السنه التحضيريه في سطور >> منقول

[مودي قود افتر نون]

بـــســـم الـــلــهـ الـــرحـــمـــن الـــرحـــيـــم





الــســـلام عـــلـــيـــكــم ورحـــمـــة الـــلـــهـ وبـــركــااتــهـ ... أما بـعـد:

اخواني وأخواتي الأعزاء أنا أحد طلبة السنة التحضيرية العام الماضي ... وكانت السنه جديدهـ عليا
وخصوصاً انو ما كان في دفعة قبلنا نستفسر منهم ولا نسألهم وناخذ رأيهم في مواد أو شيء ...
والحمدلله اجتزت هذه المرحلة بنجاح وإليكم نبذهـ مختصرهـ عن تجربتي مع هذهـ السنة التحضيـريـهـ


المليئة بالمغامرات ...

-أول شيء ياريت تغيروا نظرتكم للدراسة الثانوية وتاخذوا الدراسة في الجامعة بجدية شوية ... السنة

التحضيرية أبداً أبداً أبداً مو صعبهـ وفي نفس الوقت أبداً ابداً ابداً مو سهلة ( لا تخاافو مرهـ سهلهـ بس

يبغالها اهتمام واجتهاد واصرار وعدم يأس .. عدم اليأس حطو تحتها ألف وخمسمية وتسعهـ وثمانين

واربعطعش واثنين ونص خط !! )

-ثاني شيء وبرضو جداً مهم ... أول يوم في الجامعة ... راح تشووف معاك مجموعة طيبهـ من

البشر في الكلاس ... طبعاً أول ما تدخل خلي أول شيء بعد ما تسلم وتوزع ابتسامات للشعب الصف

الأول في الكلاس .. شووف فين اقرب مكان مناسب تقدر تشووف منو السبوورهـ تماام واجلس

فيهـ ... طبعا راح تحس نفسك دافور جدا في بداية الأمر وهذا هوا المطلووووووووب ... احسااسك هذا حيخليك نفسيا تجتهد أكثر وكمان راح يحبب المحاضر فيك وحيفيدك في كثير أشياء زي

مثلاً لما تسأل المحاضر سؤال يحترمك ويجاوبك ويهتم انك تكون فاهم اكثر من طالب ثاني في

الصفوف الخلفيهـ ... لأنك مهتم ويهمك تكون قريب منو ... ونظرة الطلاب لك كمان راح تكون

حلوهـ ...

-ثالث شيء الصحبة الطيبة ... من أهم الأشيااء برضوو ... لأن الجماعة أقوى من الفرد والجماعة

تساعد بعضها في كل شيء ... ما راح تتخيلو قد ايش أنا استفدت من الدراسهـ الجماعية ولما صااحبي

يووقف معايا ... ولما أيأس ينصحني ... ولما أتعب يسندني ... ولما يطلع خبر ولا قرار يطلعني

عليهـ ...

صراحة وقفة الشباب معايا الله يسعدهم كانت من أحلى الحاجات اللي حصلتلي ... وقوتني كثـير في

دراستي وخلتني اصبر واتحمل ... لأنو احنا ناس وأكيد الناس انسان والانسان بشر ... يطفش

وينقهر ويتعب ولازم يلاقي واحد واقف معاهـ ويمر بحالااتو ويصبرو ويذكرو في نهاية السنه ايش

حيصير ان شاء الله لو اجتهد وتعب ...

الأصحاب ما تختارهم الا بعناية ... ولازم يكونو طمووحين ومجتهدين زيك ان شااء الله ... أبعد عن الناس اللي تحبطك ولا تاخذ بكلامهم أبداً أبداً أبداً ... لأنو هوا مو فارقهـ معاهـ ... مايبغا يجتهد

ولا يتعب ... خليك أحسن منهـ وحطو على جنب ... ودائما خليك واثق من نفسك وخلي شعااركـ
"If he can ... I can"


في الكلام عن الصحبة الطيبهـ ... في واحد من الشباب في مجموعتنا الجملية يقووول لنا دايما كل

ما نخلص من فترة اختبارات الحمدلله انو جمعنا مع بعض وخلانا نساعد بعض ونوقف مع بعض وأنا


ما صار مستوايا زي كذا إلا بفضل الله ثم بفضلكم يا أخواني

طولت عليكم في موضوع الصحبة الطيبة اعذروووني ... بس لاحظوا كل ما أكتب كلمة صحبة ,,

أكتب جمبها طيبة !!

-رابع شيء وبرضو شيء مهم جداً ... الإنتظاااام ... لازم تنتظم وتتابع أول بأول مع المحاضر ...

أول شيء عشان تستفيد وترتاح في مذاكرتك وتحصل درجات ممتازهـ ان شاء الله ... وثاني شيء لو

غبت في مادة عدد معين من المحاضرات بدون عذر لا سمح الله راح تتعرض للحرمان من المادهـ

والعيااذ باللهـ ... وانتا سنة تحضيرية على قوول واحد من الأساتذهـ اسمك لسا مكتوب

بالرصااص ... اشلك واشل المشااكل ووجع الراااس والجري ورا الدكتارهـ ... خليك بكرامتك

وأحضر ما راح تخسر شيء بالعكس راح تستفيد جداً ...

-خامس شيء ... جو الجامعة ... راح تحس صراحة بمتعهـ عجيبهـ في الأيام الدراسية لأن الوضع

جديد عليك وغير عن الثانوي ... راح تمشي من مبنى لمبنى وتدخل من كلاس لكلاس ثاني ... راح

تحس من جد انك طالب علم ( الله يخلف عالثاانوي بس ) ... تمشي ورا الشيء وتسعى له ...

راح يكون المشي في البداية صعب عليكم شويهـ ... لكن مع الوقت تتعودوا ان شااء الله والمباني قريبهـ

من بعض نسبياً ... بالنسبهـ للشباب ... احب اديهم عبارهـ يحطوها في بالهم ... (( كل ما حركت

بدري للجامعة زادت فرصتك للحصول على موقف لسيارتك قريباً من المباني ))

هذي إن شاء الله أهم الحاجات الأساسية اللي لازم تخلوها في بالكم ...


والأهم الأهم الأهم الأهم الأهم ... رضا اللـه عنك ... لأنو كلنا عارفين انو ربنا فوق كل شيء وهوا

اللي بيدهـ يوفقك وييسر لك أموركـ ...

ثم رضا الوالدين ... لأنو بإذن الله دعوهـ من أحد أبويك ممكن تقلب الأمور كلها وتفتحها عليكـ ...

وحصلت معايا كثير موااقف ... أحيانا اكون مقصر شويهـ في درساتي لمادهـ وأصحى الصباح استعد

اني اروح للاختباار وتسألني الوالدهـ الله يحفظها كيف درست ؟؟ ايش سويت ؟؟ واطأطؤ رأسي

خجلاً واقولها ان شااء الله أنجح وتقوولي ربي يوفقك وينجحك واقول آآمين واحرك للجامعهـ

وادخل القاعهـ واختبر ... والحمدلله يجيني الاختبار واحل فيه بكل ارياحيهـ وطمأنينة وأجيب درجهـ ما

كنت متوقعها ابدا الحمدلله ...لكن ربك فوووق ويسمع للمنادي ودعوة الأم والأب من أفضل الحاجات

في الدنيا ...


ندخل في الموااااد ...

بالنسبهـ للمواد راح اذكر لكم طريقتي الخاصهـ انا والشباب اللي كنا نتلكم عنهم فوق .. (الصحبة

الطيبهـ)

وهذا مو معناتو انو لازم تسوو زينا ... لأنو معروف لكل طالب طريقتو الخاصهـ في الاستذكار ...

الطريقهـ اللي تريحهـ وتخليهـ يستفيد أكثر استفادهـ ...

طريقتنا مع المواد ... طبعا بعد الأشيااء الأسااسيهـ اللي كتبتها في أول الموضوع ...

طبعا انا قابلتني في البداية خطة ب ... فـ بالنسبهـ لهذي الخطهـ ... فيها هذي المواد ...

خطة ب:

أحياء , انجليزي , كيمياء واحصاء ...

نبدأ بالأحياء:

صراحة من المواد اللي يبغالها اهتمام كبير ومتابعة أكثر شوية من باقي المواد ... حاول انك في

المحاضرهـ تكون منتبهـ ومتابع للمحاضر وتحاول تحضر النقاط الأساسية قبل المحاضرهـ ...

وأحسن لو تطلب المحاضر السلايدات (شرائح عرض) البوربوينت اللي يشرح منها الدروس ...

عشان تتابع معاهـ بطريقهـ فعالهـ وتترجم الكلمات اللي تكون صعبهـ عليك عشان لا سمح الله ما تنزنق

في الوقت قبل الاختبار بأيام ... لمادة الأحياء بنك أسئلة اختيارات واحنا ما كانو يدونا هوا الا قبل

الاختبارات بفترهـ قصيرهـ نوعا ما ... ياريت لو سوو لكم بنك اسئلهـ تاخذوهـ من شعبة الأحياء

بدري عشان تقدرو تترجموهـ وتذاكروهـ ... وطبعا بنك الأسئلهـ تجي منو اسئلهـ في الاختبار نصباً

مع تغيير بسيط في الاختيارات أو في نفس السؤال ويشمل أكثر الاختبار تقريباً ... طبعاً اسألو


الشعبهـ

عن كل صغيرهـ وكبيرهـ لأنكم محتاجين كل درجهـ واسألو النظام أتغير عن الدفعهـ اللي فاتت ولا لأ

قبل كل شيء ... أدو للبنك اهتماام ... ويحتاج جهد في الترجمهـ والحفظ ...واكيد مافي شيء صعب

عالمجتهد !!


الإنجليزي:

طبعا اللغة الإنجليزية من أهم المواد اللي لازم نتعلمهـا صح لأنو مستقبلك يبنى عليهـا ... وإنت

تخصص علمي يعني مادهـ اساسيهـ عندك وكل موادك باللغة الإنجليزية ... هذي النقطهـ فكرتني

بشيء اساسي المفروض كان كتبتهـ في أول الموضوع ... اللي هوا لا تخااف أبدا من اللغهـ الانجليزيهـ

وتخليهـا عائق لك في دراستك بسبب انو موادك كلها انجليش ... بالعكس الموضوع تحسهـ غريب في

البداية لكن مع الوقت راح تتعود عليهـ ان شااء الله ... وراح تحس إنو سهل عليك حاجات كثير ...

حب اللغة واديها اهتمام ... لا تقوول أنا ضعيف في الانجليزي ابداً لأنو هذا الشيء راح يخليك ما تحب

المادهـ ... كثير من الطلاب كانت انجليزيتهم مش ولا بد وعدو المطب الخفيف ودخلو أحسن

التخصصات ... الإنجليزي مو عائق أبداً أبداً أبداً ... في برووفيسوور كان يقلنا في احد الكلاسات ..

(Study hard ... language is not a problem) هذي العبارهـ برضو حطو

تحتها الف وتسعميهـ وخمسهـ وثمانين خط ...

ودراسة الانجليزي للإستعداد للإختبار مو صعبهـ لو كنت متابع أول بأول ان شااء الله ...

والإختبارات طيبهـ ومعقوولهـ ...


الكيمياء:

الكيمياء مادة يبغالها اهتمام زيادهـ شويتين كمان ... وعن نفسي صراحهـ كنت ما أديهـا حقهـا

كويس ... لكن ان شااء الله انكم أحسن مني وما تضيعوا فيها درجات لأنكم في حاجتها ...

طريقتي في المذاكرهـ ... كنت أدرس من شيتات (ملازم وأوراق عمل) لمدرس خصوصي اسمهـ

أ.حسن وحيد ... وكنت اقراا شويهـ من الكتاب وشوية من الأوراق اللي كان يوزعها علينا محاضر

المادهـ ... وطبعا المفروض مرجعك الرئيسي الكتاب ... وتحل منو وتستعين بالملخصات والأوراق

الباقيهـ بعد ما تخلص منو ... بس انا ما سويت الصح وقصرت في حق المادهـ لأني جبت درجهـ

حلوهـ في الاختبار الأول الحمدلله واستهترت في المادهـ شويهـ وقلب الموضوع ضدي بعيد عنكم

ان شااء الله ...


الإحصاء:

مادهـ يبغالهـا تركيز وفهم وحفظ شوية ... أنا عن نفسي كنت اذاكرها من الكتاب وكل محاضرهـ احصاء كنت اتابع بالكتاب ... وأكتب فيهـ ملاحظاات مع البروفيسور ... المادهـ مو مره سهلهـ ومو صعبهـ ... أديها اهتماام وحتكون طيبهـ معاك ... استغلوا أول اختباار وجيبوا فيه درجات ممتازهـ لأنو ان شااء الله سهل راح تكون مواضيعو لما تذاكروهـ تمام ... والإختبار الثاني اتعبو شويهـ قبلو لأنو فرق عن الأول شويتين ...

الإحصااء لو اديتو حقو تمام راح تحس انو المادهـ جدا سهـلهـ ... ولو قصرت أكيد راح تحس العكس

لا تضيع منكم المادهـ أبدا ... يقوولو في لها شيتات من المهندس الراائع أشرف بركات ... أصحابي

يقولو انهـا طيبهـ بس انا ما جربتها ...

وأخيرنا كولولولولولولولوولولولوش خلصنا ترررررررررررررررررررم حافل جدا

بالنسبهـ ليا الترم الثاني كان أسهل بكثير طبعا في ناس تقوول العكس ... ولكل واحد رأي ...


الترم الثاني راح تاخذو المواد اللي اخذووهـا اخواانكم وأخوااتكم في خطة أ اللي هيا :

مهارات الإتصال, اساسيات الحاسب, انجليزي, رياضيات وفيزياء ...

مهارات الاتصال:

مادة سهله جداً جداً أديها حقها شويهـ بس ... راح تشووف كلام كثير لكن خذو بمفهوم عقلكـ

وتفكيركـ ... كثير من الأسئلهـ في الاختبار راح تحس انها جداً سهلهـ ... لكن ذاكر المادهـ كويس

عشان تجيب ان شاء الله الفل مارك وترفع لك المعدل ... لا تهملوووها الله يرضى عليكم ...

الانجليزي:

نفس كلام الترم الأول ما راح ازيد عليهـ إلا ربي يوفقكم ويسهل عليكم ... استغلو اللغهـ وادرسوها

كويس ... في ناس بدأت من الصفر وعدت الحمدلله ...

أساسيات الحاسب:

مادهـ سهلهـ وحلوهـ ... استغلووهـا وجيبو فيها درجات عشان ترفعوا معدلكم ان شاء الله ... ولا

تستهتروا فيها ابداً ... فيها معلومات سابقهـ كـثير و معلومات جديدهـ ...

الرياضيات:

مادة يبغالهـا اهتمام شوية ... مو صعبهـ مرهـ ولا سهله ... أديها حقها تجيب درجهـ ممتازه فيها ان

شااء الله ... عن نفسي كنت ادرسها من أكثر من مصدر ... كنت أدرس شيتات مدرس خصوصي

اسمه أ.عبدالعزيز الحريشي ... وكنت اتطلع على كتاب البروفيسور أبوجبل ... وأهم حاجهـ وقت

الاختبارات نصيحهـ لوجه الـلهـ , حل المسائل اللي ينزلها بروفيسوور أبو جبل بنفسك وأتعلم من

اغلاطك وانـتا تحل طبعا بعد ما تختم المنهج أول حاجه ... المساائل هذي تلقاهـا بعدة طرق ... يا

تسأل الطلاب اللي يدرسوا عند البروفيسور نفسو ... يا تروح مكتبة دار العلوم اللي في نفس كلة العلوم

تحت ... ياتروح لمكتب البرووفيسور وتسألو ... وحبذا لو تسأل عنها قبل ما تروح المكتبهـ عشان

تاخذ الاصدار الجديد منها ...

أخيراً الفيزياء:

من المواد الحلوهـ مرهـ واللي تحتاج فهم وحفظ في نفس الوقت .. المادهـ يبغالهـا تركيز واهتمام ...

أديهـا حقهـا وراح تكوون مرهـ سهله ان شاء الله معاك ... أنا عن نفسي كنت أدرسها من شيتات

المدرس الراائع المهندس أشرف بركات الـله يعطيه العافيهـ ... صراحة الشرح في الأوراق رائع جدا ً

ويبسط المادهـ مرهـ ... ويفك التعقيد القليل اللي فيها ...




في النهااية ما أقول إلا الحمدلله والصلاة والسلام على اشرف خلق الـله سيدنا محمد وعلى آله وصحبهـ أجمعين ....

لا تنسوووني ووالديُ والنااس اجمعين من الدعاء ...

واتمنى لكم التوفيق جميعاً وإن شاء اللهـ تمر السنهـ سهلة وممتعهـ لكم ... واتذكروا دايما .. "لكل مجتهد

نصيب"




أي سؤال أو استفساار عن السنهـ التحضيريهـ ان شااء الله راح اكون تحت أمركم ... وياريت أي احد

عندهـ خبرهـ أو اضاافهـ يزيد على كلامي عشان الدفعهـ اللي بعدنا تستفيد ان شااء اللهـ ...

حبيت يكون المووضوع في البدايه لانو المووضوع نزل السنه الي فاتت
فياريت تقروه لانو الشخص دا عزيز عليا واهل للثقة
منقول من اخويا wizzy

[انثى مخمليه]

والله العظيم كلام كبييييير ورااائع

قرأت الموضوع بذمه واستفدت منه كثثثثثثثثثثير

مشكووور وجزاك الله ألف خييير

[حطموووك ياقلبي]

ناااااااااااااااايس

[haay]

thaaaanks

[طموح بيشو]

كلام رائع ومفيد
جزيت خيرا
الله يسهل علينا السنه التحضيريه ويوفقنا واياك يارب

[a7la-banota]

جزاك الله خير ع الافادة
والله اناام مررره خايفة انو موادنا كلها بالانجليزي بس انت شويا خففت الخوف
يعطيك العافية

[shao0aga]

جزااك الله خير ع الموضوع المفيد ..

[عاشق الهندسة]

رفعت من معنوياتي
الله يجزاك خير ويكثر من امثالكـــ

[حلا المنتدى]

الله يجزاك كل خير

والله كنت خايفة بس الحمدلله احس اني ارتحت

ان شاءالله في ميزان حسناتك يا رب

[حلا المنتدى]

الله يجزاك كل خير

والله كنت خايفة بس الحمدلله احس اني ارتحت

ان شاءالله في ميزان حسناتك يا رب