بحوث العمليات ... انا هون ارشاد مو هيك

[banker2008]

مراحب .. شباب
بالله عليكم ويش رايكم في اسئلة بحوث العمليات .. اللي يقول سهلة ترى انا معاه .. بس والله حرام على الدكتور كاسر واللي يسويه في طلاب الانتساب .. بس فالح يقول : انا هون ارشاد مو هيك وارجعو للكتاب ... عاد والله من زين الكتاب اللي تقراه وماتفهم شي!!
بالله عليكم هذه اسئلة انتساب ويبغانا نحلها في ساعة ونص ؟؟
كان من الاولى انه جاب الاسئلة وخلانا نحلها من غير الاختيارات اللي مالها داعي (بس مضيعة للوقت وللعيون اللي انلوحت) .. وعلى الاقل كان في مساحات نحل فيهاونرسم
بس شكل الدكتور ناوي على شباب الانتساب والله يستر
الحمدلله انا حليت اغلب الاسئلة بس القهر ماقدرت الحق احل مسألة النقل ولا السمبلكس واللي قهرني زياده انا اعرف حلها زي ما اعرف اكتب اسمي بس الوقت كان مررررره مو كاااافي لكل هالاسئله

والله يوفق الجميع,,

[صلاح العبدالله]

المفروض انك اول حليت السمبلكس والنقل
لان كل مسائلة عليها20 درجة
عموما الوقت غير كافي لحل الاسئلة جميعها
والله يسهل امرنا

[banker2008]

انا قلت كذا ياليتني بديت فيهم .. وهذا اللي قاهرني
الله يجيب اللي فيه الخير ..
وشاكر مرورك

[أبوجنى]

بصراحة الأسئلة فكرتها سهلة لكن طريقة حلها صعبة وذلك لتداخلها مع بعض والوقت غير كافي بالمرة وموضوعة بطريقة المقصود فيه إرباك الطلاب وتضييع الوقت عليهم .. وأعتقد إنه كان بإمكان الدكتور يجيب نفس الأسئلة لكن بطريقة أفضل وأسهل ولكن ماأقول إلا حسبي الله ونعم الوكيل.....

[banker2008]

المشاركة الأصلية كتبت بواسطة أبوجنى الأسئلة موضوعة بطريقة المقصود فيه إرباك الطلاب وتضييع الوقت عليهم .. وأعتقد إنه كان بإمكان الدكتور يجيب نفس الأسئلة لكن بطريقة أفضل وأسهل ولكن ماأقول إلا حسبي الله ونعم الوكيل.....

جبتها والله يابو جنى .. وهذا قصدي بالفعل

[Cartier]

حسبي الله ونعم الوكيل

اسئلة صراحة يبيلها بالقليل 3 ساعات حتى الواحد يحلها

ابغى اعرف شي واحد اللي وضع الاسئلة مافكر كيف نرسم شبكات الاعمال مافكر كيف نحدد المسارات ونطلع منها المسار الحرج!!!!!!!!!!!!!!!!!!!!!!

مافكر كيف نحل مسألة ماركوف هل نحل المسألة ولا بس نفرغ الاجابات في ورقة الاجابات واذا بنحل المسألة ووين نحلها !!!!!!!!!!!!!!!!!!!!!!!!

ما اقول الا لاحول ولا قوة الا بالله

اذا مسائل عدم التأكد اللي اسهل شي بالمنهج يبيلها ساعة الا ربع حتى الواحد يحلها !!

لاكن احنا الطلاب رحنا ضحايا هؤلاء الاجانب اصحاب الكرفتات مثل كاسر واشكاله !!

ومشكلتنا اننا نسكت عن الحق واحنا دافعين دم قلبنا !!!

حسبي الله ونعم الوكيل

الله يوفقك اخوي banker2008

[Godiva]

حسبي الله عليه

اسأله عن خطأ في الطباعه .. يقول مافيها شي انت حل وبس
وهالشي صار مع طلاب غيري .. وش الفايده اننا نسألك؟؟ كان قلت لنا من البدايه انك منتب مجاوب على استفساراتنا عشان مايضيع وقتنا!!!


جايب لنا الكتاب كله؟؟؟ باقي الغلاف والفهرس ما سألنا عنها!!!!
غير كذا .. مسائل الاختيارات اكثرها اجابتها "جميع الاجابات خاطئه" .. يخليك تشك في اجابتك وتعيد الحل مره ثانيه!!!

حتى الاجابات فيه كسور طويله جعلها تكسر عظام الظالم (حسبي الله على من ظلمنا)

الماده سهله .. ما اعتقد ان الواحد بيقدر يحسن معدله .. هذا في حال انه نجح!!

طلعت من القاعه واشوف طلاب متجمعين بيكتبون شكوى ويوقعون عليها ... ليه نلجأ لهالاساليب؟؟ ليه مافيه رقابه على الدكاتره ومراجعه لأسئلة الاختبارات قبل ماتقدم للطلاب؟؟

الاسئله لو وضعت لطلاب انتظام اللي طول الترم متابعين للماده مع الدكتور .. اتحدى لو كفاهم الوقت .. مابالك بطلاب الانتساب؟؟؟؟؟؟؟؟؟؟



الله يوفقك يابانكر ويوفق الجميع

[صدق المشاعر]

مـــــــــــــــــــــــــؤامــــــــــــرة ... مقصــــــــــــــودة

أما أنا اختبرت في أول قاعة على اليسار في الدور الأرضي .

قلت بتكون أول قاعة بيوزعون فيها الأسئلة ونخلص بدري .. والله ما دخلوا المراقبين إلا بعد الساعة أربعة ونص .

حتى لخبطوا في البداية ما يدرون كيف يوزعون الأسئلة ، والظاهر طلع فيه نقص في الأوراق ،، يعني تنظيم من جنبها ، ، يعني ما بدأ الاختبار إلا الساعة خمسة ..إلا .

السؤال هنا : متى يبدأ احتساب الساعة والنص اللي متجملين علينا فيها ؟؟؟؟
هل يبدأ الساعة 4:30 فعلاً إذا كان كذا ليه ما يوزعوا أوراق الأسئلة والاجابة بدري !!!!

بعدين ما مدانا نبدأ نكتب أسامينا إلا وهم يقولون سلموا الأوراق .. وش دعوة !!!

لاحظت المراقب أبو بلوزة زرقا اللي معه نظارات بس شغلته يهدد الطلاب (والله لأروح أمشي واخليكم ولا أستلم أوراقكم)
ليه يا خوي بتتصدق علينا بوقتك ، وراك شغل .. كان قعدت في بيتكم .. يا كثر اللي يبي يجي يراقب .
عموووووما .. أنا أحس أن اختبار بحوث العمليات لعبة ولكن السؤال مين هو بطل هذي اللعبة .

[soohoo]

حسبي الله عليه
الاسئلة سهلة لكن مافيه وقت نحل فيها ومافيه مكان كفاية علشان نرسم ونحل

[alyam100]

كيف كانت الاسئله عندنا اختبار يوم الاحد القادم
افزعوالنا الله يوفقكم
علمونا بالاسئلة