هل القبول في كلية الاداره والاقتصاد للانتظام فقط ؟

[M.H.M.D]

السلام عليكم

حبيت استفسر عن القبول في الكليه عشان اخوي يبا يدرس في كلية الاداره والاقتصاد

بيقدم في الجامعه الحين وان شاء الله ينقبل ويعدي التحضيري بس انه متخوف من الانجليزي وان كل مواد التحضيري بالانجليزي وعشان كذا يبا يقدم ع الاداري

فحبيت استفسر هل يقدر يسجل في الكليه وهو في الاداري ولا ما فيه امكانيه ؟

وللعلم ما عندنا فيتامين (و)

[باور هورس]

سؤالك مو واضح وما فهمت أش تقصد لكن بشكل عام

لطلاب الانتظام

في كلية الاقتصاد والإدارة عدة اقسام منها ما يتطلب أن يكون مسار الطالب في السنة التحضيرية علمي فقط ومنها ماهو متاح للعلمي والإداري

الأقسام المتاحة للعلمي فقط
هي ستة اقسام تندرج تحت برنامج يسمى البكالوريوس العام وهي
إدارة اعمال
إدارة الموارد البشرية
تمويل
تسويق
نظم معلومات إدارية
محاسبة

الأقسام المتاحة العلمي والإداري
إدارة عامة
اقتصاد
علوم سياسية
إدارة خدمات صحية ومستشفيات >> وهذا القسم سمعت انها رح يضم للعلمي


لطلاب الانتساب
التحضيري طبعا اداري
التخصصات المتاحة لهم في الاقتصاد والإدارة

إدارة عامة
علوم إدارية


ملاحظة / التخصصات العلمية تدرس باللغة الانجليزية باستثناء المواد العامة والحرة ومواد القانون ومواد المحاسبة التخصصية أما النظرية بالعربي باستثناء مواد اللغة الانجليزية في السنة التحضيرية


بالتوفيق

[girl.k.s.a]

ما شاء الله رد وافي من أخونا باورهورس =)

بس نصيحتي لأخوك إنو يحاول يدخل علمي في التحضيري لأنو الانقلش كان عائق لنا كلنا
بس دحين الحمدلله خلاص أتعدينا مرحلة الخوف واتعودنا

لأنو مستقبل الادبي مرااااااااا مو تمام ، كل شي صاير بالانقلش في هادي الأيام
حرام يضيع سنوات دراستو وما يستفيد عشان الانقلش =(

وحتى لو دخل أدبي وخلص إن شاء الله ما راح يدخل ماستر إلا بالانقلش

يعني يصبر ويشد حيلو ويدخل قسم كويس أفضل لمستقبلو =)

ربي يوفقو ويسهل أمورو كلها

[M.H.M.D]

مشكوورين جميعاً ع الرد

اديت اخوي رابط الموضوع والحمد لله انه اقتنع يقدم علمي

بالتوفيق في الاختبارات النهائيه

[اوراق ملونة]

بس حبيت اضيف هو افضل العلمي طبعا لاكن لو دخل ادبي في احتمال انه يدخل تخصص علمي في الكلية بس شرط يكون معدلو فوق الاربعه بالاضافة يدرس مع التخصص يا كيميا او فيزيا
لاكن الافضل يسئل عند الشؤون انه ممكن او لا
لان من سنة ونص كان هذا النظام موجود واعرف ادبي دخلو تخصصات علمية ماشاء الله بهذه الشروط لاكن يمكن الان اتغير فالافضل تسألو برضو . والله يكتبله اللي فيه الخير

[girl.k.s.a]

^

ما صدقنا الولد يقتنع

------


هادا الكلام كان لأول وتاني دفعة بس يعني من دفعة 12 وما بعد مآآآفي