سؤال ! :)

[khalid1992715]

السلام عليكم .. ياجماعه انا طالب تحضيرري.. عندي سؤال .. دحين لما انتو قدنا كنتوا تتوقعوا انو النسب تكون اكثر من نسب اللي فاتت و تقولو العياال دي السنه "مررره دوافير " و نسبه الطب حترتفع لفوق ؟ طيب .. سوال ثاني كمان انا لاحظت انو الطب للاولاد السنوات اللي فاتت ماختلفت النسب .. ماعدا 2011 طلعت 92 اقل شي .والموازي كل سنه يوقف ع 83-84 بالكثير !! يعني تتوقعوا دي السنه احتماااال مثالا تصير نسب الاولاد زي البنات ؟ ياجماعه طمنوني .. الله يخليكم :) .. شكرا..

[بشائر الفرح =)]

حياك الله ,

أخي الكريم , بداية أسال الله أن يحقق لك ما تتمنى وأكثر

أما بالنسبة لنسب القبول ف الكليه .. فالمعروف إنها تزايد كل سنه .. لإن غالباً كل دفعه بتكون ممهده الطريق للي بعدها والتحضيري كل مالها بتسهل وتتضح معالمها بشكل أكبر, أبداً مو زي الدفع الأولى اللي تتطبق عليها نظام التحضيري .. كان الموضوع أصعب وبالتالي نسبهم تعتبر مرتفعه ف وقتهم !!

بشكل عام , طالما نسبتك أعلى من آخر شيء إنقبل السنه الماضيه سوا إنتظام أو موازي ف يعتبر مؤشر جيد ومريح .. ممكن الرغبه ف القسم تقل ف بالتالي تنزل النسب كله ممكن سواء الطلاب أو الطالبات ..

وكله " وهذا أهم شيء " تقدير وخيره من رب العالمين
إذا الله كاتب لك ب تدخل وإذا الله مو كاتب معناه الخير ف قسم آخر ..

عارفه كلامي عام جدا .. وإنتوا متوترين بس كذا أحسن من التوقعات اللي ممكن تصيب أو تخيب وبالتالي توتركم زياده :)

الله يوفقكم كلكم يارب

[محمد الداود]

وعليكم السلام ..
شغل دفعتنا دافوورة كللل سنة ينقال وكل سنة يتوقعوا أنها تزيد وكداا.. حاجة طبيعية

شوف الشي الوحيد اللي ممكن أقلك إياه!
وأي أحد يقلك إياه

وكل أمررررررك لله ..
مستحيل أحد يقلك أنها زادت أو نقصت!
أو حتى *يتوقع* لأنه في النهاية ، توقع يعني *كلام ماله فايدة*
إلا لو كان واحد مسؤول عن التسكين والأشياء دي من العمادة!!

بالتوفيق والله يفتح عليك :))