كان يوم نحس يوم أخترت انتساب أعمال

[كاسه]

يا جماعة بذمتكم بذمتكم دا كلام يعقل ايش دا التخلف فين عايشين نحن نتعامل بدي الطريقة !!!

دخلنا انتساب أعمال و نحن سكان جدة فجأة قالو انقلو رابغ بدون موافقة و لا عن رغبة قلنا معليش اسمو انتساب نكمل سنتين أقصى شيء كما هو وارد ضمن اللوائح و نحول أنتظام حتى لو في راااابغ معلييييييش برمي عيالي في حضانة و أطق مشورا ساعة و نص روحة و ساعة و نص رجعة تهوووون عشان الشهادة و دحيييييييين القرار الغبي لا يسمح بالتحويل لازم الساعات 32 ساعة و لا في إيقونة من أصله اهئ اهئ اهئ ياااااااربي ايش الغباء دا ايش الغباء دا و قال الشيقري بيصلح خليه يسترررررريح اصرفله


بالله احد يوصل صوتنا للجامعة المفلته دي مرة تااااااانية قرارات جديدة يا من بدري الكلام يا الدفعة الي بعدنا مو بعد ما دخلنا اعمال فجأة صرنا في رابغ و لا في أنتظام يعني نولع في نفسنا قاز عشان نصير زينا زي غيرنا نكمل دراستنا طبيعي من غير تعقيد و تعب نفسي الله يتعبكم زي ما تعبتونا و حرقتو اعصابنا بالله المشرفين لاحد يحذف الموضوع لا تكونو أنتو و الظروف علينا ما غلطت على الأحد كلامي كلو في الجامعة يا طلاب لازم حل لازم حل شوفو ام القرى لما طالبو بحقهم كلهم أنقبلو لا نسكت عن الحق دا تعبنا و مجهودنا و لقمة عيش الله يسعدكم شاركوني حاسه نفسي راح أبكي خلالالالالالاص :(

ما ودنا نعمل زي طالبات أم القرى أقلها شوفو دكاترة قسمنا خليهم يوقفو معانا و تتغير الشروط و ينزلو إيقونة لنا زينا زي غيرنا . انتساب و رابغ الواحد لو جاب خمسة هو هو الحال في رابغ و انتساب !!

[كاسه]

إن أنحذف الموضوع ما أحلل الي حذفه ليوم الدين حق قهري و زعلي :(

[حسان السراقبي]

من جد قرارات تعسفيه بصراحه

أنا ما كنت متوقع مؤسسة تعليمية فيها من الضغط على منسوبيها شيء للدرجة هذه

حرمان من أمور نبغاها , وجبران على أمور ما نبغاها

بصراحه أمر مأساااااااااااااااوي لنا نحنا طلاب كلية الأعمال

وايش الحل ما عندي فكرة

يعني لو نعمل زي ما عملو في جامعة أم القرى قليله فيهم الله لا يسامح كل شخص له دخل في يالي بيصير فينا نحنا الطلاب في هذه الكلية

[Omar.89]

معنا الحق 100%

و المطلوب اننا نتحرك بثلاث جهات بوقت واحد
١- مخاطبة مسؤولين الجامعه الكبار في جده
٢- مخاطبة التعليم العالي في الرياض
٣- الضغط على الجامعه عن طريق الصحف اليوميه و الفيس بوك و تويتر

ما نبي زي كل مره كل واحد يتحمس و يسحب


هالطريقه يا جماعه روحن رؤساء دول من كراسيها

و الله لتركع الجامعه لطلباتنا

[كاسه]

ايييييييه أنا بعملهم كابوس عمرهم ما شافوه بس خلينا أشوف بقية الطلاب معانا و لا كييف ؟؟ و بعدها بنحط كل شيء تحت الأمر الواقع و الجرائد ايش استفدنا منهم لما نقلونا رابغ ؟ الجرائد يا طويل العمر راح تكتب عن الفعل و لن تحدث الفعل بإذن الله

[كاسه]

نبغى فزعة كل الطلاب حتى الي مو ناوي يحول أنتظام لازم يفزع و نكون يد وحدة اليوم نحن بحاجة لجميع الطلاب انتظر بقية الطلاب

[الحااالمه]

اه بس نفسي اولع فيهم .............بجد مايستحوو
ماخلو قرار غبي الاوجربوه فينا كأننا فأران تجااارب

تخصصات زي وجههم قرارات ماتخدم الطلاب ابد بل بالعكس تكرهم في الدراسه واعرف كتير سحبو

انا معاااااااكي ياااقلبي اتمنى نستفيد شيء

[ابداع الفن]

[color="magenta"]انا معاكم[/color]

[بنت ناس وقلبي ألماس]

وصلوا صوتكم للملك عبد الله الله يحفظه...
عشان يكونوا عبره لغيرهم...
حسبي الله عليهم ...

[ريوووووووووووووم]

معاااااااااااااااااااااااااااااااااااكم