امثال حضرميه >>>>فديتنا

[حنين الحب]

السلام عليكم

لكم وحشه

من زمان ما نزلت موضوع وهدية الايام جالسه مع عجايزنا فنزلتكم شي من الي اخدتو اغلبها نقولها دايما في حياتنا




امثال حضرمية قديمة ولكنها فيها شي من الحكمة ..

1-- عورا وشارفه من الخلفه
يقال على الذي يتفاضل على شي وهو مايعرفه


2-- بغيت الاعور يناوسنا فرقز عيونه وفزعنا
يقال على الانسان الي تسعين بيه في الاخير يخذلك


3-- اكسح ويرزح
يقال للانسان الضعيف ويسوي قوي


4-- كل قرصك ودخل خلصك
يعني خليك طيب


5-- سالمين كل تمر
يقال اذا فيه موضوع سر ويبغا كتمان


6-- من امه في الدار قرصه حار
يقال للانسان المحبوب من قبل احد في مكان معين


7-- برزت البدوي على حمل شخر
برزه = كلمة راس$ والشخر حطب << يقال للي ماعنده سالفه

8-- صوير وعوير والتالي مافيه خير
يقال للي يطلعون كلهم اغبياء

9-- ماشي كما التمر في الدار
يقال للشي الي ماتستغني عنه

10-- ماشفت من الكبش الا ذيله
يقال للي ماعرف شي عن امر الا القليل منه

11-- لاكذك رايح كثر في الفضايح
نقوله للي اخر تعامله سيئ

12-- كذها فضيله على المسكين لابرح ثيابه غيمة
يقال للي حضه سيئ

13-- ماحد يروي البدوي طريق بيته
يقال للانسان الي مايفهم وكل شويه يجيك في أي وقت

14 -- ماحد يلقي سقايه واهل بيته ضماء
يقال للذي يسوي فيها غني وهو تعبااان

15-- لاتنفخ في قربه مشعوقه
يقال للغبي الي مايفهم

16-- قربعه في تنك
قربعه = طقطقه $ والتنك علبة الحديد الفارغه ويقال للي يقول بسوي ولا يسوي شي حق كلام بس

17-- من شاور ماقتل
يقال للانسان المتردد في اموره

18-- لاتحارش الطين يامسكين
يقال للي يسوي مشروع وراس ماله محدود

19-- قايس عشر مرات وقطع مره
يقال لاي انسان يبي يسوي يفكر قبل لايندم

20-- جحمه وتطلع في الملس
الجحمه هي الخنفسه تقريبا والملس البويه * يقال للي يسوي فاهم وهو مايعرف شي

21-- جاك شاعر من مدوده
مدوده قريه في حضرموت بجانب سيؤن وتمتاز بكثرة الشعار يقال للي يحشر نفسه في موضوع ولايدري عنه ( باختصار يقال للملاقيف )

22-- صقر او عفندش
يقال عند سؤالنا عن خبر صار او ماصار

23-- دفرنا وكذنا بغيت المسقط
يقال عند حصولنا على ادنى عذر لاجل نوصل لمرادنا

24-- الحصاه من القاع والدم من كورك
الحصاه الحجره $ كورك راسك هذه التفسير للاخوان الي ماهم حضارم
يقال للي يبي يسوي شي وغيره مو مقتنع فيه ولاقدر يقنعه

25-- هدنا وبكى وسبقنا واشتكى
هدنا يعني ضربنا يقال للي يسوي شي ويروح يبلغ ويسوي روحه بري

[حلاي من حلى روحي]

وعليكم السلام ورحمة الله وبركاته
يعطيك العافيه
بعضها فهمتها من خلال احتكاكنا فيهم وبعضها جديده علي:)
شكرا لك..~

[آنسه ملعقه]

ههههههههههه حلووه شكراا

[roo7 aboha]

يعطيك العافية
امثال حلوة ومعانيها جميلة
شكرا لك

[i am ambitious]

مصطلحاتكم مرره غريبه مافهمت شي

[شهد علي]

<مافهمت شي منها
ياويلي ويلاهه غريبه علي<فيس مفجوع +جاحظ العينين <ههههه
تقبلي مروري
(^

[شموخ كبريآئي]

وعليكم آلسلآم ورحمة آلله وبركآته ~..

ههههههههه ،، شي فهمتو وقريب من كلآمنـآ وشي لآ آول مررهـ آشوفو :)

يعطيكـِ آلعـآفية ..

[حنين الحب]

اسعدني تواجدكم في موضوعي وردودكم

والي مافهمتو قولولي وانا اشرح لكم

[picasso]

ههههه اخر مثل هو الوحيد الي اعرفه $
يعطيك العافيه , ودي

[خاتم سولتير]

وعليكم السلام ورحمة الله

احب أضيف هذا المثلين :
لاشي شمس كان من أمس (يعني لوشخص أظهر الندم وهو كاذب )
شُم العضا شُمها البنت بنت أمها (العضا شجرة في حضرموت لا رائحه لها)

وفي الاخير أحب أقول ماشي كمانا خبوا الخلق قفانا