إختبار الكفايات .. الله يصبرنا بس

[najmah]

السلام عليكم ورحمة الله وبركاته,,

أنا حصلت ولله الحمد على منحة ماستر إدارة أعمال وأنقبلت وكل شيء باقي شرط اللغة .. إختبرت في شهر 4 وكانت درجتي 375 من 400 وللأسف ما أنقبلت .. سجلت في هذا الإمتحان وتعبت وشديت حيلي أكثر من الإمتحان الماضي وللأسف كالعادة الوقت مايكفي والقاعة برد يعني ما أدري المراقبات مايحسوو ولا ايش بجد اترفع ضغطي وضاعت أفكاري وتوترت من البرد هذا .. وكمان القطع الكثيرة اللي ماتخلص هذا غير التضليل اللي المفروض يعطونا ع الأقل 5 ولا 10 دقايق نشيك ع التضليل نهاية الإختبار ..

مشكلتي القسم الأخير .. لضيق الوقت اللي أخذته القطع معاي حاولت إني أكمل باقي الحل وأعمل إشارة ع الإجابة تضليل خفيف وأرجع لها بعد الامتحان بسرعه .. أنا كملت باقي الإجابات وأبغا أرجع أعدل التضليل وأضلل الدائرة كاملة الا ألاقي الوقت إنتهى والمراقبة قدامي ماكان فيها ذرة رحمه .. مارضت تعطيني ولا دقيقه وحده حتى أعيد عليها بجد إنقهرت كنت شوي وأبكي من القهر وأقول لها كملي من الصف وارجعي لي مارضت آآآه بس .. الحين ما أدري راح تتصحح كمبيوتر الاجابات ولا بجد ماتشاف ويروح كل تعبي والله بأتحطم من جد ..؟؟

ثاني سؤال لو لاسمح الله وماجبت معدل أعلى .. أقدر أغير تخصصي مثلا إدارة عامة ولا إقتصاد ولا ماينفع عشان بس أعدي شرط اللغة وما أخسر المنحة ولا ما يمديني ..
أرجوا منكم الإفادة وبالنسبة لمركز قياس ياليت تتطلعوا على تجاربنا وشكاوينا وتغيروا شوي من الإختبار والقاعة مو معقوله كل سنة راح تتكرر نفس المعاناة ؟؟؟؟؟؟؟؟؟

وبالأخير .. الحمدلله على كل حال الله ينجحنا ولا يضيع تعب أحد ولا تنسوني من الدعاء ..

[white rose]

وعليكم السلام ورحمة الله وبركاته

اختي الله يعوضك خير ما فيه ذاك التنظيم معك حق

والوقت يعدي بسرعة لان القطع نوعا ما طويلة وتحتاج قراية

وبإذن الله تاخذين الدرجة العالية اللي تسر قلبك وتطمن بالك ما عندي خلفية عن سؤالك للاسف بس حبيت ادعيلك بالخير

الله يوفقك ويتمم لك منحتك وتكملي دراستك :-)

[najmah]

الله يسعدك يارب .. شكراً لك ياغالية يكفيني ردك ..

الله يوفقنا كلنا وكل واحد مايآخذ الا اللي ربي كاتبه ..

الله يسهل :)

[علاصيه]

المشاركة الأصلية كتبت بواسطة najmah والقاعة برد يعني ما أدري المراقبات مايحسوو ولا ايش بجد اترفع ضغطي وضاعت أفكاري وتوترت من البرد هذا .. وكمان القطع الكثيرة

كأنك تحكي معاناتي ، حسبي الله ونعم الوكيل :(

[najmah]

للأسف طلعت الدرجة 349 واللي قبلها كانت 375 .. حسبي الله ونعم الوكيل والله إني زعلت وتعبي كله راح الحمدلله على كل حال ..

بس الحين مدري وش أسوي متى أروح الجامعة هم مداومين ولا لا .. متى أروح لهم عشان أأجل فصل دراسي لحد ما أختبر مره ثالثة :( ..؟؟ ياليت تفيدوني والله يوفقنا إن شاء الله

[سمو العلم]

المشاركة الأصلية كتبت بواسطة najmah للأسف طلعت الدرجة 349 واللي قبلها كانت 375 .. حسبي الله ونعم الوكيل والله إني زعلت وتعبي كله راح الحمدلله على كل حال .. بس الحين مدري وش أسوي متى أروح الجامعة هم مداومين ولا لا .. متى أروح لهم عشان أأجل فصل دراسي لحد ما أختبر مره ثالثة :( ..؟؟ ياليت تفيدوني والله يوفقنا إن شاء الله

الله يعوضك خير منها ..

تأجيل القبول إلكتروني ما يحتاج تروحي الجامعة ..

من معاملة طالب الدراسات العليا >> اختاري تأجيل قبول فصل دراسي

وفقك الله

[najmah]

آمييييييييييييين يارب ... أنا أنقبلت ضمن منح أبناء الدبلوماسيين

طيب يصير أأجل وأنا حتى لسى ما أستلمت بطاقة ماعندي حتى ملف في بوابة القبول مافتحت .. لأن كل الإجراءات حقي عن طريق المراسلات بين الجامعة والتعليم العالي السعودي

فما أعرف يحتاج أروح لهم ولا عن طريق موقع الجامعة وخلاص ؟