...=AR&SYS_ID=124

....

2) ثاني شئ سمعت بنات بيقولو احنا نروح نحدد التخصص من العمادة ؟ ايش قصدهم بده الشئ

بعد ماتتسكني في الكلية .. ترتبي التخصصات اللي تبغيها
كل هذا عن طريق الاوديس
بعض المرات يكون في مشكلة وماتقدري تختاري التخصص
فلازم تروحي الكلية اول يوم في الدوام عشان تختاري التخصص

..

3)متى وقت الحذف والإضافة وكيف الطريقة ؟

دايما يكون في الاسبوع اللي قبل الدوام
يعني تقريبا من 9 شوال او حولها يبدأ الحذف والاضافة
عن طريق الاوديس
ذاك الوقت حتلاقي المنتدى كلها مليان مواضيع عن طريقه الحذف والاضافة
:)


...

اتمنى اكون أفدتك ووصلت المعلومة بسهوله :)

[شناشن]

نحن بنات العام اللي انقبلنا في الفيصليه
اخترنا التخصص من الشوون مانزل لنا في الاودس

[أيام الفرح]

شكر أخ عمور
بالعكس كانت المعلومات واضحة

بس كمان عندي اسئلة اللي يعرف يقولي وربي يجعلها في موزاين حسناته يارب
دحين لما احول من كلية لكلية ثانية لازم تكون تقبل موزونتي للسنة التحضيرية ولا معدلي لسنة الاولى في الكلية اللي بحول منها
لانه في بعضهم بيقولو اذا شديت حيلي وجبت معدل عالي في دي السنة يحولولني لاي كلية ابغاها
وغير كده متى تتجدد بطاقة الجامعة والصراف؟
وشكرا لكم

[أيام الفرح]

120 مشاهدة وإلى الان ولارد
بليز ساعدوني

[شناشن]

أفاديك الاخ اللى فوق جزاء الله خير ^^