عشان لا توهي زيـّي , ابدأي صح

[كاساديا]

مرررررررررحبا جميعا ..
__________

غبت صحيح عن المنتدى ولكن اكتفيت بوجودي البصري حتى يكون هناك عودة كتابيه وهذي عودتي ..
اول شي اكيد كلنا هيصنا وانبسطنا في الاجازه ولله الحمد واكيد صارتلنا مواقف ما نبغى نفتكرها اساسا وبرضو الحمدلله .
جييينا للجامعه ورجعنا للقرف والكرف واللعب بالاعصاب ,
وكلمة تودي وكلمة تجيب وكل الي شفتو والي سمعتو هو كـ التالي:
بنات تحضيري مهم عارفين راسهم من رجلهم.
عشرين مره اشوف هالجمل ,,
1- بناااااااااااات انصحوني في جدولي ايش اخذ
2- بنات ايش رايكم في الاستاذه الفلانيه
3-بنات لو سمحتو ابغى انزل مواد سهله عشان ارفع المعدل قولولي رايكم
4- بنات الاوديس قفل ايش نعمل
5- انا حتجنن من الجامعة ياناااااااااس ساعدوني

واكثر واكثر..
كل الي رح اقولو اننا اصبحنا طالبات جامعيات يعني سبنا ماصات الدراسة ورانا والمريول سلمنا عهدتو للي بعدنا
يعني المرحله هذي مفترق طرق .
بس مجرد اسئلة رح اطرحها,
الجامعه هي الجامعه من يوم ماتاسست للأن طبعا اكيد اتطورت واتغيرت بس حكاية الفوضى وعدم وجود النظام الي بداية كل ترم جدا وارده
وخصوصا في اي منشاة تعليميه , يعني ليش كل كمية التذمر هذي ؟
ومع ذلك الى الآن بندرس ومكملين فيها , يعني دام الدراسة منتي راضيه عنها ولا اساتذه راضيه عنهم ولا مواد عاجبتك ولا طريقة دراسه ووظايف مافي
والشغله كلها واسطه , جالسه للأن تدرسي ليش؟
عشان اهلك؟
ولا عشان يقولو فلانه جامعيه؟
وكيف تستني من احد انو يقولك الاستاذه هذي رائعه ولا هاذي تخوف ولا هاذي ظالمه دام كللل وحده رح تجاوب من تجربتها الخاصة؟
ياستي طيب قفل الاوديس وين المشكله يعني تحرقي عصابك وترسلي رسايل سلبيه لمخك وتبدأي مرحلة الخذلان الي لها اول مالها تالي؟
من خلال معرفتي المتوااااضعه جدا في نظام الكليه سنه وبعدها نظام الجامعه:
ماراح اقول ايش الافضل لاني مو ف موضع تقييم ورح تعتبر اجابتي من تجربتي الخاصه,
خلاصة الكلام :
* حددي انتي تدرسي ليش عشان نفسك وثقافتك وتخلي نفسك قبل اهلك فخورين ولا عشان انتي ايش تنقصي عن غيرك زيك زيهم وفلانه وعلانه ؟
* لا تسمعي لاي احد يقولك بإستخفاف ايييش التخصص هذا ! ولا مالو مستقبل!
سواء كنتي جغرافيا او عربي او تاريخ او انقلش او دراسات ايا كان تخصصك..
* ولا تسمحي لاحد يحبطك لانه ثقتك في نفسك وفي ربك قبل اي شي هيا الي رح توجهك للأفضل.
* لا تستني احد يقولك هذي الاستاذه جيييده وذي لأ ,
* لمن تجي تسالي عن الاستاذه اسالي عن الي يناسبك والنقاط المهمه يعني بدل لا يكون سؤالك كيف هي جيده ؟
حددي اكثر.. يعني انتي لو تفضلي نظام الاستاذه الي شرحها سرد بس من كتاب وتأشير واسئلة موضوعيه اسألي عن طريقتها واختباراتها ..
ولو تناسبك الي شرح بوربوينت وتخطيط واسئله مقاليه أسألي عن الي يناسبك مو جيييده ولا لأه..
ولو يهمك اذا تحاسب ع حضورك وغيابك وطريقة لبسك وايش الي مسموح والغير مسموح اسالي عن كذا برضو ..
عشان تتعاملي صح مع كل وحده ولا تبخسك في حقك.
حتقوليلي طيب انا بسأل عن الاستاذات كيف جيده ولا لأ لانو بستفيد من تجربة غيري عشان اتعلم,
اقولك كوّني خطك الخااااااااااص ولا تتبعي خط احد,
* يعني لمن تكوني مذاكره واخلاقك لا يعلي عليها وشكلك عاكس مضمونك وواثقه ف ربك سبحانه وتعالى
محد يقولك ثلث الثلثه كم , حتقوليلي,,
طيب في استاذات مايعجبهم العجب ولا الصيام ف رجب ارد واقولك دامك سويتي كللل الي عليكي ومتاكده انك صح ولا قصرتي ف حقك اولا
وف حق اي شي ثانيا خلاص اتركي الباقي لله.
وان ما اخذتي حقك في دنيا الا ماتخذيه في الاخره ربك مايظلم عبااااده لو ايش ماصار.
* اسألي واستفسري في المنتدى اوكي ما اختلفنا لانو اساسا ما حطوه الا لهذا الغرض لكن قبل لا تتخذي اي اجراء اتاكدي وكوني ذكيه
في خياراتك واذا كانت المعلومات الي عرفتيها لها تفرعات ثانيه تعالي حطيها هنا وانتي متأكده وبطريقه مقنعه مو مجرد,
انا والله سمعت انو .......
ولا وحده من البنات سمعت انو .......
لانو مره عيب تتخذي اي خطوه ف حق ذاتك بناء على جملت سمعت ولا قالو ..
* اي اشاعه تسمعيها واي شي يوصلك من اي بنت روووحي انتي بنفسك واستفسري
لا تقولي استحي ولا مااعطوكي وجه لانو من ابسط حقوقك انهم يمدوكي بالمعلومات الي تناسبك
سنتري عند الشؤون خليهم يحفظو شكلك المهم حقك تعرفيه والي لكي والي عليكي

* صح في مواد سهله ومواد صعبه بس في النهايه كلها معلومات وانتي تتحدي نفسك في استيعابها
اتحدي نفسك وفاجئيها مو مشكله لو اخفقتي , عادي طيحي وارجعي اوقفي
وفي النهاية : احب اقول لكل بنت تعطي معلومه من راسها بدون مصدر موثوق ياريت تحتفظ فيه لذاتها
لانها بكذا توهت نفسها وغيريها وببساطه الي تعرف تذكر مصدرها سواء كان استاذه او اي مكتب في الشؤون
او رابط موقع
والي ماتعرف يااااااازين جملة ( حبيبتي ما اعرف إن شاء الله البنات يفيدوكي)

واي مساعده او استفسار انا اختكم وموجوده الله يقدرني اكون لكم
(الي حبيت انه احد يكون لي هوا) اووول مادخلت الكليه
وإن شاء الله افيدكم واستفيد وكل ذا بطريقه عقلانيه و مقنعه وماراح اقول مثاليه لكن اقرب للصواب

ودمتم مبتسمين وعام دراسي موفق للجميع ان شاء لله

[حكـــــــ قلب ـــــاية]

ماشاء الله تبارك الرحمن

كلامك عين العقل

الله يوفقك يارب ويسعدك

[طيوفهـ]

أهنيييك صراحه
ماشاء الله عليتس
ربي يحفظتس
كلام عال العال وماعليه اعتراض :)

[بنت المملكة]

مآآ شآآء آلله ..!!
آلله يسعدكـ يآآآ شيخه كلآآمك صح 100%
ويديكـ آلعاافيه يآآ عسل ..!!
باالتووفيق ياارب ..!!

[girl_sweet]

وشسمه كلام رااااااااائع
تسلمين يابعدي ^_^

[سوسوs]

لي عووووده إن شاء الله
لكن لن أخرج من هذه الصفحه إلا وأكوون قد دعووت لك دعوووه في ظهر الغيب..
وجزاك الله خير الجزاء...
وإن شاء الله لي عووده للتعليق ع الكلام الأكثر من راااائع سلمت يداااك غاليتي.. (:

[joudy Abbout]

المشاركة الأصلية كتبت بواسطة كاساديا مرررررررررحبا جميعا .. __________ غبت صحيح عن المنتدى ولكن اكتفيت بوجودي البصري حتى يكون هناك عودة كتابيه وهذي عودتي .. اول شي اكيد كلنا هيصنا وانبسطنا في الاجازه ولله الحمد واكيد صارتلنا مواقف ما نبغى نفتكرها اساسا وبرضو الحمدلله . جييينا للجامعه ورجعنا للقرف والكرف واللعب بالاعصاب , وكلمة تودي وكلمة تجيب وكل الي شفتو والي سمعتو هو كـ التالي: بنات تحضيري مهم عارفين راسهم من رجلهم. عشرين مره اشوف هالجمل ,, 1- بناااااااااااات انصحوني في جدولي ايش اخذ 2- بنات ايش رايكم في الاستاذه الفلانيه 3-بنات لو سمحتو ابغى انزل مواد سهله عشان ارفع المعدل قولولي رايكم 4- بنات الاوديس قفل ايش نعمل 5- انا حتجنن من الجامعة ياناااااااااس ساعدوني واكثر واكثر.. كل الي رح اقولو اننا اصبحنا طالبات جامعيات يعني سبنا ماصات الدراسة ورانا والمريول سلمنا عهدتو للي بعدنا يعني المرحله هذي مفترق طرق . بس مجرد اسئلة رح اطرحها, الجامعه هي الجامعه من يوم ماتاسست للأن طبعا اكيد اتطورت واتغيرت بس حكاية الفوضى وعدم وجود النظام الي بداية كل ترم جدا وارده وخصوصا في اي منشاة تعليميه , يعني ليش كل كمية التذمر هذي ؟ ومع ذلك الى الآن بندرس ومكملين فيها , يعني دام الدراسة منتي راضيه عنها ولا اساتذه راضيه عنهم ولا مواد عاجبتك ولا طريقة دراسه ووظايف مافي والشغله كلها واسطه , جالسه للأن تدرسي ليش؟ عشان اهلك؟ ولا عشان يقولو فلانه جامعيه؟ وكيف تستني من احد انو يقولك الاستاذه هذي رائعه ولا هاذي تخوف ولا هاذي ظالمه دام كللل وحده رح تجاوب من تجربتها الخاصة؟ ياستي طيب قفل الاوديس وين المشكله يعني تحرقي عصابك وترسلي رسايل سلبيه لمخك وتبدأي مرحلة الخذلان الي لها اول مالها تالي؟ من خلال معرفتي المتوااااضعه جدا في نظام الكليه سنه وبعدها نظام الجامعه: ماراح اقول ايش الافضل لاني مو ف موضع تقييم ورح تعتبر اجابتي من تجربتي الخاصه, خلاصة الكلام : * حددي انتي تدرسي ليش عشان نفسك وثقافتك وتخلي نفسك قبل اهلك فخورين ولا عشان انتي ايش تنقصي عن غيرك زيك زيهم وفلانه وعلانه ؟ * لا تسمعي لاي احد يقولك بإستخفاف ايييش التخصص هذا ! ولا مالو مستقبل! سواء كنتي جغرافيا او عربي او تاريخ او انقلش او دراسات ايا كان تخصصك.. * ولا تسمحي لاحد يحبطك لانه ثقتك في نفسك وفي ربك قبل اي شي هيا الي رح توجهك للأفضل. * لا تستني احد يقولك هذي الاستاذه جيييده وذي لأ , * لمن تجي تسالي عن الاستاذه اسالي عن الي يناسبك والنقاط المهمه يعني بدل لا يكون سؤالك كيف هي جيده ؟ حددي اكثر.. يعني انتي لو تفضلي نظام الاستاذه الي شرحها سرد بس من كتاب وتأشير واسئلة موضوعيه اسألي عن طريقتها واختباراتها .. ولو تناسبك الي شرح بوربوينت وتخطيط واسئله مقاليه أسألي عن الي يناسبك مو جيييده ولا لأه.. ولو يهمك اذا تحاسب ع حضورك وغيابك وطريقة لبسك وايش الي مسموح والغير مسموح اسالي عن كذا برضو .. عشان تتعاملي صح مع كل وحده ولا تبخسك في حقك. حتقوليلي طيب انا بسأل عن الاستاذات كيف جيده ولا لأ لانو بستفيد من تجربة غيري عشان اتعلم, اقولك كوّني خطك الخااااااااااص ولا تتبعي خط احد, * يعني لمن تكوني مذاكره واخلاقك لا يعلي عليها وشكلك عاكس مضمونك وواثقه ف ربك سبحانه وتعالى محد يقولك ثلث الثلثه كم , حتقوليلي,, طيب في استاذات مايعجبهم العجب ولا الصيام ف رجب ارد واقولك دامك سويتي كللل الي عليكي ومتاكده انك صح ولا قصرتي ف حقك اولا وف حق اي شي ثانيا خلاص اتركي الباقي لله. وان ما اخذتي حقك في دنيا الا ماتخذيه في الاخره ربك مايظلم عبااااده لو ايش ماصار. * اسألي واستفسري في المنتدى اوكي ما اختلفنا لانو اساسا ما حطوه الا لهذا الغرض لكن قبل لا تتخذي اي اجراء اتاكدي وكوني ذكيه في خياراتك واذا كانت المعلومات الي عرفتيها لها تفرعات ثانيه تعالي حطيها هنا وانتي متأكده وبطريقه مقنعه مو مجرد, انا والله سمعت انو ....... ولا وحده من البنات سمعت انو ....... لانو مره عيب تتخذي اي خطوه ف حق ذاتك بناء على جملت سمعت ولا قالو .. * اي اشاعه تسمعيها واي شي يوصلك من اي بنت روووحي انتي بنفسك واستفسري لا تقولي استحي ولا مااعطوكي وجه لانو من ابسط حقوقك انهم يمدوكي بالمعلومات الي تناسبك سنتري عند الشؤون خليهم يحفظو شكلك المهم حقك تعرفيه والي لكي والي عليكي * صح في مواد سهله ومواد صعبه بس في النهايه كلها معلومات وانتي تتحدي نفسك في استيعابها اتحدي نفسك وفاجئيها مو مشكله لو اخفقتي , عادي طيحي وارجعي اوقفي وفي النهاية : احب اقول لكل بنت تعطي معلومه من راسها بدون مصدر موثوق ياريت تحتفظ فيه لذاتها لانها بكذا توهت نفسها وغيريها وببساطه الي تعرف تذكر مصدرها سواء كان استاذه او اي مكتب في الشؤون او رابط موقع والي ماتعرف يااااااازين جملة ( حبيبتي ما اعرف إن شاء الله البنات يفيدوكي) واي مساعده او استفسار انا اختكم وموجوده الله يقدرني اكون لكم (الي حبيت انه احد يكون لي هوا) اووول مادخلت الكليه وإن شاء الله افيدكم واستفيد وكل ذا بطريقه عقلانيه و مقنعه وماراح اقول مثاليه لكن اقرب للصواب ودمتم مبتسمين وعام دراسي موفق للجميع ان شاء لله

اهلا عزيزتي

اتفق معك في كثير مماناقشتِ

ولكن يظل التسيب ديدنهم

ويبقى ولو طالب مسلوب الحقوق وغير راضي

صدقيني ان اتبعنا سياسة الاحسان والخوف من الله

لن يحصل كل ذلك

طالبه ترسب فجاءه تريد ان ترى ورقتها ولاتستطيع >> حقيقة وليست خرافه

حذف واضافه يعمل للبعض والاخر لايستطيع وتنتهي ماساته بشعبب متاخره الى الساعة الثالثه

كل هذا لماذ لانه لايوجد عقل ولااحسان ولاتفكير بمصالح الغير

الانا (الانانيه) شغلتنا كثيرا عن غيرنا

هدانا الله واصلحنا

واراح بالنا واسعدنا في جامعتنا

تحياتي

[كاساديا]

joudy abbout

كل الشكر لمرورك واتفاقك معي في كثير مما ناقشت وبالنسبه لـ :

طالبة ترسب فجاه وتطالب بورقة الاختبار ولا حياة لمن تنادي<<تاكدي مافي احد (يدرك هذه الحقيقه مثلي)
لان الموضوع هذا صار لاقرب صديقاتي ولكن اكتفاء الطالبه بمحاوله اولى فقط وعدم اصرارها هنا ممكن يكون سبب جعل مشكلتها واقع وحقيقه
..
خليني اقولك كيف اتصرفنا ولك حريه الرد بوجهة نظرك :
طبعنا ميثاق الطالب اليي موجود في الموقع حق الجامعه ورحنا للوكيله واشرنا ع نفس النقطه الي تقول ان الطالب له كامل الحق في حالة تاكده من درجته ان يراجع الاستاذ ويطالبه برؤيتها.
هذا مو حق وصراحه كانت قمه في الروعه أ/ اسماء الاهدل
ورحنا للاستاذه وراجعنا الورقه وطلعت البنت ناجحه
وعدلت درجتها وأشادت باصرار البنت ووعيها حول حقها
وغير كذا دوام الحال من المحال عزيزيتي وارضاء الناس غايه لاتدرك
ويكفي وعينا بـ (ديدنهم) ومااازلنا ننجز بالرغم من ذلك
كل الود والاحترام لوجهة نظرك..
ودمتي مبتسمه<<قولي امين

[R!iR!i]

المشاركة الأصلية كتبت بواسطة joudy abbout اهلا عزيزتي

المشاركة الأصلية كتبت بواسطة joudy abbout اتفق معك في كثير مماناقشتِ ولكن يظل التسيب ديدنهم ويبقى ولو طالب مسلوب الحقوق وغير راضي صدقيني ان اتبعنا سياسة الاحسان والخوف من الله لن يحصل كل ذلك طالبه ترسب فجاءه تريد ان ترى ورقتها ولاتستطيع >> حقيقة وليست خرافه حذف واضافه يعمل للبعض والاخر لايستطيع وتنتهي ماساته بشعبب متاخره الى الساعة الثالثه كل هذا لماذ لانه لايوجد عقل ولااحسان ولاتفكير بمصالح الغير الانا (الانانيه) شغلتنا كثيرا عن غيرنا هدانا الله واصلحنا واراح بالنا واسعدنا في جامعتنا تحياتي

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

انا جاية برد ع كلام صديقتي كاساديا ولكن كالعادهــ قبل لا ارد ع اي مووضووووع اقرأ
الردوووود استوقفني ردك

شوفي هوا الظلم موجوود موجوود
بس المشكله ويين المشكله مو في الاستاذهـ ولا في النظام بس
المشكله بالكل <<(الطالبات كمان)
واعتقد كاساديا وضحت دا الشي في كلامها
يعني الطالبة الجامعييه مجرد دخوولها عالم الحامعه مالها غييير نفسها
(لاتسمع ولا ترى ولا تتكلم) طبعا عشان تقدر تمشي وتكمل مسيرتها
من غيير احبااط ودا كله قالته برضوو كاساديا
واذا ع الاودييس فمتابعته بصفة يوميية ماراح يضييع علييكي الشعب دا واحد
اتنين لمن تجي عند استاذهـ وتظلمك عادي اعتقد في مسؤوليين اكبر من الاستاذهـ تتوجهيين لهم
ومحد رااح يوقف ضدك دامك صح
مع لخبطة النظام والشعب وغيرهم لكن موجوود حقك في الجامعه وماراح يضييع
واذا ما اخدتييه الحيين بتاخديه بعديين
بس دا من وجهة نظري

ومرسي لك كاساديا متألقه بمواضيعك كالعادهـ
وفقك الله والى الاماام<<<برا

[رورا الامورا]

درر ياكساديا الله يحفظك يارب ويوفقك ويرضا عليكي ويرضيكي دنيا واخره
الله يكسبك الاجر ياحبيبتي
وأنا أنضم لكِ واللي أقدر عليه راح أعملو وأفيد فيه