استفسار بخصوص الطب

[hi-and-at]

السلام عليكم ورحمة الله وبركاته
اخواني انا بقدم في الجامعة سنة تحضيرية مسار علمي واتمنى ان ادخل الطب
لاكن لاقدر الله ولم اقبل بسبب معدل السنة التحضيرية هل استطيع ان ادخل كلية الطب على حسابي الخاص في نفس الجامعة

وشكرااا لجميع الاخوان والاخوات

[rayyan1444]

وعليكم السلام ورحمة الله وبركاته

انت شد حيلك والباقي على ربك وان شاء الله تدخل الطب

بالنسبة للطب اللي على حسابك اعتقد انو الجامعه مافيها

ولكن فيه بجده بعض الكليات الاهلية زي كلية ابن سينا الطبية...

وبالتووفيق

[hi-and-at]

مشكور اخوي بس ياليت بقية الاخوان يردوا بالي يعرفوه ...

[promise 89]

و عليكم السلام
ما اتوقع انه ممكن تدخل الطب بفلوسك
بس السنة التحضيرية تقدر
تبغى جواب اكيد روح عمادة القبول والتسجيل اكيد بيفيدوك

[dr.hope]

وعليكم السلام ورحمة الله وبركاته

أهلا بيك معانا

بالنسبة لسؤالك الجامعة فيها طب موازي اللي هوا بفلوس بس هذه السنة جات مكرمة من الملك وحتدفعها الدولة

والفرق ان الموازي ما ياخدو مكافآت زي الانتظام

لكن في النهاية سواء انتظام او موازي برضو تكون المفاضلة حسب معدلك في السنة التحضيرية

وهيا ما هي صعبة بس يبغالها شدة حييييييييييييييل

وبخصوص اذا لا قدر الله ما انكتبلك طب في الجامعة

عندك كلية البترجي وكلية ابن سينا في جدة يمديك تدرس عندهم وهيا كليات أهلية يعني بفلوس

ان شاء الله اكون افدتك واسف عالاطالة

:)

[hi-and-at]

مشكورين والله يوفقكم لما يحب ويرضا .....