التغذية الإكلينيكية

[آنــ PINK ــسة]

بسم الله الرحمن الرحيم

انا طالبة بالصف الثالث ثانوي بالمسار العلمي

أود الاستفسار من طالبات التغذية الاكلينيكية عن طبيعة دراستهم و عن محتويات موادهم للسنة الأولى ( الكيمياء و الفزيزياء و الأحياء ) لأني ادرس بمدرسة مطوره و قد اخبرونا ان مناهجنا تشابه مناهج السنة الأولى من كلية العلوم الطبية
كما أود معرفة الفرق بين طالبة التغذية بكلية الاقتصاد المنزلي و طالبة التغذية بكلية العلوم الطبية
ارجو افادتي ايضا عن مجالات العمل وعن سلبيات و ايجابيات القسم والأهم من ذلك هل هناك اختلاط أثناء فترة الدراسة أو لا

علما بأنني ارغب كثير بهذا القسم واتمنى من الله ان يوفقني لانهاء دراستي الثانوية و القبول بجامعة الملك عبدالعزيز رحمه الله



اختكم
آنــ pink ــسة

[((المتميزة))]

للرفع

[Queen of Sense]

موضـــوع نــآيس

وانا كمآآن عنــدي نفس الاســئله

فيــآليت تجاوبوناآ بلـــيز

[عزة نفسي_تكفيني]

اممممممممم

انا تغذية اقتصاد منزلي دااخله لقافه هنا ^_^

اللي اعرفه انه تغذية الاقتصاد يتخرجوا فنيات وتغذية العلوم الطبيه يتخرجوا أخصائيات

وان التغذية في العلوم الطبيه بيدرسوا الانجليزي بشكل مكثف اكثر مننا واتوقع موادهم أغلبها بالإنجليزي

وبالنسبه للإختلاط مافي اختلاط في الدرااسه الا فترة التدريب بالمستشفى فقط

وتوكلي على ربكـ واستخيري واتأكدي انه القسم اللي يقدرهـ الله لكـِ هو الخير

وان شاءالله الاعضاء اللي تخصصهم تغذية في كلية العلوم يفيدوكـِ أكثر

ماحبيت أدخل من غير مااأرد عليكـِ ان شاءالله أفدتكـ ولو بشكل بسيط

بالتوفيق

مودتي

[آنــ PINK ــسة]

مررررررررررررره شكرا عالرد يا اختي عزة نفسي تكفيني

ما قصرتي

[mzat kau]

اهلين انسه بينك ماقصرت معاكي عزة نفسي ماشاالله
الاختلاط مافي الا يالسنه الخامسه اللي هيا تدريب المستشفى
الفرق انو من كليه العلوم التطبيقيه تتخرجي اخصائيه المسمى يعتبر افضل وراتبو اكتر
شوفي محتويات المواد ماقدر افيدك فيها بس انا درست السنه الاولى التحضيري وهيا نفس الثنوي تمااااااامااااااا بس ان انجليش
وعن مجالات العمل تقدري تفتحي مركز خاص بيكي للدايت او تشتغلي في المستشفى اخصائيه تغذيه او تشتغلي مشرفه على غذاء المرضى يعني انتي تعطيهم الاكل كل واحد والمناسب لمرضو
سلبياتو والله ماعندي فكرة لكن يعني انو كتير يقولو انو مو مطلوب لكن انا ماقتنع بدي الفكرة فكل شي مطلوب بالخبرة والمهارة ايجابياتو انو ممتع وتستفيدي وتفيدي غيرك كمان ويعني تعرفي الاكل الصحي من اللي مو صحي وبس هادا من وجهه نظري ^-^ بالتووفيييق ان شا الله ليا وليكي :)

[unbreakable g!rl]

اممممم .. me too

والله مررره نفسي ادخلو ومره ثانكس للعسولتين اللي افادونا بمعلوماتهم

وياريييييت ..أي احد دخل يفيدنا ونشوف كيف القسم !

والله يسعدكم ويحلي ايامكم ..

[تواصل/1]

حبايبي ياليت تردو على استفساري ؟
هل لتخصص تغذية اكلينيكية مستقبل في التوظيف ولالا ياليت تردو علي
تحياتي

[تواصل/1]

ياحلوين ليش ماتردوا علي ردوايلا بلييييييييييييز

[miss me]

أهلين أختي تواصل
تخصص التغذية مررره ممتع و مجالاتو مرررره واسعه و مطلوب وانا اقولك ليش
لأنو التخصص دا مهو في الا في جامعه الملك عبدالعزيز والملك سعود و خريجات عبدالعزيز حيكونو مطلوبين أكتر لأنو مافي غير بنات غير عن الملك سعود في اولاد و بنات
تاني شي ممكن تجيبي معدل و تشتغلي معيده في الجامعه و يبتعثوكي و ممكن في المستشفيات و ممكن في اي نادي صحي و رواتبها لا تقل عن 6000 او 7000 و طبعا مع الخبره يزيد الراتب بس هذا اللي اعرفو انا ان شاءالله حتخصص فيه لأانو من جد لمن قرأت كتب عن التغذيه جداااااا حبيتو و حسيتو واااااااسع وفي نفس الوقت ممتع
الله يوفقك و شدي حيلك عشان تقدري تدخلي اللي تبغيه =)