هل أدخل كلية الحاسبات أو هندسةحاسبات ! أفيدو اختكم المسلمة =)

[بعيوني حكاية]

حابة أسأأل بما أنو التسسسكين فتح وبدأو الناس يختارو تخصصصاتهم وكذا وانا لسا م اخترت كله من الحيرة كيف ارتب الــ 17 رغبة =)

المهم سؤالي هوا هل أفضل أن تدخل كلية الحاسبات أو كلية الهندسة قسم هندسة حاسبات من ناحية الدراسة والمستقبل الوظيفي ؟

ارجو اإفادتي بكل ما في جعبتكمم معلومات في محيط سؤالي =(

[Z8rRt]

منورة أختنا المسلمة , :d
وصُفيّ مع أخوانك المسلمين اللي ينتظرون إجابات مثل أسئلتك من أسابيع :d

صراحة جداً مستغرب إن مافيه تفاعل بهالقسم ، أو على الأقل نحصل أجوبة لأسئلتنا

لكن الله يعين , ومازلنا ننتظر إجابات تفيدنا

[هاني انتبهلي]

هذا رد لي على موضوع مشابه واللي يسئل (((ولد)))



شوف بأشرحلك بإسلوبي وكلامي صحيح مليون بالمية لكن ما أعرف أشرحه بأسلوب علمي


هندسة الحاسب
تخصص يهتم بالهاردوير أكثر من تخصصات الحاسب الأخرى
يعني يصنعوا كمبيوترات (مو بس لاب توبات حتى كمبيوتر الغسالة وكمبيوتر السيارة اللي يصنعه مهندسيين حاسب )
((خريج هذا التخصص يقدر يصنع كبيموتر ويقدر يبرمجه حتى يشتغل )) لكن ماينافس بالبرمجة خريجي علوم الحاسب


علوم الحاسب
التخصص هذا يهتم بالبرمجة يعني عبارة عن برمجة x برمجة
(( يصنعوا برامج وبما أنهم صنعوها فهم قادرين يسوولها صيانة ))
(( لو تدخل علوم حاسب ويكتب لك الله تكمل ماجستير تقدر تدرس تخصصات الـ it
لكن الـit مايقدر يدرس تخصصات علوم الحاسب ))



تقنية المعلومات
خريجي هذا التتخصص يهتموا بإستخدام البرامج الجاهزة وصيانة الأجهزة ويصنعوا برامج خفيفة بما إنهم درسوا برمجة على خفيف



لاتدخل هندسة حاسب لأنك بتضيع وقتك بمواد هاردوير وماراح تستخدمها بحياتك نهائياً
الأفضل تدخل علوم حاسب لأن مواد الهاردوير راح تكون برمجة وراح تتعمق فيها وهذا هو المطلوب بسوق العمل سواءً حكومي أو خاص
تقنية المعلومات تخصص كويس لكن مو أفضل من علوم الحاسب


بس لقيت المثال الأليم اللي يضرب بالصميم
الأدبي والعلمي بالثانوية
الأدبي it (يدرس نحو وأدب ومواد إسلامية )
العلميCs علوم الحاسب (يدرس نحو وأدب ومواد إسلامية ورياضيات وفيزياء وكيمياء وأحياء)
الرياضيات والفيزياء والكيمياء والأحياء (هي البرمجة اللي تتميز فيها علوم الحاسب )

صحيح العلمي أصعب من الأدبي شويتين لكن العلمي يأهلك تنافس على تخصصات الجامعة كلها


أنا طالب سنة تحضيرية زيك وتعبت أيام وأيام على ماحصلت هذي المعلومات وحبيت أفيدك فيها

ردي طووووووويل لكن ماراح أمسح منه حرف واحد
وأي سوؤال أنا بالخدمة

وبالتوفيق : )

[هاني انتبهلي]

أغلب خريجي هندسة الحاسب يتوظفوا بوظايف لعلوم الحاسب
(( مبرمج ، مبرمج قواعد بيانات ، مسؤول أمن معلومات ..))
وهذا رابط وظايف لبنك التسليف
http://www.scsb.gov.sa/e-service/employment/jobs.aspx

نصيحة استبعدي هندسة الحاسب استبعاد كلي
صحيح الهندسة لها رنة بالإذن بس تتخرجي وصعب جداً تحصلي وظيفة بما إنك بنت
وإذا توظفتي راح تتوظفي بمجال علوم الحاسب (( اللي هو برمجة وماراح تشتغلي بالهاردوير ))
فريحي نفسك من البداية وأدخلي كلية الحاسب


لو تقولي طيب دخلت حاسب
أختار علوم حاسب ولا تقنية معلومات
أقولك أدخلي تقنية معلومات !! << في ردي اللي قبل نصحت واحد من الشباب بعلوم الحاسب

غالباً البرامج تجي جاهزة من أقسام الرجال بالشركات والوزارات ... الخ
فعشان كذا يطلبوا علوم حاسب للبرمجة
(( أتوقع لاحظتي هذا الشي برابط الوظايف اللي فوق ))

لكن أقسام النساء ماعليهم إلا إنهم يعرفوا لإستخدام البرنامج وصاينته بحالة الأعطال وكذا
وهذا هو شغل تقنية المعلومات


كل اللي عندي نزلته بالردين هذي هع

بالتوفيق : )