استفسار):

[raghad_sha]

السلام عليكم ..
انا طالبة سنه تحضيريه انساني ، عديت الترم اللي فات خطة (أ) بمعدل 3,12
وهذا الترم خطتي (ب) الخطه الأسهل ، بس بعد ماحسبت بالمعدل التجريبي فالاودس طلع للأسف حتى لو جبت فكل المواد a ماحيوصل معدلي لل4 .
انا اتمنى اتخصص قانون بس ماعتقد معدلي حيساعدني ، وبديت أتحطم مرررا
وحاولت ادور على التخصص اللي تكون موادو مشتركه مع القانون عشان اقدر لو انقبلت فيه ارفع معدلي واحول للقانون بس مالقيت تخصص او بالأحرى ماعرفت .
أتمنى تجاوبوني فيه أمل أني ادخلو حتى لو ماكان السنه الجايا؟
وهل القبول يكون بمعدل التراكمي للترمين ولا حاجه ثانيه؟
واذا ماتخصصت قانون ، هل فيه تخصصات ممكن انقبل فيها لو معدلي اقل من ال4 ممكن تساعدني؟
حطيت في بالي الاداره العامه او الاعلام بس قالولي معدلو اعلى من القانون واصلن
القانون امنيتي من زمان
جاووبوني والله يديكم العافيه يارب

[بيان عبدالعزيز]

وعليكم السلام ورحمة الله وبركـآته

أسعد الله صبآحك بكل خير ي جميلتنا القانونية رغد بإذن الله

اول حاجة لا تتحطمي ولا تسمعي كلام اي شخص يحطمك وحاولي تتجاهلي الكلام السلبي اللي يخص ماتقدري! , او مطلوب معدل اعلى وانتي معدلك الخ من هالكلام اللي يحطم تجاهلي

لان بس بيحطمك اكثر وبينزل مستواك يمكن بسبب كلامهم!

شدي حيلك هالترم ي قلبي وبإذن الله معدلك يرتفع واذا فتح التسكين حطي اول رغبة قانون ماعليك وثاني رغبة ادارة عامة لان في مواد مشتركة بين هالكليتين

يعني في حالة ماانقبلتي في القانون تنقبلي في ادارة عامة إن شاءالله

ويصير تشدي حيلك الترم الاول من السنة الجاية وتأخذي 4مواد عامة وحرة ومنها ثقافة2 وعربي2 ومادتين مشتركة لو في بين كلية الاقتصاد والادارة وبين كلية الحقوق

وبإذن الله يرتفع معدلك وتوصلي ل4ونص وتحولي لكلية الحقوق وبعدها على نهاية الترم الاول تطلبي تحويل الكتروني والترم الثاني إن شاءالله يحولوك ماعليك

وحطي في بالك ان معدلات الكليات تختلف من سنة لسنة اخرى وحسب شطارة الدفعه وبإذن الله تنقبلي في كلية الحقوق

طمني قلبك واستودعي طموحك

وإن شاءالله نشوفك افضل محامية يآرب

موفقة ي عيوني ولا تنسي صلاة الاستخارة