الفزعه كيف الرايتنق

[الجاسر]

السلام عليكم ورحمة الله وبركاته
يااخوان ويااخوات الله يوفقكم دنيا واخره اللي عند طريقة كيف نذاكر مادة writting لاني والله ماني عارف كيف ومن وين ابدا
اولا يجي في الاختبار برقراف والارساله وبعدين كيف احصر القواعد اللي في الكتاب(اللي عنده ملخص لهذي الماده يفزع لنا تكفون اخوكم ابو عيال وماعنده وقت يلخص )
اخيرا كيف طريقة الاختبار

[ana w bas]

اهم شي انك تعرف تركب جمل مضبوط يعني ستركشر السنتنسز يكون صح وهذا يعتمد على إلمامك بالقرامر وجميع قواعد القرامر

ثاني شي الفوكابلري..لازم يكون عندك رصيد لا بأس به من الكلمات..

حاول تحفظ كلمات يعني اللي دايما نستخدمها وكذا او اللي تتوقع ان لها صله بأي موضوع ممكن يجي


اما الاختبار انا ما ادري اذا نتم مثلنا ولا لا؟؟؟

[ana w bas]

[b]احنا يجينا موضوع واكتبوا عنه في اربعه بارقرافس

الاول مقدمه
الثاني والثالث البدي يعني صلب الموضوع
الرابع خاتمه[/b]

[حنين الود]

الرايتنق عباره عن كتابه مقاله بالانجليزيه يعني essay
ويكون فيها مقدمه الي اسمها بالانجليزي كدا introduction وهيا عباره عن براقراف واحد تعرف فيه ايش حتتكلم في موضوعك عشان تبدأ في الموضوع وبعدين براقراف وتحته براقراف تتكلم فيها ن الموضوع بتفاصيل شويه والخاتمه الي هيا اسمها conclusion انتبه لان كل خطأ املائي تنقص عليه ربع درجه وتكرار الكلمه نفسها في البراقراف يخليك تنقص درجات الماده يبغالها تركيز شويه ولو ذاكرت وقرأت مقالات وتلاخيص الشباب الي في قسم الملخصات ان شاء الله تتيسر وبرضو ارجع للكتاب اقرأ القاعدات الي فيه بفهم وتركيز راح تلاحظ انو انتا حافظها لانها قديمه بس بالكتابه بتتركز فيها وبحاول اعطيك فكره عن طريقه السؤال مثلا احنا على ايامنا كان الاختبار نكتب example essayمثلا او مقاله نوصف فيها شي معين جانا مره نوصف المول ( السوق )
ومره من المرات كان الاختبار عن النعم في حياتك (البليسنق)
كيف تكتب المقدمه يعني تبدأ تتكلم في جمله بسيطه عن اهميه النعم في حياة الانسان وانها تؤثر على الانسان وانه نعم من عند ربنا وانو احنا لازم نقدرها ونحافظ عليها وهيا لاتعد ولاتحصى لكن انا حتكلم عن اهم نعم ربنا اعطاني هيا وتذكرها كتعداد الاهل والعائله , الماء, الاصدقاء , الحواس الخمس مثلا زي كدا وتنهي البراقراف الي هوا ايش؟ intoduction
نجي للبراقراف الي بعده الي هوا جسم المقاله يتسمى body وعليه درجات كثيره لانو بيوضح الافكار لما تجي تكتب لازم ترتب كلامك وماتتنقل بين الافكار على كيفك التزم بفكره فكره ولاتروح للفكره الي بعدها الا لما تخلص منها لاتتكلم عن فكره وبعدين تروح للي بعدها وبعدين ترجعلهاو دي اهم نقطه نرجع لموضوعنا البراقراف التاني تبدأ تتكلم فيه تقول مثلا اول نعمه عليه هيا الحواس الخمس لانو بدأت احس فيهاوادرك اهميتها من صغري وزي كدا وحط جمل اتفلسف فيها وتكون مرتبه وسهله صياغتها واستعمل جمل بسيطه في الكتابه وتبدا تتكلم عن العين جمله وعن اللمس مثلا جمله وعن حاسه التذوق جمله وكلها خليها بسيطه وتنهي الكلام عن الحواس تروح بعدها تقول والنعمه التانيه الي ربي انعم عليه فيها الي هيا سبب سعادتي في الدنيا هيا اهلي واصحابي لانهم يدعموني ويحبوني ويعطوني دافع في الحياه وزي كدا كلام مرتب وسهل بس يبغاله مخ نظيييييف
وتروح للبراقراف التاني تتكلم عن نعمه الماء وايش تمثلك في حياتك انو انت تحس انها سبب من اسباب صحتك وممكن كمان تتكلم عن الصحه انها نعمه وتتكلم عنها في كم جمله انتا لما تبدأ تكتب حتحس الافكار تجيلك حبه حبه
وبعدها تنهي البراقراف بجمله مرتبه
وبعدين تجي للخاتمه الي هيا conclusionوتقول فيها جمله تختصر فيها الكلام الي قلته او ممكن تقول to conclude , these were the most important things in my lifeاو تقول انها اهم نعم انعم فيها ربي عليك الي هيا الصحه والاهل والاصدقاء وكدا وكدا ترجع تعددها باختصار شديييييييييييد وتكتب جمله خاتمه من عندك تقول انو مثلا احمد ربي عليها واتمنى اني احافظ على النعم دي وزي كدا
اتمنى اكون شرحت الفكره كويس

[حنين الود]

البراقراف الأول لو كتبت فيه 5 سطور بجمل واضحه ومرتبه وبدون اخطاء املائيه وتكون وضحت الفكره الرئيسيه مزبوووط والبراقراف التاني كتبت 8 سطور وبتوضيح والتالت كمان 8 سطور والاخير 4 او 5 سطور بنفس التركيز والترابط ان شاء الله تعدي الماده على خير يارب
ركز لاتعمل أخطاء كتير ركز على الأشياء الي المفروض لاتعملها يعني لاتلخبط الجمل لاتكتب كلمات مو متأكد من املائها رتب موضوعك قبل ماتكتبه في ورقه خارجيه اكتب الفكره الرئيسيه وتحتها كم جمله يعني اكتب الفكره الاولى الاهل والعائله < مثلا تكتب تحتها فكره واضحه انو هما سبب سعادتك ودعمك ويحبوك ويخلوك انسان افضل في دي الحياه وكم فكره تحتها عشان لما تجي تكتب تعرف عندك افكار كفايه والا لا
الفكره التانيه<< الاصدقاء برضو نفس الشي لو شفت انها ماتصلح تقدر تغيرها وتجيب فكره فيها كلام مثلا تشوف انو الحواس فيها افكار اكتر واسهل وتعرف تتكلم عنها تقوم تختارها بدل الاصدقاء
الفكره الثالته الماء << شوف فوق لاحظ ماعرفت اتكلم عنها قمت قلت اتكلم عن الصحه لانو جاتني فكره وقتها ونفس الوقت مالقيت كلام عن المويه
الفكره الرابعه الصحه < انو مثلا مهمه في حياتك تسمحلك تمارس حياتك الطبيعيه وتتمتع بحياتك وانك تقدر النعمه دي وتحمد ربي عليها وكيف انتا بتحاول تحافظ عليها عن طريق الاكل الصحي والرياضه وممكن انك تستخدم حياتك وتستمد منها الالهام يعني قول مثلا الحمد لله صحتي كويسه وانا مبسوط الحمد لله بيها لانه بسبب صحتي الي ربي اداني هيا اقدر العب مع اطفالي وزي كدا حاول تكون افكارك مرتبه يعني بعد ماتخلص عن الصحه ممكن تتكلم بعدها عن نعمه اطفالك وانها تجربه جديده في حياتك وانها نعمه جديده انعم بيها ربي عليك وانك ماكنت تحس فيها الا لما جاتك وزي كدا يارب تكون وصلت فكرتي

[تربوي ماهر]

اريد حل تمارين كتاب الريتنق

[THE EXPERT]

شوف يا اخ جاسر
احنا جانا في رايتنق ون

تكلم عن اسعد يوم في حياتك ( طبعا الموضوع هذا مش موجود في الكتاب ولكن موجود موضوع اضاهر عن الوصف وهذا يندرج تحته )



طبعا ابيك تحط في بالك بعض الامور اللي تجيبلك الدرجات

مثل كتابة العنوان في النص

وكتابة الكلمات المهمه في العنوان بالكبيتال

وترك سطر بعد العنوان

وترك مسافة خمسه حروف من بداية اول جمله لك في البرقراف

وهكذااااا

والخطوات هذي موجوده في الكتاب


بالنسبه يا طويل العمر للكتابه

فنصيحه لا تتبدا تكتب على طول البرقراف

اولا يبيلك تكتب جملك في الهامش على شكل نقاااط وبعدها رتبها واكتبها على شكل برقراف وبالتوفيق يارب


وبالتوفيق لك

[السعيد 2009]

يااخوان هل فيه مواضيع محددة للاختبار

[روابي نجد]

انتم شكلكم تتكلمون عن رايتنق 2 لانه هو الا فيه الاسي او المقال لكن رايتنق 1 احنا مطالبين ببرقراف وليس مقال