المستوى الثالث والمستوى الخامس تفضلوا مشكورين أبيكم بكلمة رأس

[وردة بسماها]

ذهبت للأستاذة ندى وإتفقت أنا وهي على هذا الجدول المكتوب تحت ونظرا لأني طالبة تم إعادة قيدي

ومعدلي كان نازل بسبب ظروفي الصعبه آنذاك

إختارت لي الأستاذة ندى أسهل المواد على قولتها لأني ماأعرف المواد ولا أسماء الأستاذات

وقالت لي لاتتعدين اربع مواد بس أحس إني إستعجلت لما حطيت القرآن والأحوال الشخصية

لأن القرآن يبي له حفظ والأحوال كتاب الروض المربع متعقدة منه

وبعدين رجعت للأستاذة ندى وقالت والله سهله المواد وصدقيني أخترت لك الأسهل أنتم

وش رأيكم وسمعت أن فيه دورات لكلية الأداب بتاريخ 5/1 بس ماراح أحد يجيبني جده

1- القرآن الكريم جزء المجادلة وتبارك - المادة 211


2- الثقافة الإسلامية المستوى الثالث - المادة 301


3- علوم الحديث ودراسة الآسانيد للإستاذة شكران ماحصلتها موجودة - المادة 315


4- والأحوال الشخصية(1) للدكتورة فاطمة الجلسي - المادة 333

وش رأيكم بالجدول واللي معاه الثقافة الإسلامية للمستوى الثالث للأستاذة راوية جابر يعلمني وش المحدد معنا

ولكم الأجر إن شاء الله والله في عون العبد مادام العبد في عون أخيه

[غيم تايه]

حياك اختي :

المشكله انك مستوى خامس ولا احد عارف المواد اللي انتي عديتيها او اللي حتلتيها ..

اذا ممكن تاخذي مواد حرة يمكن تكون اسهل نوعا ما ... طالما متعقده من الروض ، ولكن الواضح ان تجربتك مع فقه العبادات 1 و2 ما كانت سهلة ... شدي حيلك اختي لازم ترفعي معدلك موفقه ان شاء الله

[وردة بسماها]

الواضح والواضحين اني فعلا متعقدة من هذا الكتاب كل ماذاكرته ومايدخل مزاجي أحس كلماته غريبه وقالت لي الدكتورة فاطمة أشتري كتاب حاشية الروض المربع حتى يسهل الشرح لكن رفضوا أهلي يقولون غالي 140 ريال وش تبغين فيه يقولون كفاية كتاب واحد والمشكلة كنت متعرضه لمرض في رأسي وهذا يصعب الموضوع أكثر خاصه في ظل حبي للدراسه والمواصله وهذا مايجعلني مازلت باقيه للدراسه رغم الظروف وأسأل الله أن يشرح صدري ويوفقني وييسر أمري وجميع الطلاب والطلبة

بس أخوي غيم تايه ممكن تخبرني وش هي المواد الحرة وش طريقتها لأني أضفت هالمواد وماعاد فيه إمكانيه أغيرها خاصة أن ايقونة الحذف والإضافه لم تخرج لي في نظام الاودس وغير ذلك أنا خارج جده وصعب أرجع للجامعه
يعني أنا غلطت لما نزلت هالمواد تكفى أخوي هذي فرصتي الآخيرة بعد إعادة القيد دلني على أي شيء أنا خايفة رغم أني بديت أذاكر وشادة حيلي يعلم الله والأستاذة ندى الوعل هي اللي أقنعتني بهذي المواد

[غيم تايه]

حياك اختي

والله المعذره منك كثرنا عليك الوضوح حتى التبس الوضع وصرتي متخوفه اكثر من اللازم ..
شوفي مادة الثقافة الاسلاميه والله مو ذاك الزود بالعادة سهله حتى وان غيروا الكتب ..
مادة القران الكريم هي حفظ الجزءين 28 و29 والله يعينك لازم تحفظي مع التلاوة المجودة وبدون اخطاء
مادة الحديث والاسانيد مع الاستاذه شكران الطالبات راح يفيدونك في هالناحية ..
مادة الاحوال الشخصية عندك خلفيه سابقه عنها لانه سلسلة مكمله لمادة فقه العبادات 1و 2
وباقي بيتواصل معك الروض في مادتين اخريتين احوال شخصية 2 وفقه العقوبات ... ما احمل الاستاذه ندى اي مسؤولية ولا احملك وانتي بديتي تشدي حيلك خلاص ، كملي بنفس الحماس والقوة .. وعلى فكره كتاب الحاشيه عندي والله ما فيه ذاك الفايده لكن اذا حابه انا مستعد ، اكتبلك كل يوم جزء وانزله لك هنا اما بطريقه ملخصه او بطريقة شارحه له .. وطالما عندك اربع مواد وهذه فرصة اتيحت لك ما نبي نضيعها .. لازم نرفع المعدل .. ويمكن مادة التفسير تكون اسهل من مادة علوم الحديث والاسانيد او علوم القران ، او مادة الاقناع مع الدكتور انمار .. على العموم راح نكمل على هالجدول لانه مو ذاك الزود ... واتواصل معك هنا .. والف سلامه من الم راسك .. شدي حيلك وكملي مشوارك ولا تتهاونين وبيعدي هالترم ان شاء الله .. موفقه ..

[وردة بسماها]

غيم تايه الله يوفقك وين مارحت ويبارك فيك ويحفظك من كل مكروه يارب

والله أسعدني ردك الله يحفظك بالفعل الدنيا بخير جزاك ربي جنة عرضها السموات الأرض>>>هذه دعوة من قلب صادق من إنسانة كانت مريضة ومظلومة ودعوة المظلوم مستجابة

وياليت تفهمني في المادة مو فاهمه شيء حتى الدورات رفضوا أهلي أحضرها ويقولون أعتمدي على المذاكرة

وهم مايقصرون يذاكرون لي بس هم برضه مايشرحون لي وبالكاد المعلومات تدخل راسي بسبب رواسب المرض

بس أنا بأعتمد بعد الله على شرحك تنزلي كل يوم جزء مختصر وأنا راح أرجع لهذا الموضوع مو ألحين لأن أهلي بيقفلون

على النت والتلفزيون عشان يهيأون لي جو المذاكرة ويمكن أرجع بعد أسبوع أو أسبوعين إن شاء الله من تاريخ اليوم ألحين

قاعده أحفظ قرآن والثقافة الإسلامية اعتقد الكتاب كله معنا وبعد أسبوعين راح أبدأ بالروض المربع وعلوم الأحاديث

وعندنا كتاب الروض المربع من كتاب النكاح إلى النشوز أما علوم الأحاديث مدري من وين محدد معنا دورت على الإستاذات

ماحصلتهم وجلست أنتظرهم عند مكاتبهم يقولون مااحد جاء منهم ولو أهلي يساعدوني والله لأجلس أنتظرهم الليل والنهار لكن العين بصيرة واليد قصيرة

لكن ألحين أخوي أكتب لي الأجزاء هنا حتى أستفيد وراجعه بعد فترة إن شاء الله لأن اليوم أهلي بيشيلون النت والتلفزيون

[غيم تايه]

حياك اختي الكريمة

انتي معك اسبوعين ، تذاكري فيها القران الكريم ، وبعدها تبدأئ في كتاب الروض المربع يكون ان شاء الله تدخلين على هالمتصفح ، اكون نزلت لك عدة اجزاء علشان ما تتعبك ... بعدها تجميعها يصير معك المنهج كامل .. ولا تذاكري الاجزاء الا وانا منزل الباقي وهكذا وما راح ناخذ وقت ان شاء الله كلها اسبوع اسبوعين وانتي تمام وبخليه بطريقة ان شاء الله تساعدك على فهمه وان شاء الله افنطه لك تفنيط مريح بنفس طريقة زميلنا اللي فنط مادة شخصية 2 .. لكن ذاكري مثل ما قلتي المواد بدون كسل بدون تراخي بدون تملل ، ننسى كل شئ نحطه وراء ظهورنا امامنا شهر ونصف الشهر نجتهد نشد الحيل .. نتجاوز هالمرحله وبعدها ان شاء الله نروح لمرحلة ثانية .. ولا يأس ولا تعب .. اجتهاد وهمه .. والله يكون في عونك ويسهل ويسر امرك موفقه إن شاء الله ..

[غيم تايه]

حياك اختي

مساك الله بالخير ، كيفك ؟؟ وكيف اخبارك ؟

ان شاء الله تكوني بخير وبصحة وسلامة .

اختي عندي مشكله كل ما اضغط على ايقونة أرفق ملف في المشاركة ما يطلع شئ وكاني ما اضغط

ما ادري وش السبب علما اني خلصت حتى المحرمات في النكاح .. متواصلين ان شاء الله .

[وردة بسماها]

أنا بخير جعلك في خير أخوي غيم بس نفسيتي للأسف صفر وبديت أذاكر أبشرك وحفظت بعض سور القرآن بفضل الله ليس بفضلي ثم إتجهت على كتاب مصطلح الحديث وحفظت بعض الدروس وماشيه كويس نسبيا لكن عقدتي هو كتاب الثقافة الإسلامية 301 هو سهل جدا ومرة أعجبني الكتاب لكنه كثيييييييييييير ومو محدد معنا زي ماسمعت وذاكرت ربعه وألحين جالسه أفكر أحذف هذه المادة لأني ماظنيت راح أختمه كله وبخليه بعدين أحسن وأهتم بالثلاث مواد اللي هي القرآن والأحوال الشخصية وعلم الأسانيد وكفايه علي ماأقدر أكثر من كذا عشان على الأقل أعدل معدلي وأرفعه لأن الدكتور عبدالفتاح يقول لازم ترفعين معدلك بعد إعادة القيد وش رأيك بتفكيري أخوي غايم صحيح ضيعت وقت كثير في مذاكرة الثقافه لكن راح أحذفه أحسن هذا الترم

وأما بالنسبة للكتاب تكفى ياغيم عند الله ثم عندك علمني مما علمك الله في كتاب الروض المربع لأني مرة متحطمة منه وماأعرف كيف أذاكره وإلا على الأقل كيف طريقة الآسئلة لأن هذي آخر فرصة ماأريدها تضيع مني وربي غير أموت قهر ويجيني سكتة قلبيه ماصدقت أرجع للدراسه بعد سنوات طويله وانا بعيد عنها وكانوا بيرجعوني من اول وجديد لكن الله سلم بعد ماوصلت المستوى الخامس يرجعوني من جديد يالله عفوك وسترك ارحم ضعفي وتولى أمر وأحسن خلاصي
وأبشرك اليوم أفرجوا أهلي عن النت شوية عشان اشوف آخر الأخبار وأشكرك أخوي وماراح أنساك من دعائي بإذن الله

[غيم تايه]

حياك اختي :

بالنسبة لحذف مادة الثقافة ، والله اختي اشوفها مادة مره سهلة يعني راح تحذفي اسهل مادة ، لكن الله يعين اذا مره مو قادره عليها احذفيها .. ومهم جدا رفع المعدل مهم جدا .. بالنسبة لكتاب الروض لاتشيلي همه .. قمت بكتابته والان وصلت الى الشروط ، ونفسي ارسلك اللي خلصته تقرينه وتشوفين هل يناسبك .. علشان عامل الوقت ..

[وردة بسماها]

الله يسعدك دنيا وآخرة غيم ويفرج همك يارب أنا بإنتظار هذه الأجزاء والله يستر

والثقافه صراحه سهله جدا لكن كثير مرة ومنذ أصابتي عقلي لايستوعب كثيرا

رغم انني شفيت جزئيا اجل لو أني تعبانه مثل اول كان حتى اسمي نسيته

حسبي الله ونعم الوكيل رب إني مغلوب فإنتصر