درجة متدنية في التقنية في العلاقات ما الحل ؟

[وكيع]

السلام عليكم

مادة التقنية في العلاقات حصلت على درجة 68

رغم ان المادة سهله ومتاكد من اجاباتي

رايكم وش الحل اروح للجامعة ولا اقدم معاملة الكترونية

خصوصا اني من سكان الشرقية ًًً.

ياليت احد يفيدني

[سعود أبو سليمان]

وعليكم السلام

رأيي يا اخ وكيع .. بما انك تجاوزت المادة .. نجحت ..
الحمد لله على كل حال .
والف مبروك .

وايضاً خذ رقم الدكتور حق المادة وكلمه يمكن يفيدك بشيء .

لكن الف مبروك انك تجاوزت المادة ..




الحمد لله على كل حال حتى انا تجاوزتها ولله الحمد .
اهم شي اني ما اتعثر في المادة .. في رأيي الشخصي.



تمنياتي للجميع النجاح والتوفيق.

[وكيع]

المشكلة يالغالي ان معدلي انخفض بسبب هالمادة وانا جالس احاول ارفع المعدل

عشان اتخرج ب جيدجدا بدل جيد لانك مثل ماتعرف اغلب الجامعات ترفض تقدير جيد لمواصلة

الدراسات العليا وانا ناوي اكمل ماستر لو الله يسر .

وبعدين من الظلم تكون متاكد من مستواك وتتفاجأ انك ماخذ تقدير مقبول


شاكر مرورك يالغالي والله يوفقك

[سمو الحرف]

السلام عليكم

اخوي انا اعاني من نفس المشكله

اسوء درجه اخذتها في قسم الاعلام هي درجة مادة التقنية في العلاقات العامة

66 وهي كارثة بالنسبة لي

انا في الدمام وصعب اني اراجع ورقتي لكن فيه رب ما تنام عينه

والله لا ادعي عليه هذا الدكتور في ظلمات الليل .. ان كان ظلمني فأسأل الله ان ياخذ حقي منه وان يبتليه في نفسه واهله وماله

لان الظلم ظلمات يوم القيامة

وان كان ساعدني في هذه المادة فاسأل الله العلي القدير ان يسهل امره ويرزقه من حيث لا يحتسب

ولكن كونها الدرجه الاسوأ وكونها آخر مادة ترصد فهذا يوحي بأن هناك تلاعب

[وكيع]

اخوي سمو الحرف

انا من خلال بحثي في المنتدى لقيت الزملاء في السنة الماضية يشتكون من نفس المشكلة

وتدني درجاتهم في هالمادة مع انها سهله ما يبي لها

لكن بصراحة انا صرت على يقين ان بعض المواد ما تصحح ووترصد الدرجات بالبركة

والله اعلم

عموما انا راسلت استاذ المادة وما رد وناوي استمر في التواصل لين الاقي حل


الله يوفقك يالغالي

[ظافرالعاطفي]

ياخي انت متاكد من اجابتك الماده سهله وحصلت على درجة ولله الحمد فوق 96 كذلك زملائي في نفس المادة علما بانني لست دافور

[وكيع]

والله يا اخوي ظافر راجعت اسئلة الاختبار اكثر من مره والمادة استعديت لها بشكل

جيد وكنت متوقع درجة فوق 90 لكن انصدمت بشكل ما تتخيله من الدرجة اللي اخذتها

انا متاكد ان فيه خطأ في الموضوع لكن مدري وش الحل والجامعة من المستحيل يردون عليك

لكن الشكوى لله وعسى نلاقي حل

[محمد اليامي.]

بالنسبة لي يالغالي
في المتسوى الثاني حصلت في ماده الاتصال على 72 وانا متاكد من حلي ,, وبعد تقريبا اسبوعين تم تعديل الدرجه واعطوني 92
مع العلم إني ما راجعتهم أبدا

الله يوفقكم حالو تراجعهم

[وكيع]

المشاركة الأصلية كتبت بواسطة محمد اليامي. بالنسبة لي يالغالي في المتسوى الثاني حصلت في ماده الاتصال على 72 وانا متاكد من حلي ,, وبعد تقريبا اسبوعين تم تعديل الدرجه واعطوني 92 مع العلم إني ما راجعتهم أبدا الله يوفقكم حالو تراجعهم

الله يسمع منك يالغالي المشكلة ماتدري تراجع مين خصوصا اني من خارج جدة

بس ربك يحلها ان شاء الله

[محمد اليامي.]

المشاركة الأصلية كتبت بواسطة وكيع الله يسمع منك يالغالي المشكلة ماتدري تراجع مين خصوصا اني من خارج جدة بس ربك يحلها ان شاء الله

ان شاء الله ربك يحلها وتنفرج

الله يريح بالك