يعني معاي حق او لا انتوا عاد ابغى ردكم؟؟

[سوسه نوسه]

السلام عليكم ورحمة الله وبركاته

كيفكم يااقسم الانجليزي؟؟؟؟؟

المهم انا طالبه انتساب انا مره اشتكيت للعميد وكتبت له انو طبعا مقدمه الي دايما السلام ومدري ايش المهم انا بدخل الموضوع قلت لنا ياالعميد انو بالسنه التحضيريه بيتحذف ماده التحليل الكمي والاحصائي وتعادلها والى الحين ماعدلتها يعني مين هو مسؤؤول على الغلط واحنا طلاب انتساب ومظلمومين كثير انو دراستنا بالاسابيع وليس بالشهور وكذا يعني من الكلام ...وعلى كذا مارد عليا اول مره يعملها طوووووووووولت الرساله وكم مارد انا قلت بيني وبين نفسي الله حسيبكم ياجامعتنا وعدينا قسم التحضيري ودخلنا التخصص وانا طبعا كان نفسي بالاعلان من يوم عرفت نفسي وكمان كنت ابغى انجليزي بس ربي كتب انو ادخل انجليزي لانو مافي اعلام ماعلينا من هالكلام انا اكثر شي رافع ضغطي انو دراستنا انجليزي وكمان بالاسابيع وعلى كذا ساكتين ودافعين3000 ريال يعني الاسبوع الواحد ب1000 وقلنا يلا الحمدلله غيرنا يبغى مكانا والحمدلله بس مصيبة الكبرى الي يجي الدكتورة او الدكتور يجي يشرح لاذمه ولاضمير تتكلم كاني واحد يجري وراها وهي تهرب منه هذي مصيبه اكبر يعني موعارفه والله وكمان الاجازه بين الترمين اكثر من شهرين وساكتين طيب بس هذي مو اجازه والله حسيتها الاجازه الكبيره انا قلت طيب اصرف نفسي اتعلم لغة انجليزي وكذا يعني الهي حالي

بس حسيتها بزياده...المهم انا ماابغى اطول بالكلام بس والله والله ضميري ابدا مو مرتاح وانا بالجامعه انتساب بجد حاسه احنا طلاب الانتساب وطالبتها مظلموين كثير مو شوي؟؟

اقولكم ليه ....

1-التجارب السنه التحضيريه جربوها ولعبوا فينا الى ماقالوا امين

2- دراستنا وخصوصا قسمنا يعني انو بس3اسابيع بصراحه مااحس حالي جاااامعيه ابدا ابدا ابدا ابدا ابدا

3- انا ابغى افهم انا ادبي يرحمونا شوي على قصة رياضيات من ايام السنه التحضيريه وكلها مواد الرياضيه صعبه علينا طيب..يعني ماعندهم لارحمه ولاشفقه ابدا

4-انو احنا دافعين مبلغ مو سهل المفروض يعطونا كم ماده مجانيه حلتى لو انو مصور الكتاب اهم شي شي مجاني لانو الي ندفعه مو قليل ابدا

والله اشياء كثيييييييييره لاني بجد اودي هذي الفلوس اتصدق فيها اسوي فيها اي شي ولاجامعتنا بس شو اعمل دراسه والعلم لوجه

بس وين اودي صوتي هذا والله فكرت بالامير خالدالفيصل انو نرسل له برقيه رساله يعني او اي شي احس انو بسمعنا ويرحمنا

لانو لاعميد جامعتنا صاحي ولاامدري شو اسمه اسامه طيب صاحي مقهورة الي يحط قرارت جامعتنا هذي والله اعرف شبابا وصبايا هجوا من الجامعه لانه اسلوبهم زي وجههم احنا بشر ونحس كاننا زباله يعملوا لنا بالجامعه احنا انتساب مافرقت بين الانتظام يعني كلها 3اسابيع وترتاحوا مناياااااااااعااااااااااااااالم بس مااقول غيييييييير

حسبي الله ونعم الوكيل على جامعتنا بجد يعني مايرحمونا كيف ربي يرحمهم ولااجمعاة ريا وسكينه حقين الجامعه شايفين حالهم على ايش موعاااارفه الله واكبر عليهم بس

[my-nana]

في مثل سوري معروف (كبرها تكبر صغرها تصغر) لاتشيلي هم قراراتهم سوي اللي عليك وكافحي مو بس تذاكري يعني ابذلي كل جهد لك وطاقه للمذاكره وكملي واتركيهم لربهم ليش نشيل هم محنا قده خلينا بالدراسه ونخلصها وبس وهما يسوو اللي يبغوه انتي لمن دخلتي الجامعه اش كان غرضك تكملي دراسه وإلا تغيري اسلوبهم المتعجرف
أكيد الدراسه إذن ادرسي وحاولي تركزي تفكيرك بالدراسه ولمن تجني ثمرة تعبك راح تنسي كل شي وتتمتعي باللي جنيتيه
دمتي بود

[Al-majesty]

وعليكم السلام ورحمة الله وبركاتة

انا مقدر وعارف وشايف

نصيحتي لك هي ... لا تضيعي وقتك في النفخ في القربة المشقوقة

وانظري للامور بعين النحلة لا بعين الذبابة

انا جيت اضيف مادة رفضوووووووو وقالو حرررررام مش ما نقدر قالو حررررام

وجاء واحد بعدي معه ورقة صغيرة واضافوها وانا اتفرج

قلت ليه احرق اعصابي واضيع وقتي خلاص

عيشي واذا ما قدرتي تعايشي

والله يوفقك ويفرج لك وييسر امورك

واحنا هنا بمثابه اخوان ان شاء الله نخدمك ونحاول البقدر اللي علينا


ولك تحياتي

[loloita]

اعذريني ياقلبو ،، بس حابة اتكلم بصراحة شوي
والكلام جينرال مو لك
يمكن أنت عندك ظروف اجبرتك تدخلي انتساب والكثير منك
لكن . . .
في بعض الطلاب كانوا بايعينها في الثنوي
ولما يجيبوا العيد وماتقبلهم الجامعة
قالوا احنا مظلومين ومش عارفة ايه؟
أنا معك بأن جامعتنا نظامها أبد مو حلو
وأساسهم في قبول الطالبات غلط
بس الواحد يحمد ربه على النعمة
يعني غيرنا وفي دول كثير
من يوم ربي خلقهم وهما مثلا يشتروا الكتب
احنا الحمدلله بس في الجامعة
على غير أنتو الإنتساب انفتح لكم مجالات كثيرة كنتوا راح تنحرموا منها
المهم
ولا راح أطول الهرجة
لأن النظام لو بأوصفوه يبغى له صفحات
اللي عليك وعلينا إننا ندرس ونشد حيلنا ونتخرج من هالجامعة
لأنوا زي ماقالوا لو فكرنا كذا ما في ولا طالب راح يروح الجامعة
صح الحال ما راح يتغير لو جلسنا ساكتين
بس هذا مو دورنا ،، هذا مسؤولية ناس ربي يهديهم !!!
أتمنى تتقبلي كلامي
والسلااااااااام..

[سوسه نوسه]

صح لسااااااااانكم ومشكورين بس انا مقهورة لانو تعب الثانوي راح على الفاضي والسبب القدرااااااااااااات خسفت فينا الارض

يعني بنت وربي اعرفها وانا منهم اخذت نسبه94 قلت كم نسبتك قالت والله 94 قلت ليش دخلتي انتساب والبنت قالت زي ماانتي عارفه القدرات عملت فينا كذا؟؟؟؟


يعني نظامناااااااا غلط بغلط مسوين شطاره يضعوا مستقبلنا واذا قالوا ليه زادت البطاله انااقول والله من نظامكم المعقد انا شايفه .............وبسسسسسسسسسس

[حنين الود]

المشاركة الأصلية كتبت بواسطة سوسه نوسه صح لسااااااااانكم ومشكورين بس انا مقهورة لانو تعب الثانوي راح على الفاضي والسبب القدرااااااااااااات خسفت فينا الارض

المشاركة الأصلية كتبت بواسطة سوسه نوسه يعني بنت وربي اعرفها وانا منهم اخذت نسبه94 قلت كم نسبتك قالت والله 94 قلت ليش دخلتي انتساب والبنت قالت زي ماانتي عارفه القدرات عملت فينا كذا؟؟؟؟ يعني نظامناااااااا غلط بغلط مسوين شطاره يضعوا مستقبلنا واذا قالوا ليه زادت البطاله انااقول والله من نظامكم المعقد انا شايفه .............وبسسسسسسسسسس

حبوبه لو على الكتب هنا احنا نتعاون ونعطي بعضنا الكتب وكل ماوحده تخلص من كتاب تعطي التانيه عشان تستفيد منه ويكون مخطط ومترجم وموضح فيه كل حاجه ..
من ناحيه التعليم والأسابيع وماني عارفه ايش فيها ايجابيات وسلبيات ايجابياتها انو مابتنقصوا كتير وتضيع الدرجات في برزنتيشنات وماني عارفه ايش تضيع قدام عينك لكن الانتساب اختبار واحد تشدي حيلك طول الترم وتاخدي الأسئله الدوريه من الانتظام وتشوفي اسلوب الدكتوره في الاختبار واستحااااااااااااااااااااااااااااااااااله الدكتوره تسوي اختبارات للأنتظام شعبتين أو اكتر كم اختبار دوري ونهائي كمان وتبغيها تسوي للإنتساب مو من الفضاوه والا الإخلاص الي عندهم خلاص انظري للإيجابيات المواضيع دي ابدا مانبغاها في المنتدى وإن شاء الله قريبا حنحط موضوع فضفضه للكل يصير المواضيع الي زي كدا تنحط فيه والكل يحاول يخفف على التاني بس بشرط ماتحسي بالشعور دا مره تانيه عارفه طولت عليكي واتكلمت كتير بس عشان مابغاكي تحسي بالشعور دا ابدا بنت خالو انتساب وضروفها مو تمام وعندها أطفال ودرجاتها أفضل مني ..لأنها انسانه عندها هدف وعندها طموح ..عارفه حتقولي الجامعه تقتل ومو عارفه ايش اتخيلي نفسك في حرب وانتي لازم تجتهدي عشانها مهما كان لاتتكلمي كدا وإنسي وابدأي صفحه جديده كلها إجتهاد إبدأي دبري كتب للمواد الي حتاخديها تكون مخططه وواضحه ..
إستفسار عن أسماء الكتب+ (If you don't need your book)
^
من هنا
بعدها إجمعي أسئله الإختبارات تبع المواد وخدي فكره عنهامن المنتدى .. وقولي بسم الله الرحمن الرحيم وابدأي
ولو شفتك تردي بكلام مو حلو وفيه إستسلام أو ضعف مرة تانيه حتتلطشي لاتخلي الشيطان يدخل في راسك

[سوسه نوسه]

يؤيؤيؤيؤ وش ذا ياحنين الود طيب ياقلبي جربتي النظام للسنه التحضيريه ولااقول خليني اسكت شكلي جد اتلطش

[حنين الود]

المشاركة الأصلية كتبت بواسطة سوسه نوسه يؤيؤيؤيؤ وش ذا ياحنين الود طيب ياقلبي جربتي النظام للسنه التحضيريه ولااقول خليني اسكت شكلي جد اتلطش

اختي جربت وتعبت ماكذب عليكي حتى انا جربت السنه التحضيريه بس ماكان فيها رياضيات بس إحصاء اختي جربت الرياضيات ورسبت فيها
يادبدوبه ربنا يحب المؤمن القوي خليكي قويه عارفه كلامي قاسي بس والله حنرتاح لما نتخرج احنا حنتعب حنتعب صح ؟ مافي فايده من الأحاسيس الي بنحسها والتذمر وزي كدا مدام احنا حنعديها بالحلو والا بالبطال الاختيار الوحيد الي في يدنا انو احنا نمشي الدنيا ونكون مبسوطين رغم المشاكل والصعوبات الي نواجهها او انو نستسلم ونحسها سنوات شقا واحنا الي نختار ممكن نضيع فتره بس نرجع نتقوى ونساعد بعض ولو شفنا احد مننا ضيع طريقه او واجه شي صعب بحياته نشد عليه ونقويه وكلنا واحد

[سوسه نوسه]

ارجوا من الاداره حذف الموضوع لانو راح اتلطش شكلي من حنين الود
ياااااااااااااااارب انت تعلم بحالنا

[سوسه نوسه]

طيب مشكورة حبيبتي انا راضيه والحمدلله بس في ظلم انا قصدي

وبس الحمدلله على كل حاااااال

وسلاااامتكم